Tirthakanda 9

Tīrthakāṇḍa 9

Language: Sanskrit

siddhakūṭasya pūrveṇa devaṃ paścānmukhaṃ sthitam | vyāghreśvareti vikhyātaṃ sarvadevaistutaṃ śubhe || tena dṛṣṭena labhate uttamaṃ padamavyayam | vyāghreśvarāddakṣiṇe ca svayaṃbhūstatra tiṣṭhati || divyaṃ liṅgaṃ tu tatrasthaṃ devānāmapi durlabham | rahasyaṃ sarvadevānāṃ bhūmiṃ bhittvā tu cotthitam || tena liṅgena dṛṣṭena pūjitena stutena ca | kṛtakṛtyo bhaveddevi saṃsāre na punarviśet || pūrvāsyaṃ tu talliṅgaṃ jyeṣṭhasthānamidaṃ śubham | mānavānāṃ hitārthāya tatra sthāne sthito hyaham || asyāgre devadeveśi mukhaliṅgaṃ ca tiṣṭhati | paścānmukhaṃ tu taṃ devi pañcacūḍā śubhekṣaṇā || tasya dakṣiṇapārśve tu nāmnā prahasiteśvaram | taṃ dṛṣṭvā labhate devi ānandaṃ brahmaṇaḥ padam || tasyottare tu deveśi puṇyaṃ liṅgaṃ tvayā kṛtam | nivāseti ca vikhyātaṃ sarveṣāmeva yoginām || tena dṛṣṭena deveśi yogaṃ vindati śāṅkaram | catuḥsamudravikhyātaḥ kūpastiṣṭhati sundari

9.p3

catuḥsamudrasnānena yatphalaṃ labhate naraḥ | tatphalaṃ sakalaṃ tasya udakasparśanācchubhe || tatraiva tvaṃ mahādevi ramamāṇā mayā saha | ye ca tvāṃ pūjayiṣyanti bhaktiyuktāśca mānavāḥ || na teṣāṃ punarāvṛttiḥ kalpakoṭiśatairapi

9.p4

īśvara uvāca— kūpasya uttare devi vyāghreśasya tu dakṣiṇe | tiṣṭhate tatra vai liṅgaṃ pūrvāmukhaṃ ca sundari || daṇḍīśvaramiti khyātaṃ varadaṃ sarvadehinām | tena dṛṣṭena labhyeta aiśvaraṃ padamavyayam || tasyottare taḍāgaṃ ca devi sarvatra viśrutam | sandhyāpraṇāmakupitā yadā tasmin sureśvari || bahurūpaṃ samāsthāya devadevaḥ svayaṃ haraḥ | daṇḍakaśca tadā kṣipto devāgre sa prabhākaraḥ || tena tatra kṛtaṃ divyaṃ taḍāgaṃ lokaviśrutam | krodhena prasthitā devi tuhinācalasaṃmukham || tāvadasya tadagre vai taḍāgaṃ mahadadbhutam | taṃ dṛṣṭvā tu tadā devi nivṛttā punareva vā || veśma praviśya deveśi sthitā tatraiva bhāmini | daṇḍena devadevasya sthitena sumahatsaraḥ || daṇḍakhātamiti prāhurye purāṇavido janāḥ

9.p5

tasmātsnānaṃ tu kartavyaṃ tatraiva śreya icchayā || tatra snāne kṛte devi kṛtakṛtyo bhavennaraḥ | daṇḍakhāte naraḥ snātvā tarpayitvā svakān pitṝn || narakasthāstu ye devi pitṛloke vasanti te | piśācatvaṃ gatā ye ca narāḥ pāpena karmaṇā || teṣāṃ piṇḍapradānena dehasyoddharaṇaṃ smṛtam | daṇḍakhāte naraḥ snātvā kiṃ bhūyaḥ pariśocati || yasya smaraṇamātreṇa pāpasaṅghātapañjaram | naśyate śatadhā devi daṇḍakhātasya darśanāt || tasya daṇḍasya māhātmyaṃ puṇyaṃ śṛṇu mahāyaśāḥ | sūryoparāge deveśi narā āyānti suvrate || kurukṣetraṃ mahatpuṇyaṃ¹ sarvadevanamaskṛtam | nivṛtte grahaṇe² devi kurukṣetrātparaṃ padam || daṇḍakhātaṃ samāyānti ātmaśuddhyarthakāraṇam | darśanāttasya khātasya kṛtakṛtyo'bhijāyate || anyadāyatanaṃ tatra mama devi maheśvari | jaigīṣavyeśvaraṃ nāma sthāpitaṃ sumahātmanā || jaigīṣavyaguhā tasmin devadevasya sannidhau | trikālamarcayam̐lliṅgaṃ bhaktyā tadbhāvitātmanā³ || evamārādhito devi jaigīṣavyeṇa dhīmatā | tasya pṛṣṭhaścā'haṃ devi sarvān kāmān pradattavān

9.p6

tasmāttu sukṛtaṃ liṅgaṃ pūjayiṣyanti ye narāḥ || jñānaṃ teṣāṃ dhruvaṃ devi acirājjāyate bhuvi | trirātraṃ tatra kṛtvā vai yo naraḥ pūjayiṣyati || guhyaṃ praviśyate caiva jñānayukto bhavennaraḥ | tasya vai paścime bhāge siddhakūpastu¹ dakṣiṇe || pūrvābhimukhaṃ tu talliṅgaṃ devalena pratiṣṭhitam | tena dṛṣṭena deveśi jñānavān jāyate naraḥ || tasyaiva ca samīpasthaṃ śātakālapratiṣṭhitam | tasya dakṣiṇādigbhāge nātidūre tapasvini ²|| mukhaliṅgaṃ ³tu tadvadre paścimābhimukhaṃ śubhe | śātātapeśvaraṃ nāma sthāpitaṃ ca maharṣiṇā || tena dṛṣṭena labhate gatimiṣṭāśca śāśvatīm | tasya paścimadigbhāge mahāliṅgaṃ⁴ ca tiṣṭhati || hetukeśvaranāmānaṃ sarvasiddhiphalapradam | tasyaiva dakṣiṇe bhāge mukhaliṅgaṃ ca tiṣṭhati || kaṇādeśvaranāmānaṃ paścimābhimukhaṃ sthitam | siddhastatra mahābhāge kaṇādastu ṛṣiḥ purā || kūpastatra samīpasthaḥ puṇyadaḥ sarvadehinām | kaṇādeśāddakṣiṇena anyadāyatanaṃ śubham || paścānmukhantu bhūtīśaṃ sarvapāpapraṇāśanam | tasyaiva paścime bhāge liṅgaṃ paścānmukhaṃ sthitam

9.p7

caturmukhaṃ tu talliṅgamāṣāḍhaṃ nāma viśrutam | anyāni tatra liṅgāni sthāpitāni mahānti ca || teṣāṃ pūrveṇa liṅgaṃ tu daityena sthāpitaṃ purā | tena dṛṣṭena deveśi putravān jāyate naraḥ || bhārabhūteśvaraṃ devaṃ tatra¹ dakṣiṇataḥ sthitam | paścānmukhaṃ tu talliṅgaṃ bhārabhūteśvaraṃ priye || vyāseśvarasya pūrveṇa liṅgaṃ paścānmukhaṃ sthitam | parāśareṇa muninā sthāpitaṃ mama bhaktitaḥ² || paścānmukhaṃ tu tadevi sukhaliṅgaṃ ca tiṣṭhati | atriṇā sthāpitaṃ bhadre mama bhaktipareṇa ca || paścānmukhaṃ tu talliṅgaṃ sarvaśāstrapradāyakam | vyāseśvarasya pūrveṇa dvau liṅgau tatra suvrate || sthāpitau devadeveśi śāṅkhena likhitena ca | tau dṛṣṭvā mānavo bhadre ṛṣilokamavāpnuyāt || anyacca devadevasya sthānaṃ guhyaṃ yaśasvini | liṅgaṃ viśveśvaraṃ nāma sarvadevaistu vanditam || tena dṛṣṭena labhyeta vratātpāśupatātphalam | pūrvottaradiśābhāge tasya devasya sundari || avadhūtaṃ mahattīrthaṃ sarvapāpāpanuttamam | tasya pūrveṇa sam̐lluptaṃ nāmnā paśupatīśvaram³

9.p8

tasya darśanamātreṇa paśuyoniṃ na gacchati | caturmukhaṃ tu tilliṅgaṃ paścimābhimukhaṃ sthitam || tasya dakṣiṇadigbhāge liṅgaṃ paścamukhaṃ sthitam | ṛṣiṇā sthāpitaṃ bhadre gobhilena mahātmanā || taṃ dṛṣṭvā mānavo devi ṛṣilokaṃ sa gacchati | tasyaiva paścime devi liṅgaṃ paścānmukhaṃ sthitam || vidyādharādhipatinā kṛtaṃ jīmūtavāhinā

9.p9

iti śrīliṅgapurāṇe guhyāyatanavarṇanaṃ nāmaikādaśo'dhyāyaḥ

Linked texts (1)

Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit