[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Eastern Indian śrāddha digests](https://indike.org/pramana/in.niti.dharma.sraddha.mithila_bengal) › [Shraddhakaumudi](https://indike.org/pramana/in.niti.dharma.sraddha.mithila_bengal.sraddhakaumudi) › 5.p14 # Shraddhakaumudi 5.p14 Śrāddhakaumudī 5.p14 - **Language:** Sanskrit ### [5.p14](https://indike.org/pramana/in.niti.dharma.sraddha.mithila_bengal.sraddhakaumudi.5.p14) yājñavalkyaḥ— savyāhṛtikāṃ gāyatrīṃ madhuvātā iti tṛcam | japtvā yathāsukhaṃ vācyaṃ bhuñjīraṃste'pi vāgyatāḥ || savyāhṛtikāṃ gāyatrīṃ praṇavādyantāmiti jñeyam | oṃkāraṃ pūrvvamuccāryyaṃ bhūrbhuvaḥsvastataḥparam | gāyatrī praṇavaścānte japye hyevamudāhṛtā || iti yogiyājñavalkyavacanāt | madhuvātā iti tṛcamityatra madhumadviti trijapo'pi mantavyaḥ | garur̤apurāṇavacanaikavākyatāvaśāt yathānnotsargānantaraṃ tatraiva gāyatrīṃ madhuvātā iti madhu madhu madhviti ca trijapitvā yathāyathaṃ vāgyatā juṣadhvamiti brūyāditi | tathāca chandogapariśiṣṭe— madhumadviti yastatra trijapo'bhitumicchatām | gāyatryanantaraṃ so'tra madhumantravivarjitaḥ || iti pārvvaṇe gāyatryanantaraṃ madhuvāteti madhudānamantrasahito madhviti yastrirjapaḥ sa eva 'madhuvāteti' madhudānamantravarjjito nāndīmukhe'bhyanujñāyata iti | yathā mitākṣarālikhitaṣaṭtriṃśadvacanañca— gāyatrīṃ triḥ sakṛdvāpi japedvyāhṛtipūrvvikām | madhuvāteti tṛcaṃ madhvityeva trikam | tathā ayañca madhuvātāsahito madhviti virjapo'nne marbhiraghāraṇasahitaḥ kāryyaḥ | yathā yamaḥ— - [Previous: 5.p13](https://indike.org/pramana/in.niti.dharma.sraddha.mithila_bengal.sraddhakaumudi.5.p13) - [Next: 5.p15](https://indike.org/pramana/in.niti.dharma.sraddha.mithila_bengal.sraddhakaumudi.5.p15) - [Up: 5](https://indike.org/pramana/in.niti.dharma.sraddha.mithila_bengal.sraddhakaumudi.5) ## Linked texts (1) - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p71) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.sraddha.mithila_bengal.sraddhakaumudi.5.p14](https://indike.org/pramana/in.niti.dharma.sraddha.mithila_bengal.sraddhakaumudi.5.p14) · Pramāṇa