Pramāṇa · Search · About · API

Vratakhanda 110.p1

Vratakhaṇḍa 110.p1

Language
Sanskrit

110.p1.1

kumārīpūjanamapyagreneyoktaṃ skāndapurāṇe
ekaikāṃ pūjayet kanyāmekavṛddhyā tathaiva ca
dviguṇāṃ triguṇāṃ vāpi pūjayennavavatsarān
navabhirlabhate bhūmimaiśvaryyaṃ dviguṇena ca
ekavṛddhayā labhet cemamekaikaina priyaṃ labhet
ekavarṣā tu yā kanyā pūjārthantāṃ vivarjayet
gandhapuṣpaphalādīnāṃ prītistasya na vidyate
dvivarṣakanyāmārabhya daśavarṣāvadhi kramāt
pūjayetsarvvakāryyeṣu yathāvidhyuktamārgataḥ
kumārikā dvivarṣā tu trivarṣā ca trimūrttinī
caturvarṣā tu kalyāṇī pañcavarṣā tu rohiṇī
ṣaḍvarṣā tu bhavet kālī saptavarṣā tu caṇḍikā
aṣṭavarṣā śāmbhavī tu durgā tu navamī smṛtā
daśavarṣā subhadreti nāmabhiḥ parikīrttitāḥ
ata ūrdhvantuyāḥ kanyāḥ sarvvakāryyeṣu varjitāḥ
duḥkhadāridranāśāya śatrūṇāṃ nāśanāya ca
āyuṣbala vṛddhyarthaṃ kumārīḥ pūjayennaraḥ
āyuṣkāmastrimūrttintu trivargasya phalāptaye
apamṛtyuvyādhipīḍā duḥkhānāmapanuttaye
saukhyābhāgyadhanārogyaputrapautrādidṛddhyaye
kalyāṇīṃ pūjayeddhīmānnityaṃ kalyāṇavṛddhyaye
ārogyasukhakāmīca jayakāmī tathaiva ca
bagalāmīnaronityaṃ rohiṇīṃ paripūjayet
vidyārthī ca jayārthī ca rājyārthī ca viśeṣataḥ
śatrūṇāñca vināśārthī kālikāṃ pūjayennaraḥ
saṃgrāmejayakāmī ca caṇḍikāṃ paripūjayet
duḥkhadāridranāśāya nṛpasaṃmohanāya ca
mahāpāpavināśāya śāmbhavīñca prapūjayet
sa cet kulāṭanaśatrūṇāmāśravārdhanakarmmaṇi
durgāṃ durgatināśāya pūjayedyatnato budhaḥ
saubhāgyadhanadhānyādi vāñchitārthaphalāptaye
subhadrāṃ pūjayenmartyodāsīdāsavidṛddhyaye
prātaḥkāle viśeṣeṇa kṛtābhyaṅgo viśeṣataḥ
āvāhayettataḥ kanyāṃ mantreṇānena bhārgava

110.p1.2

mantrākṣaramayī lakṣmī mātṛṇāṃ rūpadhāriṇī
navadurgātmikāṃ sākṣāt kanyāmāvāhayāmyahaṃ
tripurāṃ tripurādhārāṃ trivargāṃ jñānarūpiṇīṃ
trailokyavanditāṃ devīṃ trimūrttiṃ pūjayāmyaham
kalātmikāṃ kalātītāṃ kāruṇyahṛdayāṃ śivāṃ
kalyāṇajananīṃ nityāṃ kalyāṇīṃ pūjayāmyaham
aṇimādiguṇādhārāṃ makārādyakṣarātmikām
anantaśaktimāṃ lakṣmīṃ rohiṇīṃ pūjayāmyaham
kāmacārīṃ śubhāṃ kāntāṃ vākcañcalarūpiṇīṃ
kāmadāṃ karuṇīdārāṃ kālīṃ sampūjayāmyaham
caṇḍavīrāñcaṇḍamāyāñcaṇḍamuṇḍaprabhañjanīṃ
pūjayāmi sadā devīṃ caṇḍikāṃ caṇḍavikramāṃ
sadānandakarīṃ śāntāṃ sarvvadeva namaskṛtāṃ
sarvvabhūtātmikāṃ lakṣmīṃ śāmbhavīṃ pūjayāmyahaṃ
durgame dustare kāryye bhavaduḥkhavināśinīm
pūjayāmi sadā bhaktyā durgāṃ durgārttināśinīm
sundarīṃ svarṇavarṇābhāṃ sukhasaubhāgyadāyinīm
subhadrāṃ jananīṃ devīṃ subhadrāṃ pūjayāmyaham
evamabhyarcanaṃ kuryyāt kumārīṇāṃ prayatnataḥ
kañcukaireva vastraiśca gandhapuṣpākṣatādibhiḥ
nānāvidhairbhakṣyabhojyai rbhojayetpāyasādibhiḥ
hīnādhikāṅgīṃ kuṣṭhādivikārāṃ kukulāstathā
prabhinnasphuṭitagarbhāṅgīṃ raktapūyapravāhinom
jātyandhāṃ kekarāṃ kāṇīṃ kurupāmaturomaśāṃ
manyajedbhāgiṇīṃ kanyāṃ dāmaugarbhasamudbhavāṃ
arogiṇīṃ supuṣṭāṅgīṃ surūpāṃ vraṇavarjitāṃ
ekavaṃśasamudbhūtāṃ kanyāṃ samyak prapūjayet
brāhmaṇīṃ sarvvakāryyeṣu jayārthe nṛpavaṃśajām
dāruṇecānyajātīyāṃ pūjayedvidhinā nara iti
atra cāśvasya pūjanamuktaṃ devīpurāṇe
aśvayuk śuklapratipattitthiyoge śubhe dine
pūrvvamuccaiḥśravā nāma prathamaṃ śriyamāvahan
tasmāt so'śvonaraistatra pajyo'sau śraddhayā saha

110.p1.3

pūjanīyāśca turagā navamīṃ yāvadeva hi
śāntiḥ svastyayanaṃ kāryyā tadā teṣāṃ dine dine
dhānyabhallātakaṃ kuṣṭhaṃ vacāṃ siddhārthakāṃstathā
pañcavarṇena sūtreṇa granthisteṣāntu bandhayet
vāyavyairvvāruṇaiḥ sauraiḥ śāntairmantraiśca vaiṣṇavaiḥ
vaiśvadevaistathāgneyairhomaḥ kuryyāddine dine
turaṅgā rakṣaṇīyāstu puruṣaiḥ śastrapāṇibhiḥ
dāridrātaḥ kvacinnaiva naca vāhyāḥ kathañcana iti
aśvinanavarātre ṣaṣṭhyāṃ vilvaśākhādimantraṇaṃ kāryaṃ tathā
liṅgapurāṇe
evaṃ rāvaṇasya badhārthāya rāmasyānugrahāya ca
akāle brahmaṇā bodhodevyāstvayi kṛtaḥ purā
ahamapyāśvinaḥ ṣaṣṭhyāṃ sāyāṅke bodhayāmyataḥ
śrīśailaśikharejāta śrīphala śrīniketana
netavyo'si mayā gaccha pūjyodurgāsvarūpataḥ
saptamyāṃ prātastāṃ śākhāṃ gṛhaṃ chitvā praveśayet
tathā ca tatraiva | mūlābhāve'pi saptamyāṃ kevalāyāṃ praveśayet
ubhābhyāṃ navabilvasya phalābhyāṃ śākhikānvayeti
aṣṭamyāṃ pūjāviśeṣo vihitobrahmapurāṇe
atrāṣṭamyāṃ bhadrakālī dakṣayajñavināśinī
prādurbhūtā mahāghorā yoginīkoṭibhiḥ saha
ato'rthaṃ pūjanīyā sā tasminnahani mānavaiḥ
upoṣitairvastradhūpairdīpairmālyairanulepanaiḥ
āmiṣairvividhaiḥ śākairhomabrāhmaṇatarpaṇaiḥ
bilvapatraiḥ śrīphalaiśca candanena ghṛtena ca
navamyāṃ tu kṛtasnānaiḥ sarvvaiḥ pūjyāstu brāhmaṇādvati
pratipadādiṣu navasu pratidinaṃ durgāpūjādikaraṇāsāmarthya
saptamyādidinatrayeṇa karttavyam
tadāha dhaumyaḥ
āśvine māsi śukle tu karttavyaṃ navarātrakaṃ
pratipadādikrameṇaiva yāvacca navamī bhavet
trirātraṃ vāpi karttavyaṃ saptamyādi yathākramamiti
śrīkṛṣṇa uvāca

110.p1.4

puṇyā mahānavamyasti tithīnāmuttamā tithiḥ
mānuṣṭheyā suraiḥ sarvvaiḥ prajāpālairviśeṣataḥ
bhavānītuṣṭaye pārtha sambatsarasukhāya ca
bhūtapretapiśācānāṃ prautyarthaṃ tṛptaye ca
yudhiṣṭhirauvāca
kasmāt kālāt pravṛtteyaṃ navamī mahaṇanvitā
kimādāvapi kaṣṇāsīṅbhagavatyāḥ priyā tithiḥ
yaśodāgarbhasambhūta bhūtayācā pravarttate
utāho pūrvvamevāsīt kṛtatretāyugādiṣu
ye cānye prācinaḥ keciddhanyante ghātayanti vā
hatānāṃ prāṇināṃ teṣāṃ kā gatiḥ pāralaukikī
svayaṃ hatāṃ ghātayatāmanumodayatāṃ tathā
etanme saṃśayaṃ sarvvaṃ cchettumarhasi keśava
śrīkṛṣṇa uvāca
yāyaṃ sā paramā śaktiranantā lokapūjitā
ādyā sarvvagatā śuddhā bhāvagamyā manoharā
arddhāṣṭamī kālikāyāḥ supuṣṭā sarvvamaṅgalā
māyā kātyāyanī durgā cāmuṇḍā śaṅkarapriyā
dhyāyanti yāṃ yogaratāḥ sā devī parameśvarī
rupabherdernāmabhedairbhavānī pūjyate śivā
navamyāṃ tu mahārāja devadānavarācasaiḥ
gandhavvairgaruḍairyyacaiḥ pūjyate kinnarairnaraiḥ
anyairapi mahīpālaiḥ sṛṣṭipūrvvaṃ prakīrttitā
pūjiteyaṃ purā devaistebhyaḥ pūrvvataraiḥ śubhaiḥ
aśvayukta śuklapacasya aṣṭamī mūlasaṃyutā
sā mahānavamī nāma trailokye'pi sudurlabhā
kanyāgate savitari śuklapace'ṣṭamī tu yā
mūlanacatrasaṃyuktā sā mahānavamī smṛtā
aṣṭamyāṃ ca navamyāṃ ca janmamokṣapradāyikāṃ
pūjayitvāśvine māsi viśokojāyate naraḥ
santarjayantī duṣkṛtairvighnodyacchedakatparā
navamyāṃ pūjitā devī dadātyanupamaṃ phalaṃ
sā puṇyā sā pavitrā ca sudharmmasukhadāyinī
tasyāṃ sadā pūjanīyā cāmuṇḍā muṇḍamālinī
tasyai ye hyupayujyante prāṇinomahiṣādayaḥ

110.p1.5

sarvve te svargatiṃ yānti śbhratāṃ pāpaṃ na vidyate
na tathā validānena puṣpadhūpavilepanaiḥ
yathā santuṣyate meṣairmahiṣairvindhyavāsinī
uddiśya durgāṃ hanyante vividhā yatra jantavaḥ
te yānti svargaṃ lokendra vātavantoyathāśvinaḥ
bhavānī prāṅmukhe yāntā jñeyāṃ sātā yudhiṣṭhira
teṣāṃ svarge dhruvaṃ vāsīnarāste'psarasāṃpriyāḥ
manvantareṣu sarvveṣu kalpeṣu kurunandana
teṣu sarvveṣu caivāsaunnavamīyaṃ surārccitā
prasiddhānādinidhanā varṣe varṣe yudhiṣṭhira
bhūyobhūyo'vatāreṣu bhavānī pūjyate suraiḥ
avatīrṇāvatīrṇā ca bhuvi daityanibarhiṇī
svargapātālamartyeṣu karotyatithipālanaṃ
saiṣā kāle mahādevī yaśodāgarbhasambhavā
kaṃsāsurasyottamāṅge pādaṃ gatvā gatā divaṃ
tataḥ prabhṛti daityaghnī yaśodānandinī mayā
vindhyācale sthāpayitvā punaḥ pūjyāpravarttitā
pūrvvaprasiddhāpi punarbhaginyā mahimākṛte
bhuvi sattvopakārāya sarvvopadravaśāntaye
evañca vindhyavāsinyāṃ navarātropavāsitaḥ
ekabhaktena naktena svaśaktyāyācitena vā
pūjanīyā janairdevī sthāne sthāne pure pure
gṛhe gṛhe śaktiparairgrāme grāme vane vane
snātaiḥ pramuditairhṛṣṭairbrāhmaṇaiḥ kṣatriyairnṛpaiḥ
tataḥ saṃpūjayeddhīmān mantraireva pṛthak pṛthak
vaiśyaiḥśūdrairbhaktiyuktai mleṃcchairanyeśca mānavaiḥ
strībhiśca kuruśārdūla tadvidhānamidaṃ śṛṇu
jayābhilāṣī nṛpatiḥ pratipatprabhṛti kramāt
nīhābhicārikaṃ karma kārayet yāvadaṣṭamīṃ
prāgudakplavaṇe deśe patākābhiralaṃkṛtam
maṇḍapaṃ kārayeddivyaṃ navasaptakaraṃ śubham
āgneyyāṃ kārayet kuṇḍa hastamātraṃ suśobhanam
mekhalātrayasaṃyuktaṃ yonyaśvatthadalālayā

110.p1.6

rājacihnāni sarvāṇi śastrāṇyastrāṇi yāni ca
ānīya maṇḍape tāni sarvāṇyevādhivāsayet
tatastu brāhmaṇaiḥ snātaḥ śuklāmbaradharaḥ śuciḥ
oṃkārapūrvakairmantraistalliṅgerjuhuyāt ghṛtaṃ
lohanāmābhavat pūrvvaṃ dānavaḥ sumahābalaḥ
sa devaiḥ samare krūddherbahudhā śakalīkṛtaḥ
tadaṅgasambhavaṃ sarvvaṃ lohaṃ yaddṛśyate kṣitau
lohābhisārikaṃ karma tenaitadṛṣiṇā kṛtam
hutaśeṣanturaṅgāṇāṃ rājānnamupahārayet
śastrāstramantrairhotavyaṃ pāyasaṃ ghṛtasaṃyutam
kevalaṃ ghṛtahomastu rājacihna sumantrakaiḥ
vaddhānālānakaistatra gajāśvān samalaṅkṛtān
bhrāmayannagare nityaṃ nandighoṣapuraḥsarān
pratyahaṃ nṛpatiḥ snātvā saṃpūjya pitṛdevatāṃ
pūjayedrājacihnāni phalamālyānulepanaiḥ
ghṛtaśeṣaṃ pradātavyamaupanāyanike dvije
tasyābhiharaṇādrājñovijayaḥ samudāhṛtaḥ
pūjāmantrān pravacyāmi purāṇoktāmahaṃ tava
yaiḥ pūjitāḥ prayacchanti kīrttimāyuryaśobalam
yathā candramhā dyati śivāvemāṃ vasundharām
tathā cchādaya rājānaṃ vijayārogyavṛddhaye
hṛtamantraḥ
gandharvvakulajātastvaṃ mābhūyāḥ kuladūṣakaḥ
brāhmaṇān satyavākyena somasya varuṇasya ca
prabhāvācca hutāśasya varddhayasva turaṅgama
tejasācaiva sūryyasya munīnāṃ tapasā tathā
rudrasya brahmacaryyeṇa pavanasya balena ca
smara tvaṃ rājaputrañca kaustubhañca maṇiṃ smara
yāṃ gatiṃ pitṛhā gacchedbrahmahā mātṛhā tathā
bhūyahānṛtavādīca kṣatriyaśca parāṅmukhaḥ
sūryyācandramaso vāyuryyāvatpaśyanti duṣkṛtiṃ
vraja tvaṃ tāṅgatiṃ kṣipraṃ tava pāpaṃ bhavettadā
vijñaptiṃ yadi vāñchanto yudde'dhvani turaṅgama
ripūn vijitya samare saha bhartrā sukhī bhava
aśvamantrāḥ

110.p1.7

śakraketo mahāvīryya śyāmavarṇārthayāmyahaṃ
patatri vainateya tvaṃ tathā nārāyaṇadhvaja
kāśyapeyāruṇabhrātarnāgāre viṣṇuvāhana
aprameya durādharṣa raṇe devārisūdana
garutmāmmārutagatistvayi sannihitoyataḥ
śastracarmmāyudhān patraṃ rakṣa tvaṃ ca ripūn daha
dhvajamantraḥ
kumudairāvaṇau padmaḥ puṣpadanto'tha vāmanaḥ
supratīkoñjano nīla etehyau devayonayaḥ
teṣāṃ putrāśca pautrāśca vanānyaṣṭau samāśritāḥ
bhadromandromṛgaścaiva rājasaṅkīrṇa eva ca
vane vane prasūtāste svara yoniṃ mahāgajā
pāntu tvāṃ vasavorudrā ādityāḥ samarudgaṇāḥ
bharttāraṃ rakṣa nāgendra svāmivat pratipālyatāṃ
avāpnuhi jayaṃ yuddha gamane svasti nā vraja
oste somādvalaṃ viṣṇostejaḥ sūryājjavo'nilāt
sthairyyaṃ merorjayo rudrāddhairyyaṃ devāt purandarāt
yuddhe rakṣantu nāgāstvāṃ diśaśca saha devataiḥ
aśvinau saha gandharvaiḥ pāntu tvāṃ sarvvataḥ sadā
gajamantraḥ
hutabhugvasavorudrā vāyuḥsomo maharṣayaḥ
nāgā, kinnara, gandharvvā, yakṣabhūtagaṇagrahāḥ
pramathāstu sahyādityai bhūteśromātṛbhiḥ saha
śakrasenāpatiskandovaruṇaḥpārṣadaisttriha
pradahantu ripūn sarvvān rājā vijayamṛcchatu
yāni prayuktānyarinirbhūṣa ṇāni samantataḥ
patantūpari śatrūṇāṃ hṛtāni tava tejasā
kālanemivadhe yadvattadvattripuraghātane
hiraṇyakaśiporyuddheyuddhe devāsure tathā
śobhitāsi tathaivādya śobhayāsmāṃśca saṃsmara
nīlāṃ śvetāmimāṃ dṛṣṭvā naśyantvāśu nṛpārayaḥ
vyādhibhirvividhairghoraiḥ śastraiśca yudhinirjitāḥ
sadyaḥsvasthā bhavantvaśvāstvadvātenāpamārjitāḥ
pūtanā revatī gaurī kālarātriśca yā smṛtā
patākāmantraḥ

110.p1.8

asirviśasanaḥ khaḍgo† vikarṇyī ca durāsadaḥ
śrīgarbho vijayaścaiva dharmādhārastathaiva ca
ityaṣṭau tava nāmāni svayamuktāni vedhasā
nakṣatraṃ kṛttikā te tu gururdevo maheśvaraḥ
hiraṇyañca śarīrante dhātā devo janārddanaḥ
pitā pitāmahodevastasmāṃ pālaya sarvvadā
khaṅgamantraḥ
śrīṃ śarmmaprada tvaṃ samarecarmastvarvvāyaso hṛdi
rakṣa māṃ rakṣaṇīyo'haṃ na hantavyonamostu te
varṇāmantraḥ
dundubhe tvaṃ prapannānāṃ roṣādyahṛdayakampanaḥ
bhava bhūmipasainyānāṃ tathā vijayavardhanaḥ
yathā jīmūtaghoṣeṇa pranṛtyanti tu barhiṇaḥ
tathā'stu tava śabdena harṣo'smākaṃ mudāvaha
yathā jīmūtaśabdena kauccāṃ nāso'bhijāyate
tathā vāhitaśabdena nāsosvannadviporave
dundubhimantraḥ
sarvāyudhamahāmātra sarvvadevārimarddana
śivabhūmāsi sainyānāṃ tathā vijayavardhanaḥ
cāpa māṃ sarvvadā rakṣa sākaṃ sāyakasattamaiḥ
cāpamantraḥ
puṇyastvaṃ śaṅkhamaṅgānāṃ maṅgalānāñca maṅgalam
viṣṇunā vidhṛtonityamataḥ śāntiprado bhava
śaṅkhamantraḥ
mṛgāṇḍakarasaṃkāśa himaḍiṇḍīrapāṇḍura
prosāraṇāya suhita cāmarāmaravallabha
cāmaramantraḥ
sarvāyudhānāṃ prathamā nirmitāsi pinākinā
bhūtāyudhādviniṣkṛtya kṛtvā sṛṣṭimayaṃ śubham
caṇḍikāyāḥ priyāsi tvaṃ sarvvaduṣṭanivarhaṇī
tvayā vistāritā vāsi devānāṃ pratipāditā
sarvvaṃ sattvāṅgabhūtāsi śubhāsuranibarhaṇī
churike rakṣa māṃ nityaṃ śāntiṃ yaccha namostu te
churikāmantraḥ
proddhāraṇāya duṣṭānāṃ sādhusaṃgrahaṇāya ca
brahmaṇā nirmitāñcāpi vyavahāraprasiddhaye
yaśodehi sukhaṃ dehi jayado bhava bhūpateḥ
tāḍayāśu ripūn sarvvān hemadaṇḍa namostu te
kanakadṇḍamantraḥ

110.p1.9

vijayo jayado nāma ripughāti priyaṅkara
duḥkhahā dharmahaḥ śāntaḥ sarvvāriṣṭavināśana
eteṣṭau sabidhau proktāstavasiṃhā mahābalāḥ
tena siṃhāsano'si tvaṃ viprairvedaiśca gīyase
tvayi sthitaḥ śivaḥ sākṣāt tvayi śakraḥ sureśvaraḥ
tvayi sthito harirdevastvadarthaṃ tapyate tapaḥ
namaste sarvvatobhadra bhadrado bhava bhūpateḥ
trailokyajayasarvvakha siṃhāsana namostu te
siṃhāsanamantraḥ
lohābhisārikaṃ karmma kṛtvaivaṃ mantrapūrvvakam
phalanevedyakusumadhūpadīpavilepanaiḥ
aṣṭamyāṃ niyamaṃ kṛtvā pūrvāhne srānamācaret
durgāṃ kāñcanamūrttinkhāṃ raupyāṃ vā sṛṇmayīmatha
śailīṃ vārttīñca raitīṃ vā tāmroṃ vibhavataḥ kṛtvā
dāruvicitratoraṇe nyastā śobhane sthāne
purato vinyastadehāṃ vicitrapaṭṭahṛmadyagāṃ devīm
candana kuṅkuma campakacatuḥsamaiḥśailapiṣṭeśca
carcitagācāṃ devī kusumairabhyarcitāṃ bahubhiḥ
kumudaiḥ saptacchadapuṣyaiḥ sudīpadhūpaiḥ sunaivedyaiḥ
māṃsairbavyupahāraiścaiṅgalamadyaiḥ samucchitaiḥ
vijayacchatrairyānaiḥ khaḍgasritagrastradhārijanalokaiḥ
tuṣṭairvaravastrādi sunivedayate sarvvameva bhagavatyai
jayantī maṅgalā kālī bhadrakālī kapālinī
durgā camā śivā dhātrī+ svāhā svadhā namo'stu te
amṛtodbhava śrīvṛkṣa mahādevapriyaṃ sadā
bilvapatraṃ prayacchāmi pavitraṃ te sureśvari
durgāṃ sampūjayeccaiva taddine droṇapuṣpakaiḥ
sācābhīṣṭā sureṇādyāstavāṇḍapratoyataḥ
tataḥ khaṅgaṃ namaskṛtya śatrūścācaiva mardayet
iccheta vijayaṃ rājyaṃ subhikṣaṃ cātmano nṛpaḥ
punaḥ punaḥ praṇamyāsiṃ saṃsmaran hṛdaye śivām
mahiṣaghnīṃ mahābhujāṃ kumārīṃ siṃhavāhinīm

110.p1.10

dānavāṃstarjayantīṃ ca khatrodyatakarāṃ śubhām
ghaṇṭācañcatkarāṃ durgāṃ raṇārambhe vyavasthitām
tato jayajavādyaistvaṃ kuyyāddigmantataḥ
sarvvamaṅgalamāṅgalye śive sarvvārthasādhike
śaraṇye tryambake gauri nārāyaṇi namo'stu te
kuṅkumena samālabhya candanena vilepite
bilvapatramayāmāle durge'haṃ śaraṇaṅgataḥ
ityevamatha vīrasya aṣṭamyāṃ jāgaraṃ niśi
naṭanarttanagītaiśca kārayensumahotsavam
evaṃ dṛṣṭorniśāṃ nītvā prabhāte aruṇodaye
snātaveṣāśliṣāmevānagrato matakuñjarān
śatamarddhamataṃvāpi tadarddhaṃ vā yathecchayā
surāsavakṛtaiḥ kumbhairmadyairvveśvaramañjarīm
kapālikebhyastaddeyaṃ tathā duṣṭajaneṣvapi
vibhajya sarvvaṃ kaunteya dṛṣṭāstvabhivabhūṣu
tatoparāhnasamaye navamyāṃ candanekṣitāṃ
bhavānīṃ bhrāmayedrāṣṭre svayaṃ rājā satenyavān
havidbhiḥ pūrvvamevāryyasturuṣkaiḥ supajiteḥ
mantraiḥ mantrairambikāyāñjapadbhirdīpahastakaiḥ
śrāklṛptavastrairvveṣaistu dhātubhiḥ supravalgitaiḥ
nadbhirugraghaṭaṭairnṭatyadbhiścaivapuṣpakaiḥ
akhiśoṇito vīrovidyutobhena khaṅginā
bhūtebhyastu baliṃ dadyānmantre gānena cāmiṣaṃ
caraktaṃ savasaṃ cātraṃ gandhapuṣpāccatairyutaṃ
trīṃstrīn vārānlibhūsena digvidicu cipedvaliṃ
baliṃ gṛhṇantvimaṃ devā āditya marutastathā
mavatavyāśino rudrāḥ suparṇāḥ pannagā grahāḥ
asurā yātudhānāya piśācā mātaroragāḥ
ḍākinyo yaccavetālā yoginyaḥ pūtanāstathā
jṛmbhakāḥ siddhagandharvvā mākṣāvidyādharā nagāḥ
dikpālā lokapālāca ye ca vighnavināyakāḥ
jagatāṃ śāntikarttāro brahmādyāśca maharṣayaḥ
mā vighnaṃ mā ca me pāpaṃ mā santu paripanthinaḥ

110.p1.11

saumyā bhavantu tṛptāśca bhūtapretāḥ sukhāvahāḥ
ityevaṃ bhrāmayedgātre durgādevīṃ ranasthitāṃ
narayānena vā pārtha tatovighnaṃ samāpayet
mahotsaveṣu vighneṣu bhūtaśāktiṃ samācaret
yena vighnā na jāyante yātrā sampūrṣṇatāṃ vrajet
evaṃ ye kurvvate yātrāṃ rājāno'nye'pi mānavāḥ
mahāsanavamyāsacāvāḥ pṛthivyā cakramānavāḥ
te sarvve pāpanirmuktā yānti bhāgavatīṃ purīṃ
na teṣāṃ bhayaśokābdhirmahāro na vināyakaḥ
vighnaṃ kurvvanti rājendra teṣāṃ tuṣṭā maheśvarī
nirujāḥ sukhino bhogān bhuktā rogavivarjitāḥ
bhavanti putravanto bhaktā bhagavatyāḥ śivaṃ gate
ityetatte samākhyātaṃ durgādevyā mahotsavam
paṭhatāṃ śṭaṇvatāṃ caiva sarvvāśubhavināśanam
śūlāgrabhinnamahiṣāsurakhaṇḍapīṭha
madhyāsya tanmukhaśirāṅkagavāṅkaṣaṅgāṃ
abhyartha candravadanānugatāṃ navamyāṃ
durgāntu durgagahanāni taranti martyāḥ

Linked texts (13)