[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Rites for the dead](https://indike.org/pramana/in.niti.dharma.sraddha) › [Shraddhamanjari (Bapubhatta Kelakara)](https://indike.org/pramana/in.niti.dharma.sraddha.sraddhamanjari) › 6.1.17 # Shraddhamanjari (Bapubhatta Kelakara) 6.1.17 Śrāddhamañjarī (Bāpūbhaṭṭa Kelakāra) 6.1.17 - **Language:** Sanskrit ### [6.1.17](https://indike.org/pramana/in.niti.dharma.sraddha.sraddhamanjari.6.1.17) āmena hemnā vā kāryamiti candrikāyām | tīrthapravāsādām̐ tvāmādinā śrāddhaṃ kāryam | pākathrāddhaṃ tu na bhavatyeveti hemādryādayaḥ | sarvatra pākābhāva āmādinā pākasaṃbhave tvannenaiveti vijñāneśvarādayaḥ | āmaṃ vituṣadhānyamiti candrikāyām | taccā''maṃ dvijabhojanaparyāptādannāccaturguṇaṃ dviguṇaṃ triguṇaṃ vā sopaskaraṃ dadyāt | atyaśaktau samamapīti smṛtyarthasāre vyāsaḥ-siddhānne tu vidhiryaḥ syādāmāśrāddhe'pyasau vidhiḥ haste'gnaukaraṇaṃ kuryādbrāhmaṇasya vidhānataḥ candrikāyām-āmaśrāddhaṃ yadā kuryātpiṇḍadānaṃ kathaṃ bhavet gṛhapākātsamuddhṛtya saktubhiḥ pāyasena vā piṇḍāndadyādyathālābhaṃ tilaiḥ saha vimatsaraḥ || iti agnaukaraṇavikirādau tvāmameveti tatraiva sindhau-tṛptipraśno'vagāhaśca juṣapraśno yathāsukham āmaśrāddhe bhavennetadāpośanaṃ ca pañcamam avagāho'ṅguṣṭhaniveśanam | āmaśrāddhamanaṅguṣṭhamagnaukaraṇavarjitam tṛptipraśnavihīnaṃ tu kartavyaṃ mānavairbhuvam āvāhanaṃ naiva bhavedarghyadānaṃ tathaiva ca || iti hemādrau bhaviṣye-āvāhanaṃ bhavetkāryamarghyadānaṃ tathaiva ceti | vikiraṃ naiva kurvīteti dharmapradīpe | tṛptipraśnādīnāṃ nyāyato'rthābhāvāllopasiddherayamanuvādaḥ | āvāhnārghyadānāmaukaraṇavikirāṇāṃ pūrvoktavyāsādivacanavirodhādvikalpa iti pratibhāti | śākhāntaraviṣayaṃ vā'stviti kamalākaraḥ marīciḥ-āvāhane svadhākāre mantrā ūhyā visarjane anyakarmaṇyanūhyāḥ syurāmaśrāddhavidhiḥ smṛtaḥ || iti yadyapi tasmādṛcaṃ nohedityūho niṣiddhastathā'pi vacanādbhavatīti kamalākaraḥ | āvāhane pitṝnhaviṣe attava ityatra svīkartava ityūhaḥ - [Previous: 6.1.16](https://indike.org/pramana/in.niti.dharma.sraddha.sraddhamanjari.6.1.16) - [Next: 6.1.18](https://indike.org/pramana/in.niti.dharma.sraddha.sraddhamanjari.6.1.18) - [Up: 6.1](https://indike.org/pramana/in.niti.dharma.sraddha.sraddhamanjari.6.1) ## Linked texts (2) - [Marīcismṛti (fragments)](https://indike.org/pramana/in.niti.dharma.uddhrta.maricismrti*fragments.1.17) — Sanskrit - [Caturdaśī](https://indike.org/pramana/in.darsana.dvaita.caturdasi.p61) — Sanskrit --- Source: [https://indike.org/pramana/in.niti.dharma.sraddha.sraddhamanjari.6.1.17](https://indike.org/pramana/in.niti.dharma.sraddha.sraddhamanjari.6.1.17) · Pramāṇa