[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthacintamani](https://indike.org/pramana/in.niti.dharma.tirtha.tirthacintamani) › 13.p2 # Tirthacintamani 13.p2 Tīrthacintāmaṇi 13.p2 - **Language:** Sanskrit ### [13.p2](https://indike.org/pramana/in.niti.dharma.tirtha.tirthacintamani.13.p2) agniṣvāttā barhiṣadaḥ somapāḥ pitṛdevatāḥ | āgacchantu mahābhāgā yuṣmābhorakṣitāsviha || madīyāḥ pitaro ye ca kule jātāḥ sanābhayaḥ | teṣāṃ piṇḍapradātā'hamāgato'smi gayāmimām || phalgutīrthaṃ vrajettasmāt sarvvatīrthottamottamam | muktirbhavati karttṛṇāṃ pitṝṇāṃ1 śvāṅkṛtaḥ surāḥ || brahmaṇā prārthito viṣṇuḥphalguto 'hyabhavat purā | dakṣiṇāgnau hutaṃ nūnaṃ tadbhavaṃ2 phalgutīrthakam || yasmin phalati phalgau gauḥ kāmadhenurjalaṃ mahī || dṛṣṭerantargataṃ yasmāt phalgutīrthaṃ na niṣphalam || tīrthāni yāni sarvvāṇi bhuvaneṣvakhileṣu ca | tāni snātuṃ samāyānti phalgutīrthaṃ suraiḥ saha || gaṅgā pādodakaṃ viṣṇoḥ phalgurgādigadādharaḥ | himadravasvarūpeṇa tasmādgaṅgādhikāṃ viduḥ || aśvamedhasahasrāṇāṃ sahasraṃ yaḥ samācaret | nāsau tatphalamāpnoti phalgutīrthe yadāpnuyāt || phalgutīrthe viṣṇujale karomi snānamādṛtaḥ | pitṝṇāṃ viṣṇulokāya bhukti-muktiprasiddhaye || phalgutīrthe naraḥ snātvā tarpaṇaṃ śrāddhamācaret - [Previous: 13.p1](https://indike.org/pramana/in.niti.dharma.tirtha.tirthacintamani.13.p1) - [Next: 13.p3](https://indike.org/pramana/in.niti.dharma.tirtha.tirthacintamani.13.p3) - [Up: 13](https://indike.org/pramana/in.niti.dharma.tirtha.tirthacintamani.13) ## Linked texts (3) - [Vāyupurāṇa](https://indike.org/pramana/in.purana.vayu.2.49.18) — Vyāsa, Sanskrit - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.15.p5) — Nārāyaṇa (Mahiṣamaṅgalam) 1513, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p416) — Amṛtanātha Jhā Śarman 1800, Sanskrit --- Source: [https://indike.org/pramana/in.niti.dharma.tirtha.tirthacintamani.13.p2](https://indike.org/pramana/in.niti.dharma.tirtha.tirthacintamani.13.p2) · Pramāṇa