[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Erotics and the Art of Love](https://indike.org/pramana/in.niti.kama) › [Vātsyāyana's Kāmasūtra and its Tradition](https://indike.org/pramana/in.niti.kama.kamasutra-school) › [Kāmasūtra](https://indike.org/pramana/in.niti.kama.kamasutra-school.vatsyayana) › [Jayamangala](https://indike.org/pramana/in.niti.kama.kamasutra-school.vatsyayana!jayamangala) › 18 # Kamasutra 18 Jayamaṅgalā 18 - **Language:** Sanskrit ### [18.p1](https://indike.org/pramana/in.niti.kama.kamasutra-school.vatsyayana!jayamangala.18.p1) na tveveti | ṛtau na yojayed, garbhāgrahaṇabhayāt, punarāvartane ca garbhagrahaṇāhārakadārike vyastaśīle syātāṃ, na prasūtāmaciraprasūtām pradarakaṭinirgamabhayād, na mṛgīṃ vṛṣāśvayorakhapāṭikābhayād, na garbhiṇīṃ garbhasrāvabhayād , nātivyāyatāmatisthūlāṃ vyāpārayitumaśakyatvāt | ### [18.p2](https://indike.org/pramana/in.niti.kama.kamasutra-school.vatsyayana!jayamangala.18.p2) 32 || puruṣāyitaṃ saptadaśaṃ prakaraṇam | tadantargatāni puruṣopasṛptānyaṣṭādaśaṃ prakaraṇam || iti śrīvātsyāyanīyakāmasūtraṭīkāyāṃ yaśodhararacitāyāṃ jayamaṅgalā''khyāyāṃ sāṃprayogike dvitīye'dhikaraṇe puruṣāyitaṃ puruṣopasṛptāni cāṣṭamo'dhyāyaḥ | ### [18.p3](https://indike.org/pramana/in.niti.kama.kamasutra-school.vatsyayana!jayamangala.18.p3) āliṅganādipuruṣāyitāntaṃ catasṛṣu nāyikāsūktaṃ, 'tṛtīyāprakṛtiḥ pañcamītyeke' ityuktaṃ, tadviṣayamaupariṣṭakamucyate dvividhetyādinā- ### [18.1](https://indike.org/pramana/in.niti.kama.kamasutra-school.vatsyayana!jayamangala.18.1) tṛtīyāprakṛtiḥ = napuṃsakaṃ, strīrūpiṇī = strīsaṃsthānā stanādiyogāt, puruṣasaṃsthānā śmaśrulomādiyogād, yadvṛttimāśrityaupariṣṭakamanayostaducyate | tatra pūrvamadhikṛtyāha- ### [18.2](https://indike.org/pramana/in.niti.kama.kamasutra-school.vatsyayana!jayamangala.18.2) tatreti | tayoḥ samyakstrītvakhyāpanārthaṃ tāvatstrīdharmānukarā', tatra veṣaḥ keśaparidhānādivinyāsena, ālāpaṃ=kākalyanugataṃ, līlāṃ=mantharādigamanam, bhāvaṃ=hāsādikam, mṛdutvam=akārkaśyam, bhīrutvaṃ= bhayaśīlatām, mugdhatām=ṛjutām,asahiṣṇutāṃ=prahaṇanavātātapādyakṣamatām, vrīḍāṃ=lajjām, anukurvīta | ### [18.3](https://indike.org/pramana/in.niti.kama.kamasutra-school.vatsyayana!jayamangala.18.3) tasyā iti | strīdharmānanukurvantyāḥ, vadane=mukhe, jaghanakarmeti | svarūpākhyānaṃ, bhage liṅgena yatkarma tanmukhe kriyamāṇamaupariṣṭakam, ācakṣata iti | pūrvācāryakṛteyaṃ saṃjñā, upariṣṭānmukhe bhavatītyaṇa- ‘avyayānāṃbhamātre ṭilopaḥ' paścāt 'saṃjñāyāṃ kan', 'amehakatasinnebhya eva' iti parigaṇanādyañ na bhavati | phalamāha— ### [18.4](https://indike.org/pramana/in.niti.kama.kamasutra-school.vatsyayana!jayamangala.18.4) sā tata iti | aupariṣṭakādratiṃ prītimābhimānikīṃ prāguktalakṣaṇām, vṛttiṃ=jīvikām bhāṭolābhād , caritamiti | veśyāyā vṛttaṃ vaiśike vakṣyati, tadveśyeva prakāśayantī gamyairabhigamyamānā ratiṃ vṛttiṃ ca prāpnoti | dvitīyāmadhikṛtyāha— aupariṣṭakamekonaviṃśaṃ prakaraṇam || iti śrīvātsyāyanīyakāmasūtraṭīkāyāṃ yaśodhararacitāyāṃ jayamaṅgalā''khyāyāṃsāmprayogike dvitīye'dhikaraṇa aupariṣṭakaṃ navamo'dhyāyaḥ | ### [18.5](https://indike.org/pramana/in.niti.kama.kamasutra-school.vatsyayana!jayamangala.18.5) tuśabdo viśeṣaṇārthaḥ, ratiraupariṣṭakaṃ ca tulyaṃ; vṛttaṃ tu pṛthagiti yadāha-pracchannakāmeti | ābhimānikī prītiḥ kāmaḥ, sa pracchanno yasyāḥ sā puruṣarūpiṇītvātpuruṣeṇa sahasā na samprayujyata iti labdhumicchantī, saṃvāhakabhāvamupajīvediti | loke'ṅgamardanakarmaṇā jīvedityarthaḥ | evamapi viśvāsābhāvātkathaṃ ratiriti viśvāsanāthamāha— ### [18.6](https://indike.org/pramana/in.niti.kama.kamasutra-school.vatsyayana!jayamangala.18.6) saṃvāhane saṃviṣṭasya nāyakasyorū svagātrairudvṛttaparicayatvādupagūhamāneva mṛdnīyād, evaṃ mṛdnatī prasṛtaparicayā cedūrūmūlamapi saṃspṛśet, sajaghanāmati | liṅgasthānaṃ tyaktvā saha jaghanasya stokena bhāgenorūmūlamityarthaḥ | ### [18.7](https://indike.org/pramana/in.niti.kama.kamasutra-school.vatsyayana!jayamangala.18.7) sthiraliṅgatāmiti | sajaghanabhāgorūmūlasaṃsparśātstabdhaliṅgatām, pāṇimantheneti | āgopālādipratītena liṅgaṃ ghaṭṭayed, na yathā kathañcit , cāpalaṃ kutsayantīveti | īdṛśastvaṃ capalo yadūrusparśamātreṇa stabdhaliṅgo 'sīti nindayantī svābhiprāyakhyāpanārthaṃ hased na tu ruṣyāt | ### [18.8](https://indike.org/pramana/in.niti.kama.kamasutra-school.vatsyayana!jayamangala.18.8) kṛtalakṣaṇenāpīti | stabdhaliṅgatvaṃ rāgasya lakṣaṇaṃ tatkṛtaṃ yasya nāyakasya, upalabdhavaikṛteneti | jñātamukhacāpalena yadi na codyate kuru mukhacāpalamivi, tadā tasminsvayameva vinā codanayopakrameta, puruṣeṇa tūpalabdhavaikṛtenānupalabdhavaikṛtena vā codyamānā nāhamevaṃvidhakarmeti sahasāṅgīkārapratiṣedhārthaṃ vivadeta, tadeva sphuṭayati-kṛcchreṇa ceti | strīrūpiṇī tu prakaṭakāmatvādacoditā'pyādita evopakrameta | ### [18.9](https://indike.org/pramana/in.niti.kama.kamasutra-school.vatsyayana!jayamangala.18.9) tatreti | aupariṣṭake, samuccayaprayojyamiti | krameṇa sarve samuccayena yojyamityarthaḥ | ### [18.10](https://indike.org/pramana/in.niti.kama.kamasutra-school.vatsyayana!jayamangala.18.10) teṣviti | nimitādiṣu, ekaikaṃ prathamātprabhṛtyabhyupagamya kṛtvā; parityāgecchāṃ darśayet, kautukajananārthamabhyarthanayā'paraṃ prayokṣyāmīti | ### [18.11](https://indike.org/pramana/in.niti.kama.kamasutra-school.vatsyayana!jayamangala.18.11) itaraśceti | nāyakaḥ, pūrvasminniti | nimite, taduttaramiti | tasmānnimitādantaraṃ pārśvato daṣṭaṃ, nirdiśedidaṃ ca kurviti, tasminnapi pārśvato daṣṭe kriyayā siddhe taduttaraṃ bahiḥsandaṃśamiti, anena krameṇa sarvesamuccayena nirdiśet, svarāgaparisamāptyarthaṃ, tasmāccābhimānikasukhajananāthaṃ nāyikā'pi tathaiva prayuñjītetyayaṃ codanāyāṃ vidhiḥ, svayamupakrame tu svābhiprāyeṇaiva samuccayaprayojyam | ### [18.12](https://indike.org/pramana/in.niti.kama.kamasutra-school.vatsyayana!jayamangala.18.12) karāvambitamiti | avanamanavāraṇārthaṃ kareṇa gṛhītam, oṣṭhayorupari vinyastamagrabhāgenāpavidhyoṣṭhena vartulīkṛtenāvaṣṭabhya; mukhaṃ svaṃ vidhunuyāt=kampayed, oṣṭhayorupari vinyastatvānnimitam | puruṣābhiprāyādeveti | puruṣābhiprāyameva buddhvā; pratyāsannā'sya ratiriti, giret pīḍayecceti | jihvāvyāpāreṇa pīḍayitvā gired, oṣṭhavyāpāreṇa pīḍayed, āsamāpteriti | śukravisṛṣṭiṃ yāvat, saṅgaraḥ samantād giraṇāt | 19 || ### [18.13](https://indike.org/pramana/in.niti.kama.kamasutra-school.vatsyayana!jayamangala.18.13) hastenāvacchādya muṣṭigrahaṇena, tataḥ pārśvato liṅgamauṣṭhābhyāmavapīḍya, nirdaśanamiti | kriyāviśeṣaṃ, dantavarjamityarthaḥ, dantaistu grahaṇamasti, yadāha—bhavatvetāvaditi | etāvadevāstu yad grahaṇaṃ, nāparaṃ khaṇḍanamiti sāntvayet | ### [18.14](https://indike.org/pramana/in.niti.kama.kamasutra-school.vatsyayana!jayamangala.18.14) bhūyaścoditeti | pārśvato daṣṭe sañcoditā punaranyatra coditā, svayamupakrame tvacoditaiva saṃmīlitauṣṭhī liṅgasyāgramantaḥ praveśya; mīlitāvoṣṭhau yayā sā, tābhyāmeva niṣpīḍya karṣayantīva mukhediti | oṣṭhābhyāmevāsya karṣarṇa kurvāṇeva tyajedityarthaḥ, bahiḥsandeśaścarmaṇo bahiḥsandarśanāt | ābhyantaramāha— ### [18.15](https://indike.org/pramana/in.niti.kama.kamasutra-school.vatsyayana!jayamangala.18.15) tasminniti | bahiḥsandaṃśe kriyamāṇe, abhyarthanayā yācanayā, kiñcidadhikamiti | niṣkāsya granthi yāvannāyakaḥ praveśayedityayaṃ codanāpakṣaḥ, svayamupakrame tu kiñcidadhikaṃ praveśyāgraṃ maṇibandhamoṣṭhābhyāṃ niṣpīḍya; niṣṭhīved=nirasyed, antaḥsandaṃśo niṣkośitasya saṃdaṃśanāt | ### [18.16](https://indike.org/pramana/in.niti.kama.kamasutra-school.vatsyayana!jayamangala.18.16) oṣṭhavaditi | yathā'dharoṣṭhasyauṣṭhābhyāṃ grahaṇaṃ, tathā niṣkośitasyeti cumbitakaṃ, samagrasaṃjñākhyam | ### [18.17](https://indike.org/pramana/in.niti.kama.kamasutra-school.vatsyayana!jayamangala.18.17) taditi | cumbitakaṃ kṛtvā, anyathā hyayogād jihvā'greṇāntaḥ paribhramantā sarvato ghaṭṭayet=spṛśed , agre ca vyadhanaṃ srotaḥsthāne tāḍanaṃ jihvā'greṇaiva, parimṛṣṭakaṃ samantāt sparśanāt | ### [18.18](https://indike.org/pramana/in.niti.kama.kamasutra-school.vatsyayana!jayamangala.18.18) tathābhūtameveti | niṣkośitameva, rāgavaśāditi | nāyakasya rāgādhikyāt, tadardhapraviṣṭaṃ granthimatītya praviṣṭaṃ, nirdayamatyantam, avapīḍyāvapīḍyeti | jihrauṣṭhapuṭena dvikhiravapīḍyāvapīḍya mukhedabhyantara eva, tadāmrasyeva cūṣitakam | ### [18.20](https://indike.org/pramana/in.niti.kama.kamasutra-school.vatsyayana!jayamangala.18.20) yathārthamiti | yathā rāgo nimitādiṣu mṛdumadhyādhimātrādibhedena sthitastathā stananaprahaṇanayoḥ prayogaḥ, āliṅganādīnāmatrāsambhavād, ityaupariṣṭakamiti| evaṃ viṣayasvarūpaphalavṛttiprakārairaupariṣṭakamuktam| deśasātmyavaśādviṣaye'pyasya vṛttiriti darśayannāha- ### [18.21](https://indike.org/pramana/in.niti.kama.kamasutra-school.vatsyayana!jayamangala.18.21) kulaṭā iti | yaḥ svakulādanyaddeśasadṛśamaṭantyo bhraṣṭaśīlāstāḥkulaṭāḥ, yāḥ sadṛśamasadṛśaṃ vā kulamavicārya; svacchandacāriṇyastāḥsvairiṇyaḥ, yā anyapūrvā vā muktapragrahā nāyakamupacaranti tāḥ paricārikāḥ, yāḥ saṃvāhanakarmaṇā jīvanti tāḥ saṃvāhikāḥ, etatprayojayantītyaupariṣṭakaṃ kārayanti, na kevalaṃ tṛtīyā prakṛtirityapiśabdārthaḥ | ### [18.22](https://indike.org/pramana/in.niti.kama.kamasutra-school.vatsyayana!jayamangala.18.22) tadetattu na kāryamiti | prayojyamānamapi, samayavirodhāditi | dharmaśāstre pratiṣiddhametad, 'na mukhe meheta' iti, asabhyatvācceti | sadbhirgarhitatvādasabhyatvaṃ, tasmādasabhyatvāt, prayokturapyasabhyatvaṃ dṛṣṭa eva doṣaḥ, ayaṃ cāpara ityāha-punarapi hīti | yadi hi kulaṭā''dīnāṃ mukhe jaghanakarma kuryāttadā punarapi jaghanakarmakāle rāgavaśādvadanasya saṃsarge saṃsparśe satyartiṃ pratipadyeta duḥkhamadhigacched, vicalito'smīti, svayameveti | na tatra nāyikā'pi | ### [18.23](https://indike.org/pramana/in.niti.kama.kamasutra-school.vatsyayana!jayamangala.18.23) veśyākāmina iti | kulaṭā''dayo'pi veśyāviśeṣāḥ, tatkāminonāyakasyādoṣo'yamiti, samayavirodhādityayaṃ doṣo na bhavatītyarthaḥ, patnyānāne caupariṣṭikādau doṣaḥ, 'na mukhe meheta' iti, yadāha vasiṣṭhaḥ— 'yastu pāṇigṛhītāyāṃ mukhe maithunamācaret | pitarastasya nāśnanti daśavarṣāṇi pañca ca' || iti, anyato'pi parihārya iti | asabhyatvādvadanasaṃsargācca, asabhyatvamatiścetyayaṃ doṣaḥ parihāryaḥ, guptyā vaktrasaṃrakṣaṇācca, kasya ciddeśapravṛtteradoṣatvādaparihārya ityapiśabdāt | ubhayamapi deśapravṛttyā darśayannāha— ### [18.24](https://indike.org/pramana/in.niti.kama.kamasutra-school.vatsyayana!jayamangala.18.24) tasmāditi | yataścaivaṃ tasmānna saṃsṛjyanta iti saṃbandhaḥ, yāstviti | yā veśyāstvaupariṣṭakamācaranti mukhe jaghanakarma kurvanti, na tābhiḥ saha saṃsṛjyante saṃprayujyante, mā bhūttadvadanasaṃsarga iti, anyābhiradṛṣṭadoṣatvātsaṃsṛjyanta evetyarthoktam, prācyā aṅgātpūrveṇa | ### [18.25](https://indike.org/pramana/in.niti.kama.kamasutra-school.vatsyayana!jayamangala.18.25) āhicchatrikāḥ = ahicchatrabhavāḥ, na saṃsṛjyante, adṛṣṭamaśrutamapyaupariṣṭakaṃ tāsu saṃbhāvyata iti, saṃsṛṣṭā api ta eva kathaṃ cidrāmavaśād, mukhakarma cumbanam | ### [18.26](https://indike.org/pramana/in.niti.kama.kamasutra-school.vatsyayana!jayamangala.18.26) sāketāḥ = āyodhyākāḥ, te nirapekṣāḥ, veśyānāṃ saṃprayoge mukhakarmaṇi ca śaucāśaucavikalpābhāvāt | ### [18.27](https://indike.org/pramana/in.niti.kama.kamasutra-school.vatsyayana!jayamangala.18.27) nāgarakāḥ = pāṭaliputrakāḥ, saṃprayujyante veśyābhiḥ na tu svayaṃ tāsāṃmukhe jaghanakarma kurvanti, mā bhūdvadanasaṃsarga iti, prayojitāstvācaranti vadanasaṃgargavarjam | ### [18.28](https://indike.org/pramana/in.niti.kama.kamasutra-school.vatsyayana!jayamangala.18.28) sarvamiti | saṃprayogamaupariṣṭakaṃ mukhakarma ca, aviśaṅkayeti | sarvaṃ śucītthabhiprāyeṇetyarthaḥ, saurasenāḥ kauśāmbyā dakṣiṇataḥ kūle ye nivasanti | śaṅkāyāṃ hi svabhāryāsvapyanāśvāsatāmeva darśayannāha— ### [18.29](https://indike.org/pramana/in.niti.kama.kamasutra-school.vatsyayana!jayamangala.18.29) evaṃ hyāha— ‘vatsaḥ prassravane medhyaḥ śvā mṛgagrahaṇe śuciḥ | śakuniḥ phalapāte tu strīmukhaṃ ratisaṃgame || iti || evaṃ hīti | śīlaṃ = svabhāvaṃ, śaucam = aśucidravyaviśleṣaṇam , ācāraṃ = trayīkarmānuṣṭhānaṃ, caritraṃ = kulakramā gatāṃ sthitiṃ, pratyayaṃ = viśvāsaṃ, vacanaṃ = valgitakaṃ, kaḥ śraddhātumarhati, paramārthataḥ pratyetuṃ navetyarthaḥ, kuta ityāha-nisargādeveti | ātmalābhādeva nānyasmād, malinadṛṣṭayaḥ = malinabuddhayaḥ, yallokaśāstraviruddhamapyācaranti, na ca parityājyā evaṃbhūtāapi, puruṣārthahetutvāt , tasmādratavidhau smṛtita eva śaucamanveṣṭavyaṃloke smṛteḥ prāmāṇyāt , tāṃ smṛtimāha-evaṃ hīti | āha-smṛtikāraḥ, mukhavarjaṃ gauḥ sarvato medhyetyuktaṃ, prasnavanakāle tu mukhaṃ śuci tatspṛṣṭaṃkṣīramapi, śvapacyucchiṣṭaṃ tyajedityukam, mṛgagrahaṇe phalapātakāle ca mukhasya śucitvānmāṃsaṃ phalaṃ ca śuci, tathā, ratisaṅgame = ratyarthasaṅgame, strīmukhaṃ kṛtaupariṣṭakamanyadvā medhyaṃ, nānyadā sarvāśucinidhānatvāditi, asminsmṛtyarthe sarvatra cumbanaprasaṅga iti | svamataṃ darśayannāha— ### [18.30](https://indike.org/pramana/in.niti.kama.kamasutra-school.vatsyayana!jayamangala.18.30) śiṣṭavipratipatteriti | śiṣṭānāṃ prācyāhicchatrikanāgarakāṇāṃ vipratipattirdṛśyate, yathoktamprāk , tasmādratisaṅgame'pi strīmukhanna medhyaṃ, śiṣṭācārasya prāmāṇyād, yadyevaṃ vigītā smṛtiraprāmāṇikā syād, yathoktam— ‘viruddhā ca vigītā ca dṛṣṭārthā dṛṣṭakāraṇā | smṛtirna śrutimūlā syādyā caiṣā bhavataśrutiḥ’ iti | atrottaramāha-sāvakāśatvāditi | patnīmevādhikṛtyetyuktam— ‘strīmukhaṃ ratisaṅgame’ iti, yadyevaṃ veśyāsu cumbanavikalpānarthakyamityatra pākṣikamabhyanujñānamāha—deśasthiteriti | yo yasmindeśa ācārastadanurūpaṃ pravarttata, deśācārasya tatratyānāṃ prāmāṇyād, vṛttipratyayānurūpamiti | yathā saumanasyaṃ yathā ca viśvāsastathā pravarteta na śāstreṇaiva kevaleneti | idaṃ strīviṣayamasādhāraṇamaupariṣṭikamuktaṃ striyā eva kartṛtvāt , puruṣaviṣayamāha— ### [18.31](https://indike.org/pramana/in.niti.kama.kamasutra-school.vatsyayana!jayamangala.18.31) pramṛṣṭakuṇḍalā iti | ujjvale kuṇḍale yeṣāmiti, nepathyopalakṣaṇaṃgṛhītanepathyā ityarthaḥ, yuvānaḥ prāptarāgatvārtkatuṃ kuśalā naṭasvarūpāḥ, nānye doṣād, yathoktam— 'ajātaśmaśravaśceṭā viśvāsyā mukhakarmaṇi | yojyā gṛhītanepathyā netare śmaśrudoṣataḥ' iti | keṣāṃ ciditi | ye mandarāgā gatavayaso'tivyāyatā ye ca strīṣvalabdhavṛttayaḥ | idamapyasādhāraṇam ekasyaiva kartṛtvāt , dvayoḥ kartṛtve sādhāraṇaṃ, yadāha— ### [18.32](https://indike.org/pramana/in.niti.kama.kamasutra-school.vatsyayana!jayamangala.18.32) tatheti | nāgarakā ye nāgaravṛttāvadhikṛtāḥ, ke ciditi | yoṣāprāyāḥ, hitaiṣiṇaḥ, visraṣṭisukhakāritvād, rūḍhaviśvāsā maitryā, parasparaparigrahamiti | mama tāvatkuru paścāttavāpi kariṣyāmīti, yugapadvā dehavyatyāsena rāgātkālamanapekṣamāṇāviti dvividhaṃ sādhāraṇaṃnāgarakā ityupalakṣaṇaṃ, striyo'pi kurvanti, yathāktam— 'antaḥpuragatāḥ kāścit striyaścāprāptabhāṇḍakāḥ | bhage hyanyonyaviśvāsātkurvanti mukhacāpalam' iti | ### [18.33](https://indike.org/pramana/in.niti.kama.kamasutra-school.vatsyayana!jayamangala.18.33) tathā strīṣviti | yathā striyaḥ puruṣeṣu tathā stroṣu puruṣāḥ paricārakā nāyakā vā ke cidraṃge mukhena karma kurvanti, kileti | saṃbhāvanāyāṃ, tasya ceti | puruṣakartṛkasya, vyāsaḥ prakāraḥ, mukhacumbanavaditi | kanyācumbane nimitādinā, anyatra samādigrahaṇena yo vidhiḥ so'syāpi yathāsambhavaṃ vijñeyaḥ | ### [18.34](https://indike.org/pramana/in.niti.kama.kamasutra-school.vatsyayana!jayamangala.18.34) parivartitadehāviti | pārśvasaṃ Werner pumān striyā ūrvoḥ śiro nidhatte strī ca puṃsa iti yugatsaṃprayujyete, ekasminkāle mukhena parasparopasthendriyagrahaṇāt, kākilaḥ smṛta iti | strī pumāṃśca kāka iva kākaḥ, mukhenāmedhyagrahaṇāt, tau vidyete yasmin, kāma iti | picchādiṣu draṣṭavyaṃ, kakanaṃ vā kāko laulyaṃ, 'kaka laulye' iti dhātupāṭhāt, tadvidyate yayoḥ strīpuṃsayoritīnipratyayaḥ, tau lātyādatta iti | ### [18.35](https://indike.org/pramana/in.niti.kama.kamasutra-school.vatsyayana!jayamangala.18.35) tasmāditi | guṇavataḥ = nāyakaguṇayuktān, caturān = lokayātrākuśalān, tyāginaḥ = dānaśūrān, varān = abhigroupjatādyupetān, khaleṣu = nīceṣu, tāneva darśayati-dāsahastipakādiṣviti | rajyanta iti | svabhāvākhyānam, aśiṣṭadharmācaraṇādvā, teṣu ca raktā aparacaritamapi prakāśayanti | ### [18.36](https://indike.org/pramana/in.niti.kama.kamasutra-school.vatsyayana!jayamangala.18.36) na tvetaditi | naivaṃ veśyābhiḥ kārayedu, brāhmaṇo vidvān, śrutismṛtyarthatattvajñaḥ, mantrī rājadūrdharaḥ prādhānyena yo rājyaṃ saṃvāhayati, samāsānto'trānityatvānna bhavati, anyo vā kaścid gṛhītapratyayoloke viśvāsyaḥ, tāsu kriyamāṇaṃ loke labdhasamākhyānaṃ-gauravaṃ vyāvartayati, ato mā bhūddanasaṃsa্পর্শdoṣaḥ, asabhyatvadoṣastu durnivāronetareṣāmavivakṣitatvāt | raṇasyāpi prayogaprasaṅga ityāha— ### [18.37](https://indike.org/pramana/in.niti.kama.kamasutra-school.vatsyayana!jayamangala.18.37) na śāstramiti | abhidhāyakaṃ śāstramastīti naitāvatprayoge kāraṇaṃ, śāstrārthānvyāpina iti | āliṅganāderarthasya ratyaupayikatvāt, sarvāneva kāmino'dhikṛtya pravṛttatvāt, prayogānekadeśikān, kasya cidevārthasya śiṣṭaiḥ pravartanāt | ayaṃ ca nyāyo'nyatrāpītyāha— ### [18.38](https://indike.org/pramana/in.niti.kama.kamasutra-school.vatsyayana!jayamangala.18.38) rasavīryavipākā iti | raso madhurādiḥ, vīryaṃ sāmarthyam, pāka upayuktasya pariṇāmo madhurādiḥ, śvamāṃsasyāpi kīrtitā iti vyāpitvaṃrasādīnāṃ, kim bhakṣaṇaṃyaṃ vicakṣaṇairityekadeśitvam | yadyevaṃ śiṣṭaparihṛtatvādayahopadeśānarthakyamityāha— ### [18.39](https://indike.org/pramana/in.niti.kama.kamasutra-school.vatsyayana!jayamangala.18.39) santyeveti | santi tādṛśāḥ puruṣā ye śucyaśuciṣu nirvikalpāḥ, deśāstathāvidhā lāṭasindhuviṣayādayaḥ, kālā aupariṣṭakasātmyāḥ, ṛthāyattā yadāyattajīvitādayaḥ, yogā iti | mukhacumbanavadvidhayaḥ | ### [18.40](https://indike.org/pramana/in.niti.kama.kamasutra-school.vatsyayana!jayamangala.18.40) tasmāditi | yataścaivaṃ tasmātsādhāraṇasya vā yathāsvaṃ deśakālau saṃvīkṣya, prayogamupāyaṃ ca prayujyate'neneti, śāstramabhidhāyakam, ātmānaṃ ca, kataranme yuktamiti, na vā prayuñjītobhayamapi vidvān svamātmānaṃsaṃvīkṣya | atha vā nāyaṃ puruṣādiniyama ityāha— ### [18.41](https://indike.org/pramana/in.niti.kama.kamasutra-school.vatsyayana!jayamangala.18.41) iti śrīvātsyāyanīye kāmasūtre sāmprayogike dvitīye'dhikaraṇeaupariṣṭakaṃ navamo'dhyāyaḥ | āditaścaturdaśaḥ | arthasyeti | aupariṣṭakasya rahasi bhavatvāt cittasyāsthiratvāt, viśeṣato rāgasaṃyuktasya, kaḥ kuryād vidvānitaro veti, kadā kiṃmattāvasthāyāmitarasyāṃ veti, kiṃ kuryāt sādhāraṇamasādhāraṇaṃ laukikaṃvā samprayogamiti, kuto hetoḥ kiṃ rāgāddeśapravṛtterveti, ko jñātumarhati naivetyarthaḥ | evamaupariṣṭakāntaṃ ratamuktaṃ, tasyārambhe'vasāne ca kiṃ pratipattavyamiti tadudbhavaṃ ratārambhāvasānikamucyate, tatra yadyapi prītiviśeṣānantaraṃ ratārambhikaṃ yuktaṃ ratāvasānikaṃ cehaiva tathābhūtatvādanuṣṭhānakramasyeti, tathā'pi pratītisambhavādā liṅganādīnāṃ tadabhidhānaṃ tadanantaraṃ ca pratīkanyāyena sarvaśeṣatayā ratārambhaḥ, tatpratibaddhatvāccāvasānikam | tatra pūrvamadhikṛtyāha- ## Linked texts (1) - [Kāmasūtra](https://indike.org/pramana/in.niti.kama.kamasutra-school.vatsyayana.2.8.41) — Vātsyāyana Mallanāga, Sanskrit --- Source: [https://indike.org/pramana/in.niti.kama.kamasutra-school.vatsyayana!jayamangala.18](https://indike.org/pramana/in.niti.kama.kamasutra-school.vatsyayana!jayamangala.18) · Pramāṇa