[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthacintamani](https://indike.org/pramana/in.niti.dharma.tirtha.tirthacintamani) › 10.p5 # Tirthacintamani 10.p5 Tīrthacintāmaṇi 10.p5 - **Language:** Sanskrit ### [10.p5](https://indike.org/pramana/in.niti.dharma.tirtha.tirthacintamani.10.p5) śṛṇuṣva vākyaṃ nṛpatirvvabhūva viśālanāmā sa purīṃ viśālām | uvāsa dhanyāṃ dhṛtimānapūjraḥ svayaṃ viśālādhipatirdvijāgryān || papraccha putrārthamamitrahantā taṃ brāhmaṇāḥ procuradīnasattvāḥ | rājan pitṛṃstarpaya putrahetorgatvā gayāyāṃ vidhivattu piṇḍaiḥ | dhruvaṃ sutaste bhavitā nṛvīra sahasradātā sakalakṣitīśaḥ || itīrite brāhmaṇaiḥ samprahṛṣṭo rājā viśālādhipatiḥ prayatnāt | samāgatastīrthavaraṃ dvijeśa gayāmimāṃ tadgatamānasaḥ san || āgatya so'tha pravaraḥ1 sutārthī gayāśiro yāgaparaḥ pitṝṇām | piṇḍapradānaṃ vidhivat prayacchaṃstāvaddadarśāyatamurttiyuktān || paśyan sa puṃsaḥ sitaraktakṛṣṇānuvāca rājā kimidaṃ bhavadbhiḥ | samūhyate śaṃsata sarvvameva kutūhalaṃ me manasi pravṛttam || sita uvāca — ahaṃ sitaste janako'smi rājan nāmnā ca varṇena ca karmaṇā ca | ayañca me janako raktavarṇo nṛśaṃsakṛdbrahmahā pāpakārī || ānveśvaraḥ śṛṇu paraḥ pitā'sya kṛṣṇo nāmnā karmaṇā varṇataśca | etena kṛṣṇena hatāḥ purā vai janmānyanekānyṛṣayaḥ purāṇāḥ || etau mṛtau dvāvapi pitṛ-putrāvavīcikaṃ narakaṃ saṃpraviṣṭau | ānveśvaro'yaṃ janakaḥ puro'haṃ tataḥkṛṣṇa-raktāvapi dīrghakālam | ahañca śuddhena nijena karmaṇā śakrāsanaṃ prāpya sudurlabhaṃ tataḥ || tvayā punarmantravidā gayāyāṃ piṇḍapradānena balādimau ca | mokṣāyitau tīrthavaraprasādādavīcisaṃjñaṃ narakaṃ gatau tau || pitṝn pitāmahāṃścaiva tathaiva prapitāmahān | prīṇayāmīti yattoyaṃ tvayā dattamarindama - [Previous: 10.p4](https://indike.org/pramana/in.niti.dharma.tirtha.tirthacintamani.10.p4) - [Next: 10.p6](https://indike.org/pramana/in.niti.dharma.tirtha.tirthacintamani.10.p6) - [Up: 10](https://indike.org/pramana/in.niti.dharma.tirtha.tirthacintamani.10) ## Linked texts (2) - [Varāhapurāṇa](https://indike.org/pramana/in.purana.varaha.7.20) — Vyāsa, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p244) — Mitramiśra, Sanskrit --- Source: [https://indike.org/pramana/in.niti.dharma.tirtha.tirthacintamani.10.p5](https://indike.org/pramana/in.niti.dharma.tirtha.tirthacintamani.10.p5) · Pramāṇa