[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Pilgrimage](https://indike.org/pramana/in.niti.dharma.tirtha) › [Tirthaprakasha](https://indike.org/pramana/in.niti.dharma.tirtha.tirthaprakasa) › 4.p161 # Tirthaprakasha 4.p161 Tīrthaprakāśa 4.p161 - **Language:** Sanskrit ### [4.p161](https://indike.org/pramana/in.niti.dharma.tirtha.tirthaprakasa.4.p161) kuryyātpraticaturthīha yātrāṃ vighneśituḥ sadā | brāhmaṇebhyastaduddeśāddeyā vai modakā mude || praticaturthi samarcayantītyādi ḍhuṇḍhistotre prāgeva pratipāditam | māghaśuklacaturthyāṃ ḍhuṇḍhiyātrā ca tatraiva | tathā, aṅgārakacaturthyāṃ ye snātvottaravahāmbhasi | abhyarcyāṅgārakeśeśānaṃ namasyanti narottamāḥ || na teṣāṃ grahapīḍā ca kadācitkkāpi jāyate | śrāvaṇabhādraśuklacaturthyāṃ ḍhuṇḍhiyātreti śiṣṭāḥ | māghaśuklacaturthyāṃ sukhaprekṣaṇikāpūjopavāsādikaṃ kāryam | laiṅge tāṃ prakṛtya-māghamāse caturthyāṃ tu tasmin kāle upoṣitaḥ | arcayitvā tu yo devi ! jāgaraṃ tatra kārayet || tasyārddhirmatkulaṃ devi ! trailokye cātidurlabham | iti | sarvāsu kṛṣṇacaturthīṣu madhyameśa-kṛttivāsaḥ-karaṇeśvarayātrā caitrādimāsatrayakṛṣṇacaturthīṣu vā krameṇa kāryeti śiṣṭāḥ | atha pañcamī | tatra śrāvaṇamāsaśuklapañcamyāṃ karkoṭakavāpīsamīpasthavāsukikuṇḍe snātvā vāsukiṃ prapūjayet | yaḥ snāto nāgapañcamyāṃ kuṇḍe vāsukimaṃjñake | na tasya viṣasaṃsargo bhavetsarpasamudbhavaḥ || kartavyā nāgapañcamyāṃ yātrā varṣāsu tatra vai | nāgāḥ prasannā jāyante kule tasyāpi sarvadā || iti kāśīkhaṇḍāt | idānīṃ tasyāmeva tithau karkoṭavāpīyātrāvyavahāraḥ | sarvakṛṣṇapañcamīṣu hiraṇyagarbheśvara-mokṣadvāreśvarayātrā caitrādimāsatrayakṛṣṇapañcamīṣu vā krameṇetyuktam| atha ṣaṣṭhī| tatra ṣaṣṭhyāmarkavāre lolārkayātretyādi prapañcitam| evaṃ raviyuktasarvaṣaṣṭhyāmeva sarvasūryayātrā| ravidvāre raveryātrā ṣaṣṭhyāṃ vā ravisaṃyuji| iti śiṣṭasaṅgṛhītavacanāt| mārgaśīrṣasaptamyāṃ lolārkayātrā vārṣikī| bhādrapadaśuklaṣaṣṭhyāṃ lolārkayātretyapi vadanti| sarvāsu kṛṣṇaṣaṣṭhīṣu vetyuktamiti| atha saptamī| ravisaptamyāṃ sarvasyāṃ raviyātrā mahāphalā| ravidvāre raveryātrā ṣaṣṭhyāṃ vā ravisaṃyuji| tathaiva ravisaptamyāṃ sarvavighnopaśāntaye|| iti vacanāt| mārgaravisaptamyāṃ lolārkayātrā ādityaprakaraṇe'bhihitā| māghaśuklasaptamyāṃ ca| lolārke rathasaptamyāṃ snātvā gaṅgāsisaṅgame| saptajanmakṛtaiḥ pāpairmutto bhavati tatkṣaṇāt|| itivacanāt| māghaśuklaravisaptamyāṃ sāmbādityayātrā tatraivoktā| tathā, agaste ! rathasaptamyāṃ ravivāro yadāpyate| tadā pādodake tīrthe ādikeśavasannidhau|| snātvoṣasi naro maunī keśavādityapūjanāt| saptajanmārjitātpāpānmukto bhavati tatkṣaṇāt|| yadyajjanmakṛtaṃ pāpaṃ mayā saptasu janmasu| tanme rogaṃ ca śokaṃ ca mārkarī hantu saptamī - [Previous: 4.p160](https://indike.org/pramana/in.niti.dharma.tirtha.tirthaprakasa.4.p160) - [Next: 4.p162](https://indike.org/pramana/in.niti.dharma.tirtha.tirthaprakasa.4.p162) - [Up: 4](https://indike.org/pramana/in.niti.dharma.tirtha.tirthaprakasa.4) ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.4.100.153) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.25.p3) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.tirtha.tirthaprakasa.4.p161](https://indike.org/pramana/in.niti.dharma.tirtha.tirthaprakasa.4.p161) · Pramāṇa