[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Duties of kings](https://indike.org/pramana/in.niti.dharma.rajadharma) › [Rajadharmakaustubha](https://indike.org/pramana/in.niti.dharma.rajadharma.rajadharmakaustubha) › 28.69 # Rajadharmakaustubha 28.69 Rājadharmakaustubha 28.69 - **Language:** Sanskrit ### [28.69](https://indike.org/pramana/in.niti.dharma.rajadharma.rajadharmakaustubha.28.69) tataḥ pūrvvasthāpita-kalaśadvayodakesartvigācāryā bahvṛca yajamānasya samudrajyeṣṭhetyādibhistaittirīyasya tu pañcabrahmamantraiḥ surāstvityādibhiścābhiṣekaṃ kṛtvā sarvvauṣadhibhiranulipya snāpayeyuḥ tato raktamaṇḍalamadhyasthita-brahmapādatale bhūṣitasurūpastrīrūpāṃ pṛthvīṃ dhyātvā, oṃ dharāyai nama iti mantreṇa pūjayet sarvvadevamayo vāsturvāstudevamayaṃ puram iti gṛhādi saṃskāryyam prāgāditastrisūtryā pavamānena rakṣoghnena ca sūktena śanairveṣṭayet yathā sūtracchedo na bhavati | tato dugdhapūrṇābhyāṃ śvastanakumbhābhyāṃ tenaiva sūktadvayena prāgādito'vicchinnadhārādvayaṃ kuryyāt atha yajamāno gṛhāderāgneye jānudaghne avaṭaṃ khātvā gomayenopalipya śvetacandanākṣatapuṣpairalaṃṅkṛtya vrīhyādisaptabījayuktaṃ dadhyodanaṃ tatra prakṣipya śvetagandhādyarcitaṃ jalapūrṇakumbhaṃ hastadvayenādāya jānubhyāmavaniṃ gatvā namo varuṇāyeti jalenā'vaṭaṃ pūrayet | tatra pradakṣiṇo jalāvartte puṣpayorddhamukhatve śubhaṃ viparīte tvaśubham tato mṛtpeṭikāyāṃ saptabījaṃ śaivālaphalapuṣpayutaṃ dadhyodanaṃ prakṣipya turyyamaṅgalaghoṣānītāṃ pūrvvārcitāṃ sauvarṇīṃ vāstupratimāṃ tatra nidhāya pañcopacāraiḥ sampūjya ślokābhyāṃ prārthayet pūjito'si mayā vāsto homādyairarcanaiḥ śubhaiḥ prasīda pāhi viśveśa dehi me gṛhajaṃ sukham - [Previous: 28.68](https://indike.org/pramana/in.niti.dharma.rajadharma.rajadharmakaustubha.28.68) - [Next: 28.70](https://indike.org/pramana/in.niti.dharma.rajadharma.rajadharmakaustubha.28.70) - [Up: 28](https://indike.org/pramana/in.niti.dharma.rajadharma.rajadharmakaustubha.28) ## Linked texts (1) - [Śāntikamalākara](https://indike.org/pramana/in.niti.dharma.santi.santikamalakara.10.13) — Kamalākarabhaṭṭa 1587, Sanskrit --- Source: [https://indike.org/pramana/in.niti.dharma.rajadharma.rajadharmakaustubha.28.69](https://indike.org/pramana/in.niti.dharma.rajadharma.rajadharmakaustubha.28.69) · Pramāṇa