[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthacintamani](https://indike.org/pramana/in.niti.dharma.tirtha.tirthacintamani) › 9.p150 # Tirthacintamani 9.p150 Tīrthacintāmaṇi 9.p150 - **Language:** Sanskrit ### [9.p150](https://indike.org/pramana/in.niti.dharma.tirtha.tirthacintamani.9.p150) āgneyapurāṇe—gaṅgāṃ prati viṣṇuvākyam— ye muñcanti narāḥ prāṇāṃstiṣṭhantaḥ sannidhau tava | te me lokaṃ gamiṣyanti pūjyamānā divaukasām || tatraiva— addhodake tu jāhnavyā mriyate'naśanena yaḥ | sa yāti na punarjanma brahmasāyujyameti ca || addhodakaṃ caraṇānābhiparyyantamudakam | brahmāṇḍapurāṇe,— yā gatiryyogayuktasya satvasthasya manīṣiṇaḥ | sā gatistyajataḥ prāṇān gaṅgāyāntu śarīriṇaḥ || 1anāśakaṃ gṛhītvā yo gaṅgātīre mṛto naraḥ | sadya eva paraṃ mokṣamaprāpnoti pitṛbhiḥ saha | gaṅgāyāṃ maraṇāt prāṇān kaḥ prājñastyaktumarhati || gatāni bahujanmāni tatra tatra mṛtāni ca | mahāṃścāpi gataḥ kālo yatra tatrāpi gacchataḥ || atra dūre samīpe ca sadṛśaṃ yojanadvayam | gaṅgāyāṃ maraṇeneha nātra kāryyā vicāraṇā || brāhme— ajñānato jñānato vā kāmato'kāmato'pi vā | gaṅgāyāntu mṛto marttyaḥ svargaṃ mokṣañca vindati - [Previous: 9.p149](https://indike.org/pramana/in.niti.dharma.tirtha.tirthacintamani.9.p149) - [Next: 9.p151](https://indike.org/pramana/in.niti.dharma.tirtha.tirthacintamani.9.p151) - [Up: 9](https://indike.org/pramana/in.niti.dharma.tirtha.tirthacintamani.9) ## Linked texts (2) - [Nāradapurāṇa](https://indike.org/pramana/in.purana.narada.2.43.100) — Vyāsa, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p228) — Mitramiśra, Sanskrit --- Source: [https://indike.org/pramana/in.niti.dharma.tirtha.tirthacintamani.9.p150](https://indike.org/pramana/in.niti.dharma.tirtha.tirthacintamani.9.p150) · Pramāṇa