[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthacintamani](https://indike.org/pramana/in.niti.dharma.tirtha.tirthacintamani) › 4.p14 # Tirthacintamani 4.p14 Tīrthacintāmaṇi 4.p14 - **Language:** Sanskrit ### [4.p14](https://indike.org/pramana/in.niti.dharma.tirtha.tirthacintamani.4.p14) namaste nīlameghābha namaste cidgaṇārccita || trāhi viṣṇo jagannātha magnaṃ māṃ bhavasāgare | pralayānalasaṅgāśa namaste ditijāntaka || narasiṃha mahāvīryya trāhi māṃ dīptalocana | yathā rasātalāccorvī tvayā daṃṣṭroddhṛtā purā || tathā mahāvarāha tvaṃ trāhi māṃ duḥkhasāgarāt | tavaitā mūrttayaḥ kṛṣṇa varadāḥ saṃstutā mayā || tvameva1 baladevādyāḥ pṛthagrūpeṇa saṃsthitāḥ | aṅgāni tava deveśa garuḍādyāstathā prabho || dikpālāḥ māyudhāścaiva vāsavādyāstathācyuta | ye cānye tava deveśa bhedāḥ proktā manīṣibhiḥ || te'pi sarvve jagannātha prasannāyatalocana | mayārccitāḥ stutāḥ sarvve tathā yūyaṃ namaskṛtāḥ || prayacchadhvaṃ varaṃ mahyaṃ dharmmakāmārthamokṣadam | bhedāste kīrttitā ye tu hare saṅkarṣaṇādayaḥ || tava pūjānusambaddhāste tvayi ca samāśritāḥ | na bhedastava deveśa vidyate paramārthātaḥ || vividhaṃ tava yadrūpamuktaṃ tadupacārataḥ | advaitaṃ tvāṃ kathaṃ dvaitaṃ vaktuṃ śaknoti mānavaḥ || ekastvaṃ hi hare vyāpī ṣitsvabhāvo2 nirañjanaḥ - [Previous: 4.p13](https://indike.org/pramana/in.niti.dharma.tirtha.tirthacintamani.4.p13) - [Next: 4.p15](https://indike.org/pramana/in.niti.dharma.tirtha.tirthacintamani.4.p15) - [Up: 4](https://indike.org/pramana/in.niti.dharma.tirtha.tirthacintamani.4) ## Linked texts (1) - [Skandamahāpurāṇa (vulgate)](https://indike.org/pramana/in.purana.skanda*vulgate.2.2.3.53) — Sanskrit --- Source: [https://indike.org/pramana/in.niti.dharma.tirtha.tirthacintamani.4.p14](https://indike.org/pramana/in.niti.dharma.tirtha.tirthacintamani.4.p14) · Pramāṇa