Tirthakanda 6
Tīrthakāṇḍa 6
- Language
- Sanskrit
6.p1
īśvara uvāca— anyadāyatanaṃ vakṣye vārāṇasyāṃ sureśvari | yatra sākṣātsvayaṃ bhadre ramamāṇaṃ tu sarvadā || matsyodarītaṭe ramye surasiddhanamaskṛte | rocate me sadā vāsastasminnāyatane śubhe || sthānānāmeva sarveṣāmatiramyaṃ mama priyam | yatra pāśupatā devi mama liṅgārcane ratāḥ || mama putrāstu te sarve brahmacaryeṇa saṃyutāḥ | śāntā dāntā jitakrodhā siddhāstatra na saṃśayaḥ || lobhādiviṣayāsakto narakācca nivartate | mama liṅgāni puṇyāni pūjayanti sadā'tra ye || teṣāṃ madhye tu tatraiva liṅgaṃ vai paścimāmukham | śrīkaṇṭhanāmavikhyātaṃ kapileśvaradakṣiṇe || tasmin pāśupataḥ siddhaḥ kratudhvaja iti smṛtaḥ | mama caiva prasādena yogaiśvaryamavāpnuyāt || tasyaiva cā'grato bhadre liṅgaṃ pūrvamukhaṃ sthitam | tasmim̐lliṅge tu jābālaḥ siddhiṃ paramikāṃ gataḥ || aparaṃ caiva liṅgaṃ tu tasya dakṣiṇataḥ sthitam | oṅkāreśvaranāmānaṃ devānāmapi durlabham || tatra siddhiṃ parāṃ prāpto muniḥ kālikavṛkṣiyaḥ | sarveṣāmeva siddhānāmuttamottamasaṃsthitaḥ || tasyaiva dakṣiṇe bhadre liṅgaṃ paścānmukhaṃ sthitam | tasmim̐lliṅge tu saṃsiddho gārgyaśca sumahātapāḥ || paścāyatanametaṃ te mayā ca kathitaṃ śubhe | na kasyacinmayā''khyātaṃ rahasyaṃ paramādbhutam || paścabrahmeti vikhyātametadvyā'pi sundari | etasmātkāraṇādevi paścāyatanamucyate || caturāśramiṇāṃ puṇyaṃ yatphalaṃ pratipadyate | tatphalaṃ sakalaṃ proktaṃ paścāyatanadarśanāt || idaṃ pāśupataṃ śreṣṭhaṃ madīyavratacāriṇām | yogināṃ mokṣalipsūnāṃ saṃsārabhayanāśanam || narāṇāmalpabuddhīnāṃ pāpopahatacetasām | bheṣajaṃ paramaṃ proktaṃ paścāyatanamuttamam || tasmādyatnaṃ sadā kuryātpaścāyatanadarśane | paścāyatanasāmīpye kūpastiṣṭhati sundari || tasmin kūpa upaspṛśya dīkṣāphalamavāpnuyāt | tasmin dakṣiṇadigbhāge rudravāsaḥ prakīrtitaḥ || rudrasyottarapārśve tu paścāyatanadakṣiṇe | tatra kuṇḍaṃ mahat proktaṃ mahāpātakanāśanam || tasmin kuṇḍe naraḥ snātvā abhīṣṭaṃ phalamāpnuyāt | caturdaśyāṃ yadā yoga ārdrānakṣatrasaṃyutaḥ || tadā puṇyatamaḥ kālastasmin snāne mahāphalam | tasmiṃstīrthe naraḥ snātvā dṛṣṭvā rudraṃ ca bhāmini || yatra tatra smṛto devi rudralokaṃ tu gacchati | pūrvāmukhasthitaścā'haṃ tasmim̐lliṅge maheśvari || ¹rudrāṇāṃ koṭijapyena yatphalaṃ pratipadyate | tatphalaṃ labhate bhadre tasya liṅgasya darśanāt || rudrasya ca samīpe tu ṛṣibhiḥ sthāpitāni ca | liṅgāni mama suśroṇi sarvakāmaphalāni ca || rudrasya nairṛte bhāge mahālayamiti smṛtam | darśanācca padaṃ tasya mahābhāgyasya sundari || tatra sthāne śubhe ramye svayaṃ tiṣṭhati pārvatī | tasyaiva cā'grato devi kūpastiṣṭhati nirmalam || pitarastatra tiṣṭhanti ye divyā ye ca mānuṣāḥ | tasmin kūpa upaspṛśya jalaṃ saṃgṛhya bhāmini || piṇḍastatra pradātavyo mama devi padaspṛhaḥ | śrāddhaṃ tatra prakurvīta annādyenodakena ca || piṇḍaḥ kūpe tu tatraiva prakṣeptavyaḥ śubhānane | evaṃ kṛtvā tu yastasmiṃstīrthe rudramahālaye || ekaviṃśākulopeto rudralokaṃ sa gacchati | tatra vaitaraṇī nāma dīrghikā paścimāmukhī² || tasyāṃ snātvā varārohe narakaṃ na ca paśyati | khaṇḍasphuṭitasaṃskāraṃ yastatra kurute śubhe || rudraloko'kṣayastasya sarvakālaṃ yaśasvini | mahālayasyottareṇa liṅgāni sumahānti ca || devaiḥ sarvairmahābhāgaiḥ sthāpitāni śubhārthibhiḥ | paścime tu diśābhāge rudrakuṇḍasya bhāmini || ³liṅgaṃ tatra sthitaṃ śubhraṃ devārcāya pratiṣṭhitam | bṛhaspatīśvaraṃ nāma sarvaduḥkhavināśanam
6.p2
pitṛbhiḥ sthāpitaṃ liṅgaṃ taṭe kūpasya dakṣiṇe | tena pūjitamātreṇa pitarastṛptimāpnuyuḥ
6.p3
iti śrīliṅgapurāṇe guhyāyatanavarṇane'ṣṭamo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Padmapurāṇa — Vyāsa, Sanskrit