Tirthakanda 13
Tīrthakāṇḍa 13
- Language
- Sanskrit
13.p1
īśvara uvāca— anyadāyatanaṃ vakṣye vārāṇasyāṃ sureśvari | rāmeṇa sthāpitaṃ liṅgaṃ laṅkāyāścā''gatena hi || tasya dakṣiṇapārśve tu liṅgaṃ pūrvābhimukhaṃ sthitam | tripurāntakaraṃ nāma sarvapāpapraṇāśanam || tasyaiva dakṣiṇe liṅgaṃ dattātreyapratiṣṭhitam | jñānaṃ cotpadyate devi tasya liṅgasya darśanāt || tasya paścimadigbhāge harikeśeśvaraṃ śubham | tatraivā''rādhito devi harikeśena suvrate || harikeśeśvaraṃ devaṃ sarvakilbiṣanāśanam | tasya paścimadigbhāge gokarṇa nāma viśrutam
13.p2
tatra snāto varārohe rājate devi¹ candravat | paścimābhimukhaṃ liṅgaṃ kāśipuryāṃ ca suvrate || uttaraṃ sarvasiddhānāmanantaphaladāyakam | devadevasya caivā'gre taḍāgaṃ devaviśrutam || tatra snāto varārohe rājate devi candravat² | tasyaiva paścime tīre liṅgaṃ pūrvāmukhaṃ sthitam || devena sthāpitaṃ bhadre mama bhaktipareṇa vai | tasyaiva cā'grato devi kuṇḍaṃ tiṣṭhati bhāmini || tasmin snāto varārohe devalokamavāpnuyāt | deveśvarasyottareṇa piśācaiḥ sthāpitaṃ purā || piśāceśvaranāmānaṃ mokṣadaṃ sarvadehinām | dhruveśasyā'grato devi mukhaliṅgaṃ ca tiṣṭhati || paścānmukhaṃ tu talliṅgaṃ tīre kuṇḍasya bhāmini | vaidyanāthaṃ tu taṃ vidyāt sarvasaukhyapradāyakam || tasyaiva nairṛte bhāge manunā sthāpitaṃ purā | ³pūrvāmukhaṃ tu talliṅgaṃ tasya kuṇḍasya dakṣiṇe || tena dṛṣṭena suśroṇi sarvapāpakṣayo bhavet | vaidyanāthasya pūrveṇa liṅgaṃ pūrvāmukhaṃ sthitam⁴ || mucukundeśvaraṃ nāma devānāṃ tu varapradam | priyavratasya taddevi sarvayajñaphalapradam
13.p3
tasyaiva dakṣiṇe devi liṅgaṃ pūrvāmukhaṃ sthitam | sarvapāpapraśamanaṃ gautameśaṃ ca nāmataḥ || tena dṛṣṭena deveśi sāmavedaphalaṃ labhet | tasyaiva 1dakṣiṇe devi vibhāṇḍeśvarasaṃjñitam || ṛṣyaśṛṅgeśvaraṃ nāma tasya dakṣiṇataḥ sthitam | tasyaiva pūrvato devi brahneśvaramiti smṛtam || brahmeśvarācca koṇena piśāceśvarasaṃjñitam | paścimābhimukhaṃ devi parjanyeśvaranāmataḥ || parjanyeśvaranāmānaṃ bhuktimuktiphalapradam | parjanyeśvarapūrveṇa nāmnā tu nahuṣeśvaram || nahuṣeśvarapūrveṇa devadevī ca tiṣṭhati | viśālākṣīti vikhyātā bhaktānāṃ tu phalapradā || tasyaiva dakṣiṇe bhāge jarāsandheśvaraṃ sthitam | caturmukhaṃ tu talliṅgaṃ dṛṣṭvā devi phalapradam || tasyaiva dakṣiṇe devi bhogadā sarvadehinām | bhogā lalitakā devi sarvasiddhipradāyikā || jarāsandheśvarasyā'gre liṅgaṃ pūrvāmukhaṃ sthitam | hiraṇyākṣeśvaraṃ nāma hiraṇyaphaladāyakam || tasyaiva dakṣiṇe liṅgaṃ yayātīśvaranāmataḥ | pūrvāmukhaṃ tu talliṅgaṃ sarvakāmaphalapradam || tasyaiva paścime bhāge brahmeśasya samīpataḥ
13.p4
paścānmukhaṃ tu talliṅgaṃ dṛṣṭvā ¹vedaphalaṃ labhet² || agastyasya samīpe tu mukhaliṅgaṃ tu tiṣṭhati | viśvāvasustu gandharvo liṅgaṃ sthāpitavān purā || agastyeśvarapūrveṇa muṇḍeśo nāma nāmataḥ | paścānmukhaṃ tu talliṅgaṃ vīrasiddhipradaṃ nṛṇām || tasyaiva dakṣiṇe devi vidhistiṣṭhati pārvati | vidhinā sthāpitaṃ liṅgaṃ paścimābhimukhaṃ sthitam || vidhīśvarāddakṣiṇena tīrthaṃ sarvatra viśrutam | daśāśvamedhikaṃ nāma liṅgaṃ tatra svayaṃ sthitam || taṃ dṛṣṭvā mānavo devi aśvamedhaphalaṃ labhet | daśāśvamedhāccottarato mātarastatra saṃsthitāḥ || tāsāṃ mukhe tu tatkuṇḍaṃ tiṣṭhate varavarṇini | tatra snānaṃ naraḥ kuryānnārī vā puruṣo'pi vā || īpsitaṃ phalamāpnoti mānṝṇāṃ ca prasādataḥ | agastyeśāddakṣiṇato liṅgaṃ pūrvāmukhaṃ sthitam || pulastyeśvaranāmānaṃ sarvarogyavivardhanam | tasya dakṣiṇādigbhāge liṅgamanyacca tiṣṭhati
13.p5
puṣpadanteśvaraṃ nāma sarvasiddhipradāyakam | ¹tasyaivā'gre tu koṇe tu liṅgāni sumahānti ca || devarṣigaṇapuṣṭāni² sarvasiddhikarāṇi ca | tasyaiva pūrvadigbhāge mahadāścaryadāyakam || paścopacārapūjāyāṃ svapnasiddhiṃ kariṣyati | liṅgaṃ siddheśvaraṃ nāma pūrvābhimukhasaṃsthitam
13.p6
iti śrīliṅgapurāṇe vārāṇasīmāhātmye guhyāyatanavarṇanaṃ nāma pañcadaśo'dhyāyaḥ
Linked texts (1)
- Prabhāsakṣetramāhātmyam — Sanskrit