[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthacintamani](https://indike.org/pramana/in.niti.dharma.tirtha.tirthacintamani) › 10.p9 # Tirthacintamani 10.p9 Tīrthacintāmaṇi 10.p9 - **Language:** Sanskrit ### [10.p9](https://indike.org/pramana/in.niti.dharma.tirtha.tirthacintamani.10.p9) iti vāyupurāṇāt | tathā— ānantyāya bhaveddattaṃ khaṅgimāṃsaṃ pitṛkṣaye | kṛṣṇo lohastathā chāga ānantyāya prakalpate || gayāyāmakṣayaṃ śrāddhaṃ japa-homa-tapāṃsi ca | pitṛkṣayo hi tatputra tena tatrākṣayaṃ bhavet || bṛhaspatiḥ— kāṅkṣanti pitaraḥ putrān narakādbhayabhairavāḥ | gayāṃ yāsyati yaḥ putraḥ so'smān santārayiṣyati || gayāyāṃ dharmapṛṣṭhe ca sadasi brahmaṇastathā | gayāśīrṣe'kṣayavaṭe pitṝṇāṃ dattamakṣayam || brahmāraṇyaṃ dharmapṛṣṭhaṃ dhenukāraṇyameva ca | dṛṣṭvaitāni pitṝṃścāṃścaṃ vaṃśān viṃśatimuddharet || vāyupurāṇe— mahākalpakṛtaṃ pāpaṃ gayāṃ prāpya vinaśyati | tathā—gayāyāṃ dharmapṛṣṭhe ca sadasi brahmaṇastathā | gavi gṛdhravaṭe caiva śrāddhaṃ dattaṃ mahāphalam || bharatasyāśrame puṇye nityaṃ puṇyatamairvṛte | mataṅgasya padaṃ tatra dṛśyate sarvvamānuṣaiḥ || khyāpitaṃ dharmasarvvasvaṃ lokasyāsya nidarśanāt | tatpaṅkajavanaṃ puṇyaṃ puṇyaṛṣiniṣevitam || yasmin pāṇḍuviśatyeva tīrthaṃ sarvvanidarśanam | tṛtīyāyāṃ tathā pāde niḥcaurāyāśca maṇḍale || mahālade ca kauśikāṃ dattaṃ śrāddhaṃ mahāphalam | muṇḍapṛṣṭhe padaṃ nyastaṃ mahādevena dhīmatā || bahuvarṣaśataṃ' taptaṃ tapastīrtheṣu duṣkaram | alpenāpyatra kālena naro dharmaparāyaṇaḥ || pāpmānamutsṛjatyāśu jīrṇāṃ tvacamivoragaḥ | nāmnā 'kaṇakhalandevatīrthaṃ jagati viśrutam || udīcyāṃ muṇḍapṛṣṭhasya brahmarṣigaṇasevitam | tatra snātvā divaṃ yānti svaśarīreṇa mānavāḥ || dattañcāpi sadā śrāddhamakṣayaṃ samudāhṛtam | snātvā dinatrayaṃ tatra niḥkṣīrāyāṃ dvijottamaḥ || mānase sarasi snātvā śrāddhaṃ nirvarttayennaraḥ - [Previous: 10.p8](https://indike.org/pramana/in.niti.dharma.tirtha.tirthacintamani.10.p8) - [Next: 10.p10](https://indike.org/pramana/in.niti.dharma.tirtha.tirthacintamani.10.p10) - [Up: 10](https://indike.org/pramana/in.niti.dharma.tirtha.tirthacintamani.10) ## Linked texts (2) - [Garuḍapurāṇa](https://indike.org/pramana/in.purana.garuda.1.83.43) — Vyāsa, Sanskrit - [Kūrmapurāṇa](https://indike.org/pramana/in.purana.kurma.2.36.38) — Vyāsa, Sanskrit --- Source: [https://indike.org/pramana/in.niti.dharma.tirtha.tirthacintamani.10.p9](https://indike.org/pramana/in.niti.dharma.tirtha.tirthacintamani.10.p9) · Pramāṇa