Manasagaripaddhati 7

Mānasāgarīpaddhati 7

atha māsaphalam
caitre ca dṛṣṭibhājaḥ syātsāhaṃkāraḥ śubhākaraḥ
raktekṣaṇaḥ saroṣaśca strīlolaḥ sa bhavetsadā

bhogī dhanī sucittaścasakrodhaśca sulocanaḥ
surūpo vallabhaḥstrīṇāṃ mādhave jāyate naraḥ

paradeśarataścaiva vaśubhacittodha nānvitaḥ
dīrghāyuśca subuddhiścajeṣṭhesuṣṭhudhanī bhavet

putrapautrānvito dharmī vittanāśena pīḍitaḥ
suvarṇaścālapasukhito hyāṣāḍhe ca bhavennaraḥ

sukhaduḥkhe tathā hānau lābhe ca samacittakaḥ
sthūladehaḥsurūpaśca śrāvaṇe jāyate naraḥ

nityapramodī jalpākaḥputrayuktaḥsukhībhavet
mṛdubhāṣī suśīlaśca bhādrajāto bhavennaraḥ

surūpaśca sukhairyuktaḥkāvyakartā paraḥ śuciḥ
guṇavāndhanavānkāmī hyāśvine jāyatenaraḥ

sudhanī kāmukābuddhirdurātmā krayavikrayī
pāpīyānduṣṭacittaśca kārtike jāyate naraḥ

mṛdubhāṣī dhanī dharmī bahumitraḥparākramī
paropakārī jātaśca mārgaśīrṣe bhavennaraḥ

śūra ugrapratāpī ca pitṛdevavivarjitaḥ
aiśvaryajanmakārī ca pauṣe māse naro bhavet

matimāndhanavāṃścaiva śūro niṣṭhurabhāṣakaḥ
kāmukaśca raṇe dhīromāghe jātobhavennaraḥ

śuklaḥparopakārī ca dhanavidyāsukhānvitaḥ
videśe bhramate nityaṃ phālgune jāyatenaraḥ

viṣayahīnamatiḥ sucaritradṛga vividhatīrthakaraśca nirāmayaḥ
sakalavallabha ātmahitaṃkaraḥ khalu malimlucamāsabhavo naraḥ

Linked texts (3)