[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Vows and festivals](https://indike.org/pramana/in.niti.dharma.vrata) › [Vratakanda](https://indike.org/pramana/in.niti.dharma.vrata.vratakanda) › 6.p488 # Vratakanda 6.p488 Vratakāṇḍa 6.p488 - **Language:** Sanskrit ### [6.p488](https://indike.org/pramana/in.niti.dharma.vrata.vratakanda.6.p488) ¹pūjitā daha tatsarvaṃ yanmayā duṣkṛtaṃ kṛtam | evaṃ saṃpūjya deveśaṃ dūrvayā tvindundana || brāhmaṇebhyaḥ phalaṃ dadyāt nārikelādi suvrataḥ | dadhi prāśya gṛhaṃ gacchet pūjayitvā trilocanam || dūrvā gaurī smṛtā rājan śaṅkarastu phalāni vai | yastvasyāṃ tu tithau brahman pūjayecchaṅkaraṃ naraḥ || sa gacchecca gṛhaṃ ramyaṃ divyagandharvapūjitam | kṛtopavāsaṃ saptamyāmaṣṭamyāṃ pūjayecchivam || ²pūrvoktenaiva vidhinā sarvakāmān sa vindati | vidyāṃ prāpnoti vidyārthī putrārthī putramāpnuyāt || ³dhanārthī prāpnuyānnityaṃ bhāryārthī labhate ca tām | manasā yadyadicchettu tattadāpnoti mānavaḥ || ya evaṃ pūjayaddarvāṃ bhūteśaṃ mānavaḥ phalaiḥ | sa saptajanmapāpaughānmucyate nātra saṃśayaḥ || kṛtvopavāsaṃ saptamyāmaṣṭamyāṃ pūjayecchivam | dūrvāsametaṃ viprendra dadhyakṣataphalaiḥ śubhaiḥ || tataḥ saṃpūjayedviprān phalairnānāvidhairdvija | anagnipakkamaśnīyādannaṃ dadhi phalaṃ tathā || akṣāralavaṇaṃ ⁴brahmannaśnīyānmadhunānvitam - [Previous: 6.p487](https://indike.org/pramana/in.niti.dharma.vrata.vratakanda.6.p487) - [Next: 6.p489](https://indike.org/pramana/in.niti.dharma.vrata.vratakanda.6.p489) - [Up: 6](https://indike.org/pramana/in.niti.dharma.vrata.vratakanda.6) ## Linked texts (1) - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.20.p488) — Lakṣmīdhara Bhaṭṭa, Sanskrit --- Source: [https://indike.org/pramana/in.niti.dharma.vrata.vratakanda.6.p488](https://indike.org/pramana/in.niti.dharma.vrata.vratakanda.6.p488) · Pramāṇa