[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Erotics and the Art of Love](https://indike.org/pramana/in.niti.kama) › [Vātsyāyana's Kāmasūtra and its Tradition](https://indike.org/pramana/in.niti.kama.kamasutra-school) › [Kāmasūtra](https://indike.org/pramana/in.niti.kama.kamasutra-school.vatsyayana) › [Jayamangala](https://indike.org/pramana/in.niti.kama.kamasutra-school.vatsyayana!jayamangala) › 22.4 # Kamasutra 22.4 Jayamaṅgalā 22.4 - **Language:** Sanskrit ### [22.4](https://indike.org/pramana/in.niti.kama.kamasutra-school.vatsyayana!jayamangala.22.4) dhanahīnastvabhijanādiguṇayukto'pi daridraḥ kanyāṃ na labhate, madhyasthaguṇo hīnāpadeśo veti | madhyasthā rūpaśīlādayo guṇāḥ, abhijanaḥ pradhānaṃ tadabhāvāddhīnavyapadeśaḥ, sadhano vā prātiveśya iti| svagṛhasamīpavāsī sīmāsambandhena kalahādijanakatvād dhanagarvātra labhate, mātāpitrorbhrātṛṣu ca satsu, paratantro'nyapradhānaḥ sadhano'pi na labhate, bālavṛttarucitapraveśo veti | yo lāḍīkavad dṛśyate so'niṣiddhagṛhapraveśo'pi paribhavānna labhate, yadi na varayetkathamadhigacchedityāha-bālyāditi | anurañjayed , anuraktā hi svayameva gāndharveṇa vivāhena pāṇiṃ grāhayati, yataḥ ‘svayaṃ saṃyoge gāndharvaḥ’ iti, tasmādanurañjanārthaṃ bālāyāmupakramādanekaprakārā ucyante, yatra ca deśe prāyeṇaivaṃvidhā vṛttistāmadhikṛtyāhatathāyuktaśceti | dhanahīnatvādiyuktaḥ, dakṣiṇāpatha iti | tatra hi mātuladuhitā pariṇīyate, viyuktaḥ pitrormṛtatvātparibhūtakalpo mātulakulagataḥ, anyasmai vā pūrvadattāmadattāṃ vā, anyāmapi bāhyāmiti | yā mātuladuhitā na bhavati pitroḥ sambandhabāhyā tāmapi spṛhayet, tatra kartuḥ kriyayā''ptumiṣṭatamatvena vivakṣitatvātkarmatvam , anenānyasminnapi deśe vidhirayamiti darśayati, bālyātprabhṛ ti sati dharmādhigame bālāyāṃ dharmārthamadhigame sandarśanālāpalakṣaṇe sati saṃvananaṃ vaśīkaraṇamanurañjanalakṣaṇaṃślāghyam , anyathā darśanātkathaṃ saṃvananaṃ syād, dharmyaśca gāndharvovivāhaḥ, yathoktaṃ—‘tatra pūrve dharmyāścatvāraḥ, ṣaḍityeke’ | - [Previous: 22.p1](https://indike.org/pramana/in.niti.kama.kamasutra-school.vatsyayana!jayamangala.22.p1) - [Next: 22.5](https://indike.org/pramana/in.niti.kama.kamasutra-school.vatsyayana!jayamangala.22.5) - [Up: 22](https://indike.org/pramana/in.niti.kama.kamasutra-school.vatsyayana!jayamangala.22) ## Linked texts (1) - [Kāmasūtra](https://indike.org/pramana/in.niti.kama.kamasutra-school.vatsyayana.3.3.4) — Vātsyāyana Mallanāga, Sanskrit --- Source: [https://indike.org/pramana/in.niti.kama.kamasutra-school.vatsyayana!jayamangala.22.4](https://indike.org/pramana/in.niti.kama.kamasutra-school.vatsyayana!jayamangala.22.4) · Pramāṇa