[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Shraddhamanjari (Bapubhatta Kelakara)](https://indike.org/pramana/in.niti.dharma.sraddha.sraddhamanjari) › 1.1-2 # Shraddhamanjari (Bapubhatta Kelakara) 1.1-2 Śrāddhamañjarī (Bāpūbhaṭṭa Kelakāra) 1.1-2 - **Language:** Sanskrit ### [1.1-2.1](https://indike.org/pramana/in.niti.dharma.sraddha.sraddhamanjari.1.1-2.1) athātaḥ pārvaṇe śrāddhe kāmya ābhyudayika ityādi bhagavatā''śvalāyanena gṛhyasūtre śrāddhānyuktāni anyānyapi śāstrāntaroktāni teṣāṃ madhye katipayānāṃ prayogo'bhidhīyate | tatrā''dau prayogalāghavārthaṃ saṃkṣepātparibhāṣārthaḥ saṃgṛhyate | śrāddhārthaṃ puṇyadeśe puṇyatīrthe tulasauvanādau vā tadalābhe svagṛhe śālagrāmasaṃnidhau dakṣiṇāpravaṇaṃ sthalaṃ parikalpya pariśritya tadgomayenopalepayet | rūkṣakamihataduṣṭagandhayuktaparakīyadeśāntarikṣadeśādiniṣiddhadeśe śrāddhaṃ na kāryam | pravāsādau parakīyagṛhe śrāddhaprasaktau tadgṛhasvāmino'nujñāṃ gṛhītvā śrāddhaṃ kāryam | śrāddhadine śrāddhātpūrvaṃ bālebhyo bhojanadānamatithibhyo bhikṣādidānaṃ gṛhe raṅgamālākaraṇaṃ kartrā kaṇṭhe mālādhāraṇaṃ gandhādyalaṃkaraṇaṃ ca na kāryam | striyo'pi muktakeśatvarodanahasanākāraṇabhāṣaṇādīni na kuryuḥ atha śrāddhe grāhyāgrāhyapadārthāḥ | tatra darbhāḥ samūlāḥ sakṛdācchinnā vā snigdhāḥ puṣṭā nirdoṣā grāhyāḥ | haritā atipraśastāḥ | varjyānāha laghuhārītaḥpathi darbhāścitau darbhā ye darbhā yajñabhūmiṣu staraṇaāsanapiṇḍeṣu ṣaṭ kuśānparivarjayet brahmayajñe ca ye darbhā ye darbhāḥ pitṛtarpaṇe hatā mūtrapurīṣābhyāṃ teṣāṃ tyāgo vidhīyate || iti athānulepanāni | candanāgarukeśarakastūrikāyakṣakardamādīni praśastāni | yakṣakardamalakṣaṇaṃ viṣṇudharmottarekarpūrāgarukaṅkoladarpakuṅkumacandanaiḥ yakṣakadmè ityukto gandhaḥ svarge'pi durlabhaḥ || iti darpaḥ kastūrikā | kuṅkumaṃ keśaram ### [1.1-2.2](https://indike.org/pramana/in.niti.dharma.sraddha.sraddhamanjari.1.1-2.2) atha puṣpāṇi | campakāgastyaśatapatrikātilapuṣpakamalamallikātagarāśokādīni praśastāni | varjyāni tu ketakīdroṇakaravīradhattūrakiṃśukajapārūpikākuraṇṭekabakulakubjādīni | ugragandhāni agandhāni śmaśānavṛkṣodbhavāni raktavarṇāni ca varjayet | kamalāni tu āraktānyapi praśastāni | jātīpuṣpaṃ niṣiddhamiti vṛddhayājñavalkyaḥ | praśastamiti skānde | uktānuktagrahaṇādvikalpa iti hemādriḥ | niṣedhaḥ piṇḍaviṣaya iti kamalākaraḥ | patrāṇi tulasībhṛṅgarājadūrvāyavāṅkurādīni praśastāni bilvapatraṃ niṣiddham | mādhavīye smṛtyarthasāre ca tulasī niṣiddhā tulasīniṣedho nirmūla iti hemādriḥ atha dhūpaḥ | guggulacandanāgarukarpūradevadāruādirnimito ghṛtamadhuyuktaḥ praśastaḥ | prāṇyaṅgajo hastavātahata ugragandhaśca niṣiddhaḥ | dīparatu tilatailayukto ghṛtayukto vā praśastaḥ | vasodbhavo niṣiddhaḥ atha vastrāṇi | kauśeyakṣaumakārpāsadukūlādīnyahatāni praśastāni ahatalakṣaṇamāha candrikāyāṃ pracetāḥ— īṣaddhautaṃ navaṃ śvetaṃ sadaśaṃ yanna dhāritam ahataṃ tadvijānīyātsarvakarmasu pāvanam || iti aṣṭahastaṃ navaṃ śvetamiti granthāntare pāṭhaḥ | kṛṣṇavarṇamalinopabhuktasacchidradaśārahitarajakadhautāni niṣiddhāni | kārpāsavastraṃ niṣiddhamiti hemādrāvādityapurāṇe | kārpāsavastraniṣedho'nyasaṃbhava iti nirṇayasindhau | vastrābhāve yajñopavītāni | satyapi vastre yajñopavītāni dātavyānīti hemādriḥ ### [1.1-2.3](https://indike.org/pramana/in.niti.dharma.sraddha.sraddhamanjari.1.1-2.3) athānnāni | vrīhiyavamudgaśyāmākanīvārapriyaṅgumāṣatilacaṇakayāvanālaveṇuyavagodhūmādinirmitādanapakvānnaparamānna bhakṣyabhojyapūrikākrusarapāyasādīni praśastāni | tāni ca tailapakvāni snigdhānyuṣṇānyatipraśastāni | āḍhakyarājamāṣamasūrākodravaniṣpāvamāripagavedhukaśatapuṣpārājasarṣapavanamudgakulitthādīni varjayet | tilamudgamāṣātiriktāni sarvāṇi kṛṣṇadhānyāni niṣiddhāni | yāvanālā joṃdhaḷā iti prasiddhāḥ | rājamāṣāśvavalā iti prasiddhāḥ | niṣpāvā valhāḥ | māriṣaṃ rājagirā iti prasiddham | keṣāṃcinmate yāvanālacaṇakādīni niṣiddhāni | vihitaniṣiddhānāṃ vikalpa iti kamalākaraḥ | dhānā lājāḥ pṛthukāśca śarkarākṣīrasaṃyuktāḥ praśastāḥ atha śākāni | kālaśākataṇḍulīyaphalguvāstukapanasakośātakī - kadalavṛhatīphaladīrghaśvetamūlakakustumbarīśītakandalyādīni praśastāni taṇḍulīyaṃ māṭha iti prasiddham | phalgu, udumbaram | vāstukaṃ candanabathuvā iti prasiddham | śītekandalī ratālū iti prasiddhā | phāñjīcūkādyāraṇyakāni ca praśastāni | varjyāni tu kūṣmāṇḍaśigruvaṃśāgrakṛṣṇakarkaṭīpāribhadracchatrākādīni | alābupaṭolapiṇḍāla(lu?)kādīnāṃ vihitaniṣiddhatvādvikalpaḥ | piṇḍāluka peḍharamiti prasiddham | vṛttālābu niṣiddhameveti nirṇayasindhau | śvetavṛntākaṃ niṣiddhamiti hemādriḥ | tena kṛṣṇasyāniṣedha iti candrikāmādhavau | kṛṣṇasyāpi niṣedha iti kamalākaraḥ atha phalāni | kadalīphalāmraphalabadarapanasāmalakadāḍimakharjūradrākṣāpriyālabījapūrabilvakapitthanārikelādīni praśastāni | niṣiddhāni tu karīraviḍaṅgajambīrajambūkaramardaśelutuṇḍīphalakaliṅgādīni | piyālaṃ ### [1.1-2.4](https://indike.org/pramana/in.niti.dharma.sraddha.sraddhamanjari.1.1-2.4) cāramiti prasiddham | karamardaṃ karavandam | śeluḥ śleṣmātako bhokarasaṃjñaḥ | lomaśāni phalāni ca niṣiddhāni | keṣāṃcinmate bilvakapitthanālikerādīni niṣiddhāni | vihitaniṣiddhatvādvikalpaḥ | raktabilvaṃ tu niṣiddhameva mūlāni tvāīkaśaruharidrādīni śvetamūlāni ca praśastāni | gājarādīni raktamūlāni ca niṣiddhāni kandāḥ sūraṇādayaḥ praśastāḥ | palāṇḍulaśunagṛñjanādayo niṣiddhāḥ gṛñjana palāṇḍubheda iti sindhau | laśunabheda iti granthāntare maruṇḍaśṛṅgāṭakādīni jalajāni praśastāni | maruṇḍaṃ makhāṇā iti prasiddham | śṛṅgāṭakaṃ śiṃṅghāṭaka iti prasiddham ikṣudaṇḍaḥ praśastaḥ | śuṇṭhī praśastā | pippalī marīcāni ca praśastāni| marīcānyārdrāṇi niṣiddhāni śuṣkāṇi praśastānīti hemādrau pippalyapi niṣiddheti tatraiva | kamalākarastu pippalīmarīcādeḥ pratyakṣasya niṣedho na tvanyadravyamiśrasyetyāha | sarpapadravo madhu mahiṣīghṛtaṃ ca praśastam | gorasāḥ sarve praśastāḥ | tatrāpi kapilāyāḥ praśastataraḥ | mahiṣīkṣīramāvikaṃ payaśca niṣiddham | lohitā vṛkṣaniryāsā niṣiddhāḥ hiṅgukarpūrajīrakalavaṅgelāpatrikādīni praśastāni | ikṣuvikārāḥ śarkarāguḍādyaḥ praśastāḥ | saindhavaṃ sāmudraṃ ca lavaṇaṃ praśastam | anyāni niṣiddhāni | pitrāderjīvato yatpriyaṃ dātuśca yanmanobhilaṣitaṃ praśastaṃ cettadyatnena deyam | priyamapi niṣiddhaṃ cenna dātavyamiti sindhau hemādrau brahmāṇḍeāsanārūḍhamannādyaṃ pādopahatameva ca amedhyairjaṅgamaiḥ spṛṣṭaṃ śuṣkaṃ paryuṣitaṃ ca yat dviḥsvinnaṃ paridagdhaṃ ca tathaivāgrāvalehitam śarkarākīṭapāṣāṇaiḥ kaiścaiścāpyupahatam ### [1.1-2.5](https://indike.org/pramana/in.niti.dharma.sraddha.sraddhamanjari.1.1-2.5) piṇyākaṃ mathitaṃ caiva tathā lavaṇakaṃ ca yat siddhāḥ kṛtāśca ye bhakṣyāḥ pratyakṣalavaṇīkṛtāḥ vāsasā cāvadhūtāni varjyāni śrāddhakarmaṇi || iti candrikāyāṃ śaṅkhaḥ-biḍālocchiṣṭamāghrātaṃ śrāddhe yatnena varjayet | iti atha praśastaṃ jalamāha yājñavalkyaḥśuci gotṛptikṛttoyaṃ prakṛtisthaṃ mahīgatam || iti varjyaṃ jalamuktaṃ brāhme-durgandhi phenilaṃ kṣāraṃ paṅkilaṃ palvalodakam na bhavedyatra gotṛptirnaktaṃ yaccāpyupāhṛtam yacca sarvārthamutsṛṣṭaṃ yaccābhojyanipātajam tadvarjyaṃ salilaṃ tāta sadaiva śrāddhakarmaṇi || iti tyajetparyuṣitaṃ puṣpaṃ tyajetparyuṣitaṃ jalam na tyajejjāhnavītoyaṃ tulasīpadmabilvakam || iti na kadācitpacedannamayasthālīṣu paitṛkam ayaso darśanādeva pitaro vidravanti hi kālāyasaṃ viśeṣeṇa nindanti pitṛkarmaṇi || iti phalānāṃ caiva śākānāṃ chedanāthāni yāni ca mahānase'pi śastrāṇi teṣāmeva hi saṃnidhiḥ iṣyate netarasyātra śastramātrasya darśanam śrāddhadeśeṣu viduṣā pitṝṇāṃ prītimicchatā mahānasopayuktānāmapi kāryaṃ na darśanam || iti darvyādīnyapi kāryāṇi yajñiyairapi dārubhiḥ || iti athārghyapātrāṇi | tānyāhā''cāryaḥ-taijasāśmamayanmṛnmayeṣu triṣu pātreṣvekadravyeṣu ceti | aśmamayaṃ sphaṭikādinirmitamiti kamalākaraḥ mṛnmayaṃ tu hastaghaṭitameva kulālacakraniṣpannamāsuraṃ daivikaṃ na tat tadeva hastaghaṭitaṃ daivikaṃ mṛnmayaṃ bhavet iti cchandogapariśiṣṭāt | gṛhyakārikābhāṣyeaṣṭāṅgulaṃ bhavetpātraṃ pitṝṇāṃ rājataṃ śubham daśāṅgulaṃ tu devānāṃ sauvarṇaṃ yacca coditam || iti hemādrau prajāpatiḥ-sauvarṇaṃ rājataṃ tāmraṃ khaḍgaṃ maṇimayaṃ tathā ### [1.1-2.6](https://indike.org/pramana/in.niti.dharma.sraddha.sraddhamanjari.1.1-2.6) yajñiyaṃ camasaṃ cāpi arghyārthaṃ pūrayedbudhaḥ || iti daive pitrye ca tāmrapātrāṇīti baijavāpaḥ|alābhe yathāsaṃbhavaṃ palāśapatrapuṭādīni vā bhavantīti kārikābhāṣye | khaḍgapātramatipraśastamiti kalikāyām | śilāpātraṃ dārupātraṃ ca niṣiddhamiti sindhau | arcanādipātrāṇi raupyamayāni khaḍgamayāni ca praśastāni | tadalābhe tāmramayāni | saṃbhāranidhānārthaṃ kṛṣṇājinamatipraśastam | taduktaṃ prayogapārijāte nāgarakhaṇḍekṛṣṇājinasya sāṃnidhyātpitṝṇāmakṣayā gatiḥ āstīrya dakṣiṇāgrīvamevamuttaralomakam sarvāñchrāddhasya saṃbhārāṃstasyopari niveśayet || iti pākārthamagnistu yathācāraṃ gṛhyāgnirlaukikāgnirvā | āśvalāyanānāṃ tu laukikāgnireveti bahavaḥ | evaṃ śrāddhāīpadārthānupakalpya gomayodakādibhirbhūmibhājanādiśaucaṃ vidhāya kartā śrāddhadine prātaḥ snātvā śuklavāsā maunī jitendriyaḥ sañchrāddhārthaṃ pākaṃ svayameva kuryāt | aśaktau patnī | tadabhāve bāndhavāḥ | tadabhāve sapiṇḍasagotrasamānapravaramitrakṛtopakāriṇaḥ | tadabhāve mātṛpitṛvaṃśajāḥ | patiputravatyaḥ striyo'pi mātṛpitṛvaṃśajā api vandhyājāriṇīgarbhiṇīvidhavādayo varjyāḥ śrāddhabhūmau pādukopānacchatracitrāmbararaktāmbararaktapuṣpamārjāraghaṇṭāravādīni varjayet | śrāddhakāle kukkuṭavarāhapatitakākavṛṣalavṛṣalīpatirajasvalāṣaṇḍhādīnāṃ darśanaṃ niṣiddham | kukkuṭavarāhaśvakākādispṛṣṭamannaṃ tyajet rajasvalācaṇḍālādivīkṣitamapi tyajet | āpadi tvalpopahatau mṛdbhasma -hiraṇyodakaṃ cānne prakṣipya śuddhavatībhiḥ kūṣmāṇḍībhiḥ pāvamānībhistaratsamandībhirabhimantritajalena darbhaiḥ prokṣaṇācchuddhiḥ | yājñikāstu ### [1.1-2.7](https://indike.org/pramana/in.niti.dharma.sraddha.sraddhamanjari.1.1-2.7) śuddhavatyādibhiryavodakābhimantraṇaṃ kṛtvā tenaiva pākamokṣaṇaṃ kurvanti atha brāhmaṇāḥ | te ca śrutaśīlavṛttasaṃpannā brahmavidaḥ satyabhāṣiṇa āhitāgnayastatsutā vā'samānagotrā asamānapravarā asaṃbandhinaścottamāḥ| tadalābhe mātāmahamātulabhāgineyadauhitrajāmātṛguruśiṣyartvigimaśvaśvaśuraśālakabandhutrayasaṃbandhino'ntevāsī samānapravaraikagotrāḥ śrutādyuktaguṇayuktā bhojyāḥ | karturdīhitro guṇayuktaścedatipraśastaḥ | dvipadogihīnādhikāṅgakṛtaghnajyotiṣavaidyavṛtterājabhṛtyagāyakavedavikrayidevalakadārasutāgnityāgikāṇāndhabadhiramūkapaṅgukhalvāṭakunakhinaṭakṛṣṇadantapatitavrātyajārakarmanirataśūdrayājakagrāmayājakāyājyayājakaśmaśruhīnajaṭilaklībakuṣṭhikubjavāmanaputrahīnaparaśākhopanautavārdhupikasarvavikrayacaurakarmaniratādayo varjanīyāḥ | ekasmiñśrāddhe dvau bhrātarau pitṛputrau ca naiva bhojyau | brāhmaṇaparīkṣāvaśyakatvamuktaṃ manunāna brāhmaṇaṃ parīkṣeta daive karmaṇi dharmavit pitrye tu karmaṇi prāpte parīkṣeta prayatnataḥ daivakāryādvijātīnāṃ pitṛkāryaṃ viśiṣyate || iti brāhmaṇasaṃkhyāmāha candrikāyāṃ vasiṣṭhaḥdvau deve pitṛkṛtye trīnekaikamubhayatra vā bhojayetsusamṛddho'pi na prasajjeta vistare || iti vaiśvadevike daśāṣṭa ṣaṭ catvāro veti candrikāyām | pitrādīnāmekaikasya sthāne trayaḥ pañca sapta nava veti vṛttau | atra śākhāparatvena śaktyā vā vyavasthā bodhyā | daive nyūnavayaskā pitrādiṣu krameṇa vṛddhavṛddhataravṛddhatamā iti śaunakīye vṛttau ca | sati saṃbhave pitṛsthāne bahvṛcāḥ pitāmahasthāne yājuṣāḥ prapitāmahasthāne sāmagāḥ | ekaścecchandoga ### [1.1-2.8](https://indike.org/pramana/in.niti.dharma.sraddha.sraddhamanjari.1.1-2.8) eva | tadalābhe bahvṛcāḥ | yatnena bhojayecchrāddhe bahvṛcaṃ vedapāragamiti manūkteḥ | tadasaṃbhave yathālābhamṛgvedādyanyatamavedapāragāḥ | atha brāhmaṇanimantraṇam | tacca śrāddhadinātpūrvedyuḥ sāyaṃhomānantaraṃ muktavatsu dvijeṣu śrāddhadine vā prātarhomānantaraṃ brāhmaṇagṛhaṃ gatvā kāryam | aśaktau putrādinā | tadvidhimāha śaunakaḥgṛhītvā'mukasaṃjñasyāmukagotrasya cāmuke śrāddhe tu vaiśvadevārthaṃ karaṇīyaḥ kṣaṇastvayā || iti gṛhītvetyatra pādāviti śeṣaḥ | ubhau caraṇau gṛhītvā nimantrayediti nāgarakhaṇḍokteḥ | daive dakṣiṇaṃ pādaṃ pitrye savyamupasaṃgṛhya nimantrayediti pracetāḥ | jānuṃ(nu) spṛṣṭvā nimantrayediti vājapeyayājipaddhatau | vipradharmamāha mayūkhe bhṛguḥāmantrito japedḍogdhrīmāsīnastu nipaṅgiṇaḥ śrāddhānte vāmadevyaṃ śrāddhabhoktā na doṣabhāk || iti āmantrito nimantritaḥ | āsīna upaviṣṭaḥ | śrāddhānte visarjanottaram | ucchiṣṭācamanānta iti kecit | dogdhrīmupahvaye sudughāmiti hiṃkṛṇvatīmiti vā | ekavacanādekāmeveti mayūkhe | nipaṅgiṇastu indra dṛhyayāma kośā0vāśīmanta ṛṣṭima0sa iṣuhastaiḥ0iti tisra ṛcaḥ | vāmadevyaṃ kayā naścitra iti tṛcam | kecidvāmadevyaṃ sāmetyāhuḥ | atharvavedī tu hiṃkṛṇvatīmityādimantrānsvaśākhoktāñjapet | yajurvedī tu ābrahmanbrāhmaṇa ityādīni yajūṃṣi dohanapadopetāni japediti hemādriḥ | sa iṣuhastaiḥ0namaḥ kakubhāya 0namo nipaṅgiṇa0iti nipaṅgiṇa(ṇo) mantrāḥ vāmadevyaṃ kayā na iti tṛcam | sāmavedinastvāha gobhilaḥāmantrito japeddohānniyuktastvṛṣabhāñjapet atīṣaṅgāṃśca tatraiva japtvā'śnīyādvijottamaḥ || iti ### [1.1-2.9](https://indike.org/pramana/in.niti.dharma.sraddha.sraddhamanjari.1.1-2.9) nimantraṇānantaraṃ brāhmaṇānāṃ śrāddhakartuśca brahmacaryaṃ bhavati | tadāha jābālaḥdantadhāvanatāmbūlaṃ tailābhyaṅgamabhojanam ratyauṣadhaparānnaṃ ca śrāddhakṛtsapta varjayet pṛthvīcandrodaye yamaḥ-punarbhojanamadhvānaṃ bhārādhyayanamaithunam saṃdhyāpratigrahaṃ homaṃ śrāddhabhoktā'ṣṭa varjayet saṃdhyāniṣedhaḥ prāyaścittātpūrvaṃ jñeyaḥ | tatprāyaścittamāhośanādaśakṛtvaḥ pivedapo gāyatryā śrāddhabhugdvijaḥ tataḥ saṃdhyāmupāsīta japecca juhuyādapi || iti homo'tra svasyaiva | anyahome'nadhikāradarśanāt | nirṇayasindhau bṛhaspatiḥdviniśaṃ brahmacārī syācchrāddhakṛdbrāhmaṇaiḥ saha punarbhojanamadhvānaṃ bhāramāyāsamaithunam śrāddhakṛcchrāddhabhukcaiva sarvametadvivarjayet svādhyāyaṃ kalahaṃ caiva divāsvāpaṃ tathaiva ca || iti candrikāyāṃ pracetāḥ-śrāddhabhukprātarutthāya prakuryāddantadhāvanam | iti kartā nimantritaṃ vipraṃ naiva tyajet | pramādāttyāge taṃ prayatnena prasādya bhojayet|buddhipūrvakatyāge cāndrāyaṇaprāyaścittam|nimantrito vipro'pi nānyatra bhoktuṃ gacchet | vilambaṃ ca na kuryāt | doṣaśravaṇāt śrāddhakartā ṣaṇmuhūrtānantaraṃ nimantritānviprānsamāhūya pratyutthānādinā satkṛtya teṣāṃ śmaśrukarmatailābhyaṅgāmalakādyudvartanapūrvakaṃ snānaṃ kārayet sūryodayānantaraṃ prātareva viprāṇāṃ śmaśrukarmādīti candrikāyām | ahnaḥ pañcadaśa muhūrtāḥ | tatrāṣṭamo muhūrtaḥ kutapasaṃjñastasmiñchrāddhārambhaḥ kutapādārabhya muhūrtapañcakaṃ śrāddhakālaḥ | dvādaśo muhūrto rauhiṇasaṃjñaḥ taṃ na laṅghayet | taduktaṃ candrikāyāṃ mātsyesāyāhnastrimuhūrtaḥ syācchrāddhaṃ tatra na kārayet ### [1.1-2.10](https://indike.org/pramana/in.niti.dharma.sraddha.sraddhamanjari.1.1-2.10) rākṣasī nāma sā velā sarvakarmasu garhitā || iti evamukte kāle śrāddhatitherapravṛttāvapi śrāddhānuṣṭhānaṃ kāryam yāṃ tithiṃ samanuprāpya astaṃ yāti divākaraḥ sā tithiḥ sakalā jñeyā pitṛkarmaṇi sūribhiḥ iti hemādryudāhṛtavacanāt | tithisamāptāvapyevameva | atha prasaṅgāttithidvaidhe sāmānyataḥ śrāddhatithinirṇayaḥ | tripuruṣoddeśyakaṃ pārvaṇaśrāddhaṃ yasyāṃ tithau vihitaṃ sā ceddinadvayasaṃbandhinī tadā yā saṃpūrṇāparāhnavyāpinī sā grāhyā | aparāhnastu pañcadhā vibhaktasya dinasya caturtho bhāgaḥ | yadā tu dinadvaye'pi saṃpūrṇāparāhnavyāpinī tadā pūrvaiva | yadā dinadvaye'pyaparāhna saṃbandho nāsti tadā'stātpūrvaṃ trimuhūrtā cetpūrvā tadabhāve tu paraiva | yadā dinadvaye'pyaparāhṇaikadeśavyāpinī tadā yasminnahanyadhikavyāpinī saiva grāhyā | dinadvaye'pyaparāhṇaikadeśe vyāptau tithikṣaye pūrvā | tithivṛddhau tithisāmye ca pareti bahavaḥ | sāmye pūrveti hemādriḥ | asminnarthe dīpikāślokaḥyatrāhanyadhikā'parāhṇasamaye sā syāttithiḥ pārvaṇe sāmyena hyaparāhṇabhāgayugasau vṛddhau titheruttarā grāhyā hrāsasamatvayostu purato'tho nāparāhṇaṃ spṛśedyadvā yā'khilamaśnute dvayahagatā sā sarvadā''dyā smṛtā atra tithisamatve pūrveti hemādrimatenoktam | atra kṣayavṛddhī uttaratithigate grāhye na grāhyatithigate | tatra kṣayasyodāharaṇam-triṃśadghaṭikāparimitai dinamāne pratipadviṃśatighaṭikāparimitā | dvitīyā dvādviṃśatighaṭikā ## Linked texts (7) - [Skandamahāpurāṇa (vulgate)](https://indike.org/pramana/in.purana.skanda*vulgate.2.2.30.286) — Sanskrit - [Padmapurāṇa](https://indike.org/pramana/in.purana.padma.1.9.120) — Vyāsa, Sanskrit - [Pracetassmṛti (fragments)](https://indike.org/pramana/in.niti.dharma.uddhrta.pracetassmrti*fragments.1.16) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p43) — Nīlakaṇṭha Dīkṣita 1625, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.2.p53) — Govindānanda 1500, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.58.2-11) — Kamalākarabhaṭṭa 1612, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p8) — Divākarabhaṭṭa 1655, Sanskrit --- Source: [https://indike.org/pramana/in.niti.dharma.sraddha.sraddhamanjari.1.1-2](https://indike.org/pramana/in.niti.dharma.sraddha.sraddhamanjari.1.1-2) · Pramāṇa