[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Shraddhamanjari (Bapubhatta Kelakara)](https://indike.org/pramana/in.niti.dharma.sraddha.sraddhamanjari) › 4.1.p1.2 # Shraddhamanjari (Bapubhatta Kelakara) 4.1.p1.2 Śrāddhamañjarī (Bāpūbhaṭṭa Kelakāra) 4.1.p1.2 - **Language:** Sanskrit ### [4.1.p1.2](https://indike.org/pramana/in.niti.dharma.sraddha.sraddhamanjari.4.1.p1.2) atha pariveṣaṇam | tacca devapūrvamāmāsu pakvamiti pātrāṇyājyenopastīrya pavitrapāṇiḥ svayameva kuryādbhāryā vā | pātrāṇi darbhaiḥ paristīryaiti raghunāthīyapaddhatau | annādi sarvaṃ darvyā pātreṇa ca pariveṣayenna tu hastena | apakvaṃ tailapakvaṃ ca hastenaiva deyam | bhojane tilā na deyāḥ ghṛtādipātrāṇi bhūmau sthāpayenna bhojanapātre | pariveṣaṇakrama uktaḥ saṃgrahelavaṇaṃ sākṣāddhastenaṃ ca na pariveṣaṇīyam | ghṛtaṃ bhojanapātrādvahiḥ pariveṣaṇīyam | devapūrvakapariveṣaṇaniyamastu prathama eva pariveṣaṇe na dvitīyādiṣu | ghṛtaṃ pitṛpūrvakameva pariveṣaṇīyamiti kecit | pariveṣaṇakāle yathā śabdo na bhavettathā pariveṣaṇīyam | gauḍanibandhepaṅktyāṃ viṣamadānaṃ naiva kāryam | evamannāni pariviṣyānnanivedanaṃ kāryam | tatprayoge vakṣyate | tatrānne'ṅguṣṭhaniveśana idaṃ viṣṇuriti mantra uktaḥ pariśiṣṭe | ṛgvidhāne tuye ceha pitara ityupasthānānantaraṃ iti mantradvayaṃ kecitpaṭhanti | tato'cchidraṃ vācayediti kamalākaraḥ pāraskaraḥsaṃkalpaḥ pitṛdevebhyaḥ sāvitrīmadhumajapaḥ śrāddhaṃ nivedyā''pośā(śa)naṃ juṣadhvaipo'tha bhojanam saṃkalpo'nnanivedanam | nivedyeti brahmārpaṇaṃ kṛtvetyarthaḥ | bṛhannāradīye-hutaṃ haviśca tatkarma viṣṇave vai samarpayediti | etadbrahmārpaṇaṃ savyenaiva kāryamiti kamalākaraḥ | atra brahmārpaṇaṃ0 harirdātā0 caturbhiśca0 iti ślokatrayaṃ paṭheediti sindhau | atha vipraniyamāḥ | mādhavīyepavitrapāṇayaḥ sarve te ca maunavratānvitāḥ ucchiṣṭocchiṣṭasaṃsparśaṃ varjayantaḥ parasparam manuḥ-yāvadūṣmā bhavatyanne yāvadaśnanti vāgyatāḥ - [Previous: 4.1.p1.1](https://indike.org/pramana/in.niti.dharma.sraddha.sraddhamanjari.4.1.p1.1) - [Next: 4.1.p1.3](https://indike.org/pramana/in.niti.dharma.sraddha.sraddhamanjari.4.1.p1.3) - [Up: 4.1.p1](https://indike.org/pramana/in.niti.dharma.sraddha.sraddhamanjari.4.1.p1) ## Linked texts (1) - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p51) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.sraddha.sraddhamanjari.4.1.p1.2](https://indike.org/pramana/in.niti.dharma.sraddha.sraddhamanjari.4.1.p1.2) · Pramāṇa