[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Shraddhamanjari (Bapubhatta Kelakara)](https://indike.org/pramana/in.niti.dharma.sraddha.sraddhamanjari) › 6.1.13 # Shraddhamanjari (Bapubhatta Kelakara) 6.1.13 Śrāddhamañjarī (Bāpūbhaṭṭa Kelakāra) 6.1.13 - **Language:** Sanskrit ### [6.1.13](https://indike.org/pramana/in.niti.dharma.sraddha.sraddhamanjari.6.1.13) evamuttaratra | pitṛpitāmahaprapitāmahebhyo nāndīmukhebhya idamannaṃ0 mātāmahamātuḥpitāmahamātuḥprapitāmahebhyaḥ sapatnīkebhyo nāndīmukhebhya idamannaṃ0 iti nivedya brahmārpaṇaṃ kṛtvā''pośānārthamudakaṃ dadyāt | viprā balidānavarjamāpośanaṃ kṛtvā bhuñjīran | kartā bhuñjānāñchakunisūktaṃ svastisūktaṃ pāvamānīḥ śaṃvatīraindrīrapratirathaṃ ca śrāvayet | tṛpteṣu, upāsmai gā0 madhu | akṣannamī0 harī | iti ṣaḍṛcacaḥ śrāvayet | tato brāhmaṇānapṛcchati saṃpannamiti | te ca saṃpannamiti pratyūcuḥ | kartā piṇḍārthaṃ prakiraṇārthaṃ cānnamuddhṛtya śeṣaṃ nivedayet | śeṣamannaṃ kiṃ kriyatām | viprā iṣṭaiḥ saha bhujyatām | kartā prakiraṇīyamannaṃ sajalaṃ viprocchiṣṭasamīpe bhuvi tūṣṇīṃ prakīrya viprebhya uttarāpośanaṃ dattvā teṣāṃ gaṇḍūṣakaraṇādiśuddhā(ddhythā)camanāntaṃ kārayitvocchiṣṭapātrāṇi niṣkāśya bhuktāśayānsamyaggomayenopalepayitvā (pya) tatra, apahatā asu0 padaḥ iti mantrāvṛttyā prāgagrāstisro lekhā ullikhyābhyukṣya barhiṣvathamāsādya krameṇodakaṃ ninayet | śundhantāṃ nāndīmukhā mātara ityādi | tataḥ pṛthagdājyamiśritānnenāṣṭādaśa piṇḍānkṛtvā, etatte nāndīmukhe mātarye ca tvāmatrānu tebhyaśceti mantrāvṛttyā mātre dvau piṇḍau dadyāt | evaṃ pitāmahyādibhyastattannāmoccārapūrvakaṃ dvau dvau dadyāt | anumantraṇādipiṇḍapratiparyantaṃ pūrvavat | anye tvanumantraṇādi necchanti | tataḥ pūrvāsāditamarghyapātraṃ cālayitvā brāhmaṇebhyastāmbūlaṃ dattvā drākṣāmalakādi tanniṣkrīṃ vā dakṣiṇātvena dattvā'laṃkarādi dattvā oṃ saṃpannamityuktvā - [Previous: 6.1.12](https://indike.org/pramana/in.niti.dharma.sraddha.sraddhamanjari.6.1.12) - [Next: 6.1.14](https://indike.org/pramana/in.niti.dharma.sraddha.sraddhamanjari.6.1.14) - [Up: 6.1](https://indike.org/pramana/in.niti.dharma.sraddha.sraddhamanjari.6.1) --- Source: [https://indike.org/pramana/in.niti.dharma.sraddha.sraddhamanjari.6.1.13](https://indike.org/pramana/in.niti.dharma.sraddha.sraddhamanjari.6.1.13) · Pramāṇa