[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Shraddhadipa](https://indike.org/pramana/in.niti.dharma.sraddha.sraddhadipa) › 8.368 # Shraddhadipa 8.368 Śrāddhadīpa 8.368 - **Language:** Sanskrit ### [8.368](https://indike.org/pramana/in.niti.dharma.sraddha.sraddhadipa.8.368) nātra pūrvāparadine nimantraṇasthale pratyākhyāne pratyavāyādeva brīhiyavavadicchāvikalpaḥ pūrvadināsārmathye paradine "śvaḥ kartāsmīti niścitya dātā viprān nimantrayet| kintu śaktāśaktabhedena vyavasthita vikalpa nirāmiṣaṃ sakṛdbhuktvā sarvasuptajane gṛhe| asambhave paredyurvā brāhmaṇāntān nimantrayediti devalavacanāt pūrvadine kṛtāmantraṇo brāhmaṇo'vaśya yoṣitprasaṅgādiṃtaṃ parityajet niścityeti padānniścaye nirāmiṣasakṛdbhojanāderaṅgatvam| yadyapi śvo bhāvikarmaṇi pratyūhasambhavānniścayo'śakyanirṇayastathāpi śāstroktaśvaḥ kartavyatvaniścayātmakajñānamatra vivakṣitam| tādṛgjñānābhāve tadaṅgarahitenāpi śrāddhaṃ kartavyamiti| utkaṭakoṭikasambhāvanāyā evātra niścayapadārthatvāt| utkaṭakoṭitā ca saṃśayoyaviṣayatāviśeṣaḥ| saṃśaye koṭidvayasya tulyatā sambhāvanāyāmekasyā ādhikyamiti viśeṣaḥ śrāddhadine paridhānārthaṃ pūrvadine vastradhāvanakṣārādikaṃ śrāddhasthāne vedikālepanādikamapi kāryam vastrāśaucādikaṃ kāryaṃ śvaḥ kartāsmoti jānatā| sthānopalepanañcaiva kṛtvā viprān nimantrayet|| dantakāṣṭhañca visṛjedva brahmacārī śucirbhavet iti varāhapurāṇavacanāt| brahmacārī viśeṣatastyaktakriyānivṛttirūpamaithunaḥ| "nimantrayeta pūrvedyuḥ pūrvoktān dvijasattamān| aprāptau taddine vāpi hitvā yoṣitprasaṅginamiti mārkaṇḍeyapurāṇīyavacane praśabdasvarasāt| "yonikriyāvirodhādyairguṇaiyuktānalolupān prārthayeta pratoṣānte bhuktānnān śayitān dvijān| sarvāyāsavinirmuktaiḥ kāmakrodhavivarjitairbhavitavyaṃ bhavadbhirnaḥ śvobhūte śrāddhakarmaṇi|| te taṃ tathetyavighnena yāti ced rajanīsukham| tathāśrutaṃ pratīkṣeran śrāddhakālamatandritāḥ||" ityādiyamavacane "yonikriyāvirodhādyai"riti spaṣṭamuktatvācca| etacca pārvaṇaprakṛtitvāt sarvaśrāddhe 'nuvartate kintu ābhyudayike śrāddhe "prātarāmantritāṃ viprān" iti chandopaviśiṣṭāt śrāddhadine prātarevāmantraṇaṃ tatra śvaḥpadasyāsamavetārthatvāt mantrāntarasatvenohāderanyāyyatvāt "akrodhanaiḥ śaucaparaiḥ satataṃ brahmacāribhiḥ| bhavitavyaṃ bhavadbhiśca mayā ca śrāddhakāriṇā" iti matsyapurāṇīyamantraḥ paṭhanīyaḥ| dantakāṣṭhañca visṛjediti visṛjet śrāddhīyabrāhmaṇebhyo dadyāditi śrāddhacintāmaṇiḥ| śrāddhakartuśca "śrāddhe janmadine caiva vivāhe'jīrṇasambhave| vrate caivopavāse ca varjayeddantadhāvanamitiviṣṇūkterdantadhāvananiṣedhāt| kintu dvādaśagaṇḍūṣajalena mukhaṃ pariśodhya prātaḥ snātvā dhaute vastre vibhṛyāditi smārtāḥ| etena dantadhāvanādikaṃ vyākhyātam| śrāddhadine tailābhyaṅgādikaṃ viśeṣatastilatailābhyaṅgaṃ na kāryam| vāmapādamādau prakṣālya dakṣiṇapādaprakṣālanapūrvakaṃ śrāddhasthāne gacchet| prapañcastvanyatra śrāddhaviveka-śrāddhatattvādāvanusandheyaḥ śūdrādīnāṃ mantrapāṭhavicāraḥ ayameva vidhiḥ proktaḥ śūdrāṇāṃ mantravarjitaḥ amantrasya tu śūdrasya vipro mantreṇa gṛhyate - [Previous: 8.366-2](https://indike.org/pramana/in.niti.dharma.sraddha.sraddhadipa.8.366-2) - [Next: 8.366-3](https://indike.org/pramana/in.niti.dharma.sraddha.sraddhadipa.8.366-3) - [Up: 8](https://indike.org/pramana/in.niti.dharma.sraddha.sraddhadipa.8) ## Linked texts (3) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p58) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.18.p60) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p60) — Gadādhara (Pāraskara commentator), Sanskrit --- Source: [https://indike.org/pramana/in.niti.dharma.sraddha.sraddhadipa.8.368](https://indike.org/pramana/in.niti.dharma.sraddha.sraddhadipa.8.368) · Pramāṇa