[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Eastern Indian śrāddha digests](https://indike.org/pramana/in.niti.dharma.sraddha.mithila_bengal) › [Shraddhakaumudi](https://indike.org/pramana/in.niti.dharma.sraddha.mithila_bengal.sraddhakaumudi) › 6.p6 # Shraddhakaumudi 6.p6 Śrāddhakaumudī 6.p6 - **Language:** Sanskrit ### [6.p6](https://indike.org/pramana/in.niti.dharma.sraddha.mithila_bengal.sraddhakaumudi.6.p6) brāhmaṇasyānaṅguṣṭhapāṇigrahaṇaṃ sadā nāndīmukhe pārvvaṇe'pi kulīṃ viprān visarjayedityarthaḥ | yatra ca matsyapurāṇadau brāhmaṇamātravisarjjanaṃ śrūyate tatra dvijāṅge pitrādīnāmadhiṣṭhānenābhedādhyāsāt dvijavisarjjanena pitrādīnāṃ visarjjanamuktamiti dhyeyam | tenābrāhmaṇakañcāddhe'pi vāje vāje iti pitrādivisarjjanaṃ kāryyaṃ prativacanahastadhāraṇādikantu bādhitameveti | matsyapurāṇetatastānagrataḥ sthitvā pratigṛhyodapātrakam | vāje vāje iti japan kuśāgreṇa visarjayet || bahiḥ pradakṣiṇaṃ kuryyāt padānyaṣṭāvanuvrajet | tān brāhmaṇānityarthaḥ | acodakagrahaṇādvāridhārāveṣṭanena visarjjanamiti kecit | vāridhārayā pradakṣiṇīkaraṇārthamudapātragrahaṇamiti prāñcaḥ | adṛṣṭārthamityapare | kuśāgreṇa pitṝn kuśamūlenāthairddevān visarjjayediti | gṛhādvahirityarthaḥ padānyaṣṭāviti viṣṇupurāṇoktadvāraparyyantānuvrajanena saha vikalpaḥ | anuvrajanantu militānāmiva sarvveṣa visarjanasyaiva daivāntatvaniyamāt | pāraskare gobhile ca āmāvājasyetyanuvrajyetyuktatvāt brāhmaṇābhāve'nuvrajanābhāvādāmāvājasyeti mantrabādhaḥ pradakṣiṇīkṛtyābhivyeti brāhmaṇāniti śeṣaḥ | jaladhārayā pradakṣiṇīkaraṇamiti prāñcaḥ | brāhmaṇābhāve pradakṣiṇīkaraṇābhivādaneyorbādhaḥ | tato brāhmaṇānujñāto gṛhaṃ praviśya sarvvakarmāntasādhāraṇamacchidramavadhāryya śrīviṣṇuṃ smaret | yathā— - [Previous: 6.p5](https://indike.org/pramana/in.niti.dharma.sraddha.mithila_bengal.sraddhakaumudi.6.p5) - [Next: 6.p7](https://indike.org/pramana/in.niti.dharma.sraddha.mithila_bengal.sraddhakaumudi.6.p7) - [Up: 6](https://indike.org/pramana/in.niti.dharma.sraddha.mithila_bengal.sraddhakaumudi.6) ## Linked texts (1) - [Matsyapurāṇa](https://indike.org/pramana/in.purana.matsya.17.59) — Vyāsa, Sanskrit --- Source: [https://indike.org/pramana/in.niti.dharma.sraddha.mithila_bengal.sraddhakaumudi.6.p6](https://indike.org/pramana/in.niti.dharma.sraddha.mithila_bengal.sraddhakaumudi.6.p6) · Pramāṇa