[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Shraddhacandrika (Divakarabhatta)](https://indike.org/pramana/in.niti.dharma.sraddha.sraddhacandrika) › 2.p175 # Shraddhacandrika (Divakarabhatta) 2.p175 Śrāddhacandrikā (Divākarabhaṭṭa) 2.p175 - **Language:** Sanskrit ### [2.p175](https://indike.org/pramana/in.niti.dharma.sraddha.sraddhacandrika.2.p175) atha piṇḍadāne niṣiddhakālaḥ | hemādrau bṛhatparāśarapulastyau— yugādiṣu maghāyāṃ ca viṣuvatyayane tathā | bharaṇīṣu ca kurvīta piṇḍanirvapaṇaṃ nahi || ayanadvitaye śrāddhaṃ viṣuvadvitaye tathā | yugādiṣu ca sarvāsu piṇḍanirvapaṇādṛte || smṛtiratnāvalyām— putre jāte vyatīpāte grahaṇe candrasūryayoḥ | śrāddhaṃ kuryātprayatnena piṇḍanirvapaṇādṛte || tathā— bhānau bhaume trayodaśyāṃ nandābhṛgumaghāsu ca | piṇḍadānaṃ mṛdā snānaṃ na kuryāttiḷatarpaṇam || ayaṃ ca manvādiśu piṇḍadānaniṣedhaḥ tithivāranakṣatraprayuktakāmyaśrāddhaviṣayo bodhyaḥ | ata evoktam— viśvarūpanibandhe, tithivāraprayukto yo niṣedhaḥ samudāhṛtaḥ | sa śrāddhe tannimitte syānnānyaśrāddhe kadācana || iti | mahāḷayādau ravivārādiṣvapi nirvapedityāpi— atriḥ, mahāḷaye kṣayāhe ca darśe putrasya janmani | tīrthe'pi nirvapetpiṇḍān ravivārādikeṣvapi || iti | vivāhādyuttaraṃ niṣedhamāha-kārṣṇājiniḥ, vivāhavratacūḍāsu varṣamardha tadardhakam | uttarārdha tadeva | hemādrau jyotiḥpārāśaraḥ-vivāhe vihite māsāṃstyajedyudvādaśaiva hi | sapiṇḍāḥ piṇḍanirvapaṃ mauñjībandhe ṣaḍeva hi || kvacitpratiprasavamāha tatra sa eva-mahālaye gayāśrāddhe mātāpitroḥ kṣaye'hani | yasya kasyāpi martyasya sapiṇḍīkaraṇe tathā || kṛtodvāho'pi kurvīta piṇḍanirvapaṇaṃ sadā | iti | madanaratne smṛtyantare-piṇḍānsapiṇḍā no dadyuḥ pretapiṇḍaṃ vinātra tu | pitṛyajñe ca yajñe ca gayāyāṃ dadyureva te || iti | pitṛyajñe=piṇḍapitṛyajñe | yajñe=pitreyeṣṭyām | te=sapiṇḍāḥ | (1) vṛddhaśātātapaḥ, piṇḍanirvoparahitaṃ yattu śrāddhaṃ vidhīyate | svadhāvācanalopo'tra vikiraśca na lupyate || akṣayyadakṣiṇāsvastisaumanasyaṃ yathāsthitam || iti - [Previous: 2.p174](https://indike.org/pramana/in.niti.dharma.sraddha.sraddhacandrika.2.p174) - [Next: 2.p176](https://indike.org/pramana/in.niti.dharma.sraddha.sraddhacandrika.2.p176) - [Up: 2](https://indike.org/pramana/in.niti.dharma.sraddha.sraddhacandrika.2) ## Linked texts (2) - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.10) — Sanskrit - [Caturdaśī](https://indike.org/pramana/in.darsana.dvaita.caturdasi.p69) — Sanskrit --- Source: [https://indike.org/pramana/in.niti.dharma.sraddha.sraddhacandrika.2.p175](https://indike.org/pramana/in.niti.dharma.sraddha.sraddhacandrika.2.p175) · Pramāṇa