[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthacintamani](https://indike.org/pramana/in.niti.dharma.tirtha.tirthacintamani) › 13.p1 # Tirthacintamani 13.p1 Tīrthacintāmaṇi 13.p1 - **Language:** Sanskrit ### [13.p1](https://indike.org/pramana/in.niti.dharma.tirtha.tirthacintamani.13.p1) atha pañcatīrthīkṛtyam | tatra vāyupurāṇe— ādau ca pañcatīrtheṣu cottare mānase vidhiḥ | ācamya kuśahastena śiraścābhyukṣya vāriṇā || uttaraṃ mānasaṃ gacchenmantreṇa snānamācaret | oṃ uttare mānase snānaṃ karomyātmaviśuddhaye || sūryyalokādisaṃsiddhisiddhaye pitṛmuktaye || snātvā'tha tarpaṇaṃ kuryyāddevādīnāṃ yathāvidhi || ābrahmastambaparyyantaṃ devarṣipitṛmānavāḥ | tṛpyantu pitaraḥ sarve mātṛmātāmahādayaḥ || śrāddhaṃ sapiṇḍakaṃ kuryyāt svasūtroktavidhānataḥ | aṣṭakāsu ca vṛddhau ca gayāyāñca kṣayāhani || mātuḥ śrāddhaṃ pṛthak kuryyādanyatra patinā saha | vṛddhiśrāddhe ca mātrādi gayāyāṃ pitṛpūrvvakam || pitā pitāmahaścaiva tathaiva prapitāmahaḥ | mātā pitāmahī caiva tathaiva prapitāmahī || mātāmahastatpitā ca pramātāmahakādayaḥ | teṣāṃ piṇḍo mayā datto'kṣayyamupatiṣṭhatām || oṃ namo bhānave bhartre soma-bhauma-jñarūpiṇe | jīva-bhārgava saureya-rāhu-ketusvarūpiṇe || sūryyaṃ natvā'rccayitvā ca sūryyalokaṃ nayet pitṝn | mānasaṃ hi saro hyatra tasmāduttaramānasam || uttarānmānasānīto gacchedvaidakṣiṇamānasam | udīcītīrthamityuktaṃ tatrodīcyāṃ vimuktidam || udīcyāṃ muṇḍapṛṣṭhasya1 devarṣipitṛsevitam | madhye kanakhalaṃ tīrthaṃ pitṝṇāṃ muktidāyakam || snātaḥ kanakavadbhāṃti naro yāti pavitratām | ataḥ kanakhalaṃ loke khyātaṃ tīrthamanuttamam || tasya dakṣiṇabhāge tu tīrthaṃ dakṣiṇamānasam | dakṣiṇe mānase caiva tīrthatrayamudāhṛtam || snātvā teṣu vidhānena kuryyāt śrāddhaṃ pṛthak pṛthak || dakṣiṇe mānase snānaṃ karomyātmaviśuddhaye | sūryyalokādisaṃsiddhisiddhaye pitṛmuktaye || ataḥ kanakanandeti snānamātrādvimuktidā | namāmi sūryyaṃ tṛptyarthaṃ pitṝṇāṃ tāraṇāya ca || putrapautradhanaiśvaryyāyāyurārogyavṛddhaye || brahmahatyādipāpaugha-yātanāyā2 vimuktaye | divākara karomīha snānaṃ dakṣiṇamānase || anena snānapūjādi kuryyāt śrāddhaṃ sapiṇḍakam | kṛtvā natvā'tha maunārkamimaṃ mantramudīrayet || kavyavālo'nalaḥ somo yamaścaivāryyamā tathā - [Previous: 12.p9](https://indike.org/pramana/in.niti.dharma.tirtha.tirthacintamani.12.p9) - [Next: 13.p2](https://indike.org/pramana/in.niti.dharma.tirtha.tirthacintamani.13.p2) - [Up: 13](https://indike.org/pramana/in.niti.dharma.tirtha.tirthacintamani.13) ## Linked texts (5) - [Skandamahāpurāṇa (vulgate)](https://indike.org/pramana/in.purana.skanda*vulgate.8.9.304_1130) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.115.9) — Sanskrit - [Vāyupurāṇa](https://indike.org/pramana/in.purana.vayu.2.49.6) — Vyāsa, Sanskrit - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.15.p4) — Nārāyaṇa (Mahiṣamaṅgalam) 1513, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p415) — Amṛtanātha Jhā Śarman 1800, Sanskrit --- Source: [https://indike.org/pramana/in.niti.dharma.tirtha.tirthacintamani.13.p1](https://indike.org/pramana/in.niti.dharma.tirtha.tirthacintamani.13.p1) · Pramāṇa