[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Erotics and the Art of Love](https://indike.org/pramana/in.niti.kama) › [Vātsyāyana's Kāmasūtra and its Tradition](https://indike.org/pramana/in.niti.kama.kamasutra-school) › [Kāmasūtra](https://indike.org/pramana/in.niti.kama.kamasutra-school.vatsyayana) › [Jayamangala](https://indike.org/pramana/in.niti.kama.kamasutra-school.vatsyayana!jayamangala) › 26 # Kamasutra 26 Jayamaṅgalā 26 - **Language:** Sanskrit ### [26.1](https://indike.org/pramana/in.niti.kama.kamasutra-school.vatsyayana!jayamangala.26.1) jāḍyeti | jāḍyāta=śāṭhyād, dauḥśīlyād=cāritrakhaṇḍanāt, prajā'nutpatterbandhyatvād, ābhīkṣṇyeneti | paunaḥpunyena duhiturutpādādityetāni strīgatāni kāraṇāni, nāyakacāplāditi| nāyakasyendriyalaulyāt , sapatnyadhivedanaṃ sapatnīlābhaḥ | ### [26.2](https://indike.org/pramana/in.niti.kama.kamasutra-school.vatsyayana!jayamangala.26.2) taditi | tasmādādita evādāveva yadvaḍhoḍhā bhaktiśīlavaidagdhyakhyāpanena yathākramaṃ jāḍyāditrayaṃ parihartumicched, nāyakacāpala vaidagdhyakhyāpanenaiva | ### [26.3](https://indike.org/pramana/in.niti.kama.kamasutra-school.vatsyayana!jayamangala.26.3) prajā'nutpattau svayamevānyathā tena kartavyameva, sāpatnye codayet, kuru vivāhamiti, dārikotpattāvapyayameva kramaḥ, strīparigrahasya putraphalakatvāt | ### [26.4](https://indike.org/pramana/in.niti.kama.kamasutra-school.vatsyayana!jayamangala.26.4) adhividyamāneti | sāpatnye yujyamānā na tvadhivinnā, yāvacchaktīti | yāvatī śaktistadapekṣayā''tmanaḥ sthitiṃ kārayed, adhikatveneti | sapatnyāḥ sakāśādādhikyenetyarthaḥ | adhivinnā tu kiṃ kuryādityāha- ### [26.5](https://indike.org/pramana/in.niti.kama.kamasutra-school.vatsyayana!jayamangala.26.5) āgatāmiti | sapatnīṃ bhaginikāvat kanīyasīmiva bhaginīm, alpe kan | ### [26.6](https://indike.org/pramana/in.niti.kama.kamasutra-school.vatsyayana!jayamangala.26.6) nāyakaviditamiti | yathā nāyako jānātyanayā kāritamiti, prādoṣikaṃ pradoṣabhavaṃ saṃskāram, atiyatnādanicchantyā api tasyāḥ snehakhyāpanārthaṃ paricārikayā kārayet | ### [26.8](https://indike.org/pramana/in.niti.kama.kamasutra-school.vatsyayana!jayamangala.26.8) bhartarīti | bhartṛviṣaye pramādyantīṃ pramādaṃ yāntīmupekṣeta, anenava skhalitadoṣeṇa daurbhāgyaṃ syāditi | ### [26.9](https://indike.org/pramana/in.niti.kama.kamasutra-school.vatsyayana!jayamangala.26.9) yatreti | yasminpramāde manyeta, nāyakasaṃbhogārthamiyaṃ kṛtvā sapatnī svayameva pratipatsyate pramādo mā bhūditi, tatraināṃ snehakhyāpanārthamādarato'nuśiṣyātpunarmā kārṣīriti | ### [26.10](https://indike.org/pramana/in.niti.kama.kamasutra-school.vatsyayana!jayamangala.26.10) nāyakasaṃśrave ceti | nāyakasya śrutigocare sati, rahasi ca yatrānyona śṛṇoti, viśeṣāniti | kalāviśeṣān, adhikāniti | ye nāyakasya na darśitāḥ, taddarśane hyubhāvapi snihyataḥ | ### [26.11](https://indike.org/pramana/in.niti.kama.kamasutra-school.vatsyayana!jayamangala.26.11) tadapatyeṣviti | aputrayā saputrāyā darśayitavyaḥ | ### [26.12](https://indike.org/pramana/in.niti.kama.kamasutra-school.vatsyayana!jayamangala.26.12) parijanavarga iti | sapatnyāḥ, adhikānukampā yadyasau nāyakasyāpyabhimataḥ | ### [26.13](https://indike.org/pramana/in.niti.kama.kamasutra-school.vatsyayana!jayamangala.26.13) mitravarga iti | tasyā vivāhakāle yo mitravargastasminprītiḥ svīkārārtham | ### [26.14](https://indike.org/pramana/in.niti.kama.kamasutra-school.vatsyayana!jayamangala.26.14) ātmano jñātiṣu nātyādaro vacanīyatāparihārārtham | ### [26.15](https://indike.org/pramana/in.niti.kama.kamasutra-school.vatsyayana!jayamangala.26.15) tajjñātiṣviti | sapatnījñātiṣvatisaṃbhramo'tyādaraḥ snehakhyāpanārtham | ### [26.16](https://indike.org/pramana/in.niti.kama.kamasutra-school.vatsyayana!jayamangala.26.16) bahvībhistvadhivinnā, sapatnībhiravyavahitayā'nantarayā kanīyasyā saṃsṛjyeta viditaśīlatvāt | ### [26.17](https://indike.org/pramana/in.niti.kama.kamasutra-school.vatsyayana!jayamangala.26.17) yāṃ tviti | sapatnīṃ, tāsu bahvīṣu nāyako'dhikāṃ snehamānābhyāṃ cikīrṣetkartumicched, bhūtapūrvasubhagayeti | nāyakasya prāktanyā subhagayā, protsāhya tāmeva saubhāgyabījopanyāsena ca tayaiva kalahayet | ### [26.18](https://indike.org/pramana/in.niti.kama.kamasutra-school.vatsyayana!jayamangala.26.18) tata iti | uttarakālamanukampeta kalahitāṃ pracchanne samāśvāsayetkalahabhañjanārtham | ### [26.19](https://indike.org/pramana/in.niti.kama.kamasutra-school.vatsyayana!jayamangala.26.19) tābhirekatveneti | sapatnībhiranyābhirekatvenetyaikyena saṃhatidharmeṇa sthitābhirityarthaḥ, ekībhāve'pi saiva saubhāgyabījopanyāsahetuṃ nāyakasyāgrato durjanīkuryād, yena nāyakasya tasyāṃ na sadbuddhiḥ syād, duṣṭohi bahubhiḥ sakalaiśrcāhriyamāṇaḥ, tatrāpi svayamavivadamānā madhyasthā satī, naitatkṛtaḥ prayoga iti khyāpanārtham | ### [26.20](https://indike.org/pramana/in.niti.kama.kamasutra-school.vatsyayana!jayamangala.26.20) nāyakena tu kalahitāmenāṃ, daurjanyopanyāsena, pakṣapātāvalambanoṣabṛṃhitāmiti | tatparigraheṇopagṛhītāṃ dāpitapratyuttarāmāśvāsayet | ### [26.21](https://indike.org/pramana/in.niti.kama.kamasutra-school.vatsyayana!jayamangala.26.21) nāyakena saha, yatnasya tadarthatvāt | ### [26.22](https://indike.org/pramana/in.niti.kama.kamasutra-school.vatsyayana!jayamangala.26.22) bhidyamānaṃ tūpalabhya, kalahaṃ saṃdhukṣayedyathā na mandībhavati | ### [26.23](https://indike.org/pramana/in.niti.kama.kamasutra-school.vatsyayana!jayamangala.26.23) svayaṃ vā saṃdhau prayateta, yadyayamekāntenāsyāṃ niranunayastadā tiṣṭhatvasmadvidhaiva maināmavamanyasveti prasādayet | iti jyeṣṭhāvṛttaṃ catustriṃśaṃ prakaraṇam | kaniṣṭhā'pi bhāryā kathaṃ varteteti ? kaniṣṭhāvṛttamucyate - ### [26.24](https://indike.org/pramana/in.niti.kama.kamasutra-school.vatsyayana!jayamangala.26.24) kaniṣṭhā tviti | mātṛvanmātaramiva jyeṣṭhāṃm | ### [26.25](https://indike.org/pramana/in.niti.kama.kamasutra-school.vatsyayana!jayamangala.26.25) jñātidāyamiti | pitṛbhyāṃ dattam, bharttṛdattamityapiśabdād , aviditaṃ nopayuñjīta, aṅgīrpaṇopāya eṣaḥ | ### [26.26](https://indike.org/pramana/in.niti.kama.kamasutra-school.vatsyayana!jayamangala.26.26) ātmavṛttāntāniti | ātmani pratibaddhān vyavahārān, tadadhiṣṭhitān jyeṣṭhasvāmikān | ### [26.27](https://indike.org/pramana/in.niti.kama.kamasutra-school.vatsyayana!jayamangala.26.27) anujñātā jyeṣṭhayā, kramaprāpte'dhiśayane patimadhiśayīta, ‘adhiśīṅsthā''sāṃ karma’ iti karmasaṃjñā | ### [26.28](https://indike.org/pramana/in.niti.kama.kamasutra-school.vatsyayana!jayamangala.26.28) tasyā vacanaṃ jyeṣṭhāvacanaṃ sadasadvā'nyasyā agre na kathayet, kalahaparihārārtham | ### [26.29](https://indike.org/pramana/in.niti.kama.kamasutra-school.vatsyayana!jayamangala.26.29) tadapatyāni jyeṣṭhāpatyāni jyeṣṭhānyajyeṣṭhāni ca, svebhyo'patyebhyo'dhikaṃ paśyet | ### [26.30](https://indike.org/pramana/in.niti.kama.kamasutra-school.vatsyayana!jayamangala.26.30) rahasi śayane, adhikamupacaredyenāyamanthābhyastasyāmanurajyeta | ### [26.31](https://indike.org/pramana/in.niti.kama.kamasutra-school.vatsyayana!jayamangala.26.31) sapatnīviprakārajaṃ sapatnīparibhavajaṃ, nātmanā parasyācakṣīta, svayaṃ kathyamānaṃ nāyako na pratīyād , anyena tu kathayet | ### [26.32](https://indike.org/pramana/in.niti.kama.kamasutra-school.vatsyayana!jayamangala.26.32) patyuḥ saviśeṣakamiti | anyatarabhāryābhyo vaiśeṣikīṃ pūjāṃ patyuḥ sakāśādaprakaṭaṃ labdhumicchet | ### [26.33](https://indike.org/pramana/in.niti.kama.kamasutra-school.vatsyayana!jayamangala.26.33) aneneti | saviśeṣeṇa mānena pathyadānena śambalabhūtena jīvāmi sapatnīvāgurāyāmiti brūyāt | ### [26.34](https://indike.org/pramana/in.niti.kama.kamasutra-school.vatsyayana!jayamangala.26.34) tanmānaṃ, ślāghayā vikatthanena, rāgeṇa veti | sapatnīkrodhena, bahiḥsāmānyajanasya nācakṣīta | doṣamāha-- ### [26.35](https://indike.org/pramana/in.niti.kama.kamasutra-school.vatsyayana!jayamangala.26.35) bhinnarahasyā hīti | avajñāṃ tiraskāram | ### [26.36](https://indike.org/pramana/in.niti.kama.kamasutra-school.vatsyayana!jayamangala.26.36) jyeṣṭhābhayāditi | anyathā saviśeṣaṃ mānaṃ paśyantī kupyedanarthaṃ vā cintayed, gonardīyamatamanumatamapratiṣiddhatvāt | ### [26.37](https://indike.org/pramana/in.niti.kama.kamasutra-school.vatsyayana!jayamangala.26.37) jyeṣṭhāmanukampeta naikāntenābhibhavet, tathābhūtāyā niṣpratyādhāratvād, nāyakena cānukampayetsambhāṣaṇaṃ kriyatāmiti, ātmasādhutva khyāpanārtham | ### [26.38](https://indike.org/pramana/in.niti.kama.kamasutra-school.vatsyayana!jayamangala.26.38) enāmiti | durbhagāmanapatyāṃ jyeṣṭhāmākramya, jyeṣṭhākaniṣṭhayormadhyavartinīnāṃ pūrvāparāpekṣayā jyeṣṭhākaniṣṭhāvṛttaṃ yojyam | iti kaniṣṭhāvṛttaṃ pañcatriṃśaṃ prakaraṇam | yathā kanyā bhāryā tathā punarbhūiriti punarbhūvṛttamucyate, punarbhūirdvividhākṣatayonirakṣatayoniśca, tatrāntya saṃskārārhatvātkanyāyāmevāntarbhūtā, yathoktam— 'punarakṣatayonistvāduhyate yā yathāvidhi' iti | dvitīyāyā na saṃskāraḥ, svīkāra eva kevalaṃ, sā ca loke'varuddhetyucyate, sā caivaṃ vidhā śāstre'nujñātaiva, yathā''ha vasiṣṭhaḥ— 'manodattā vacodattā yā ca maṅgalavācikā | udakasparśitā caiva yā ca pāṇigṛhītikā || agniṃ parigatā caiva punarbhūḥ prasravā ca yā' iti | atra pūrvāḥ ṣaḍakṣatayonayaḥ, prasraveti | kṣatayonirityarthaḥ | tāmevādhikṛtya vṛttamāha— ### [26.39](https://indike.org/pramana/in.niti.kama.kamasutra-school.vatsyayana!jayamangala.26.39) vidhaveti | mṛtabhartṛkā, indriyadaurbalyāditi | indriyāṇi niyantumasamarthatvād, āturā kāmena bādhyamānā, bhoginamiti | upabhogasampannaṃ,guṇasampannamiti | nāyakaguṇairyuktaṃ, yā punarvinded dvitīyaṃ patiṃ labheta, sā punarbhūbhāryātvena punarbhavatīti kṛtvā; bhoginaṃ guṇasampannamiti, gonardīyamatametadbhaviṣyati | ### [26.40](https://indike.org/pramana/in.niti.kama.kamasutra-school.vatsyayana!jayamangala.26.40) yatastviti | bhartṛgṛhādāturā svecchayā niṣkrāntā, punarapi yataḥ puruṣātsvecchayā niṣkramaṇaṃ syād, nirguṇo'yamiti, niṣkramaṇopāyānnirguṇamapi bhoginamākāṅkṣeta | ### [26.41](https://indike.org/pramana/in.niti.kama.kamasutra-school.vatsyayana!jayamangala.26.41) saukhyārthinī = viṣayaparibhogārthinī, kileti vitarke | ### [26.42](https://indike.org/pramana/in.niti.kama.kamasutra-school.vatsyayana!jayamangala.26.42) sukhasākalyamiti | guṇasurataparibhogasukhayoḥ samavāyāt, tatkimiti niṣkrāmati, yataścaivaṃ tasmāttato nirguṇabhogino viśiṣyate guṇavānbhogī, yā tu punaḥ punarniṣkrāmatyasau veśyāviśeṣe'ntarbhavati | ### [26.43](https://indike.org/pramana/in.niti.kama.kamasutra-school.vatsyayana!jayamangala.26.43) ātmanaścittānukūlyāditi | satyapi guṇavati bhogini cittaṃ cennānukūlaṃ tathā'pi na sukhasākalyaṃ, tasmādayamaparo viśeṣaḥ, tenoktalakṣaṇādgamyo'nya iti darśayati | ### [26.44](https://indike.org/pramana/in.niti.kama.kamasutra-school.vatsyayana!jayamangala.26.44) seti | vidhavā vindamānā, bāndhavaiḥ svaiḥ, nāyakādyatkarmaṇā labdhumicchettatrāpānakaṃ madyagoṣṭhī, udyāna = puṣpaphalaupayikaṃ, śraddhādānaṃ yacchraddhayā dīyate, mitrapūjanādīti | ādiśabdātsvajanaṃ ca vastrādinā, eteṣu kartavyeṣu yadyayaṃ sahate karma na tu grāsācchādanamātramiti, iyamuttamaprakṛterlipsā | ### [26.45](https://indike.org/pramana/in.niti.kama.kamasutra-school.vatsyayana!jayamangala.26.45) ātmanaḥ sāreṇa veti | madhyamādhamaprakṛterlabdhe karmaṇi vyāpāramāha-alaṅkāramiti | tadīyaṃ nāyakasambandhinaṃ, sāvadhānībhūya dhārayedityarthaḥ | ### [26.46](https://indike.org/pramana/in.niti.kama.kamasutra-school.vatsyayana!jayamangala.26.46) prītidāyeṣviti | prītyā datteṣvaniyamo dhāraṇaṃ prati | ### [26.47](https://indike.org/pramana/in.niti.kama.kamasutra-school.vatsyayana!jayamangala.26.47) svecchayā ceti | na tu nāyakadoṣāttena gṛhānnirgacchantī prītidāyādanyannāyakadattaṃ lohakṣuraṃ dīyeta dāpyeta | ### [26.48](https://indike.org/pramana/in.niti.kama.kamasutra-school.vatsyayana!jayamangala.26.48) seti | jigamiṣuḥ, prabhaviṣṇuriva svāminīva nāyakagṛhaṃ svīkuryāt| tāvantamapi kālaṃ nijāsu kiṃ kuryādityāha— ### [26.49](https://indike.org/pramana/in.niti.kama.kamasutra-school.vatsyayana!jayamangala.26.49) kulajāsviti | dharmoḍhāsu, prītyā = snehena | ### [26.50](https://indike.org/pramana/in.niti.kama.kamasutra-school.vatsyayana!jayamangala.26.50) parijane sarvatra kulajānāṃ nāyakasya dākṣiṇyena varteta, saparihāsā savikārā | ### [26.51](https://indike.org/pramana/in.niti.kama.kamasutra-school.vatsyayana!jayamangala.26.51) kalāsu kauśalaṃ darśanīyamadhikasya nāyakāviditasya jñānaṃ darśayitavyam | ### [26.52](https://indike.org/pramana/in.niti.kama.kamasutra-school.vatsyayana!jayamangala.26.52) kalahasthāneṣviti | ucitavicchedaḥ svairiṇīsaṃsargo'cirāttatra gamanaṃvāsakānniṣkramaṇaṃ cetyasyāḥ kalahasthānāni, teṣu svayamupālabheta| ### [26.53](https://indike.org/pramana/in.niti.kama.kamasutra-school.vatsyayana!jayamangala.26.53) rahasi ceti | nāyakaṃ śayanāgataṃ, kalayeti | āliṅganādibhiḥ puruṣopasṛptāntaiḥ | ### [26.54](https://indike.org/pramana/in.niti.kama.kamasutra-school.vatsyayana!jayamangala.26.54) sapatnīnāṃ kulajānām, upakuryādutpanne prayojane | ### [26.55](https://indike.org/pramana/in.niti.kama.kamasutra-school.vatsyayana!jayamangala.26.55) ābharaṇaṃ maṇḍanakādi | ### [26.56](https://indike.org/pramana/in.niti.kama.kamasutra-school.vatsyayana!jayamangala.26.56) svāmivadupacārasteṣāṃ kulasaṃtatihetutvād | ### [26.57](https://indike.org/pramana/in.niti.kama.kamasutra-school.vatsyayana!jayamangala.26.57) maṇḍanakāni puṣpānulepanādīni | ### [26.58](https://indike.org/pramana/in.niti.kama.kamasutra-school.vatsyayana!jayamangala.26.58) parijana iti | ātmīye, viśrāṇanamiti | dānam | ### [26.59](https://indike.org/pramana/in.niti.kama.kamasutra-school.vatsyayana!jayamangala.26.59) samājeti | goṣṭhīśīlatā, āpānaśīlatā, udyānavihāraśīlatā, yātrāvihāraśīlatā ceti | āsāṃ bhāryāṇāṃ durbhagā'pi kā citsaṃbhavati, tayā kathaṃ vartitavyamiti durbhagāvṛttamucyate— ### [26.60](https://indike.org/pramana/in.niti.kama.kamasutra-school.vatsyayana!jayamangala.26.60) durbhagā tviti | sāpatnyapīḍiteti | daurbhāgyaphalaṃ, tāsāmiti | sapatnīnāṃ madhye yā patyāvupacared , adhikamiveti | nāyakenādhikṛtena yā tvadhikā sapatnyupacitā tāṃ sutarāmevāśrayet | ### [26.61](https://indike.org/pramana/in.niti.kama.kamasutra-school.vatsyayana!jayamangala.26.61) tāmāśritya prakāśyāni kalāvijñānāni patracchedyādikauśalāni darśayet | ### [26.62](https://indike.org/pramana/in.niti.kama.kamasutra-school.vatsyayana!jayamangala.26.62) daurbhāgyādrahasyānāmabhāvaḥ, vaidagdhyakhyāpanaṃ hi daurbhāgyanivṛttikāraṇam | ### [26.63](https://indike.org/pramana/in.niti.kama.kamasutra-school.vatsyayana!jayamangala.26.63) dhātrīkarmāṇyabhyañjanodvartanasnapanādīni | ### [26.64](https://indike.org/pramana/in.niti.kama.kamasutra-school.vatsyayana!jayamangala.26.64) tanmitrāṇi ceti | nāyakamitrāṇi ca, upagṛhya priyahitābhyāṃ, tairiti | upagṛhītairbhaktimātmanaḥ śrāvayecchāṭhyakhyāpanārtham | ### [26.65](https://indike.org/pramana/in.niti.kama.kamasutra-school.vatsyayana!jayamangala.26.65) dharmakṛtyeṣu = śrāddhādiṣu, puraścāriṇī = prārambhikā, syād, vratopavāsayośca nāyakena kriyamāṇayoḥ puraścāriṇī | ### [26.66](https://indike.org/pramana/in.niti.kama.kamasutra-school.vatsyayana!jayamangala.26.66) parijane nāyakasya, dākṣiṇyamānukūlyaṃ darśayitavyaṃ , na cādhikamātmānaṃ paśyetsapatnībhyaḥ parijanebhyaśca daurbhāgyahetutvāt | iti bāhyametad vṛttam || ābhyantaramāha— ### [26.67](https://indike.org/pramana/in.niti.kama.kamasutra-school.vatsyayana!jayamangala.26.67) śayana iti | tatsātmyeneti | nāyakānukūlyena, yathaiva nāyako'bhiyuṅkte, tathaivānicchantyapyātmano'nurāgamātṛpti pratyāyayet | ### [26.68](https://indike.org/pramana/in.niti.kama.kamasutra-school.vatsyayana!jayamangala.26.68) na copālabheteti | tavāhampriyeti, vāmatāṃ prātikūlyamaṅgagūhanena na darśayet | ### [26.69](https://indike.org/pramana/in.niti.kama.kamasutra-school.vatsyayana!jayamangala.26.69) yayā ca sapatnyā kalahitaḥ syāttāmāvartayedabhimukhīkuryāt, kāmamiti | abhyupagame, anenāpi prakāreṇa mamābhimukhaḥ syāditi | ### [26.70](https://indike.org/pramana/in.niti.kama.kamasutra-school.vatsyayana!jayamangala.26.70) yāṃ pracchannāṃ parastriyaṃ kāmayedanena dūtīkarmaṇā tāṃ saṃgamayet, kāmamityeva, marmāṇi cāsya śayanagatā'vabudhyeta, marmajñatayā ca vidheyaḥsyāditi, gopayeccetarasmai nācakṣīta | jitakrodheti | śāstrārthānuṣṭhānakaraṇādu, yathāśāstrapravartinīti | yadyasyāḥ śāstramekacāriṇījyeṣṭhā''divṛttaṃ, sapatnīścādhitiṣṭhatīti | sapatnīnāmupari sthitiṃ labhata iti, ‘adhiśīṅasthā''sāṃ karma’ iti karmasaṃjñā | iti śrīvātsyāyanīyakāmasūtraṭīkāyāṃ yaśodhararacitāyāṃ jayamaṅgalā''khyāyāṃ bhāryā'dhikārike caturthe'dhikaraṇe sapatnīṣu jyeṣṭhāvṛttaṃ kaniṣṭhāvṛttaṃ punarbhūvṛttaṃmāntaḥpurikaṃ puruṣasya bahvīṣu pratipattirdvitīyo'dhyāyaḥ | kanyāpunarbhūnāyikayoḥ samāgamopāyaḥ saviśeṣa uktaḥ,tatra veśyāyāḥkāma eva, paradārebhyo'rthakāmāviti, tatsamāgamopāyadarśanārthaṃ vaiśikātprākpāradārikamucyate, tatra strīpuṃsayoḥ śīlamanavasthāpyottaravyāpārāsaṃbhavātstrīpuruṣaśīlāvasthāpanamucyate, paraparigṛhītāsu kāmaḥ pratiṣiddhaiti cedāha— ### [26.71](https://indike.org/pramana/in.niti.kama.kamasutra-school.vatsyayana!jayamangala.26.71) iti durbhagāvṛtam pratividadhyādanutiṣṭhed, jāḍyadauḥśīlyayoḥ prāyeṇa daurbhāgyahetutvāt | iti durbhagāvṛttaṃ saptatriṃśaṃ prakaraṇam || yathā bhāryāyā adhikāro bhāryā'dhikārastathā bhāryāyāṃ nāyakasyāpīti, saptamīsamāso'pi draṣṭavyaḥ, anyathā nāyakena saṅgatā'pyanuvarti tā na samprayujyate, tatra nāyako dvividhaḥ-rājā jānapadaśca, tatra pūrvaṃmadhikṛtyāntaḥpurikamucyate, antaḥpure bhavaṃ vṛttamāntaḥpurikam, 'ropadhetòḥ prācām' iti vuñ, nanu ca yathā rājño vṛttaṃ tathā'ntaḥpurāṇāmapi vaktavyamityāha- ### [26.72](https://indike.org/pramana/in.niti.kama.kamasutra-school.vatsyayana!jayamangala.26.72) antaḥpurāṇāṃ ceti | tatsthastrīṇāmevābhidhānam, eteṣveva prakaraṇeṣu lakṣayet, tatrāpyekacāriṇījyeṣṭhā''dayaḥ santīti pṛthaṅnoktam | rājñastu pṛthagucyate- ### [26.73](https://indike.org/pramana/in.niti.kama.kamasutra-school.vatsyayana!jayamangala.26.73) āsāmiti | āntaḥpurikāṇāṃ, vāsāṃsi ca yathāsambhavaṃ gṛhītvā, kañcukīyā mahattārakā vā rājño nivedayeyuḥ, devībhiḥ prahitamiti | ### [26.74](https://indike.org/pramana/in.niti.kama.kamasutra-school.vatsyayana!jayamangala.26.74) tadādāyeti | mālyādikaṃ gṛhītvā rājā nirmālyakaṃ svadehādavatāritaṃ pratiprābhṛtakaṃ pratikauśalikaṃ dadyādanurāgarakhyāpanārtham | ### [26.75](https://indike.org/pramana/in.niti.kama.kamasutra-school.vatsyayana!jayamangala.26.75) alaṃkṛtaśceti | gṛhītanepathyo rājā, aikadhyeneti | ekadhāśabdādbhāve dhyamuñ, ekībhūtānityarthaḥ, na tu pṛthak pṛthak, tulyavṛttatvakhyāpanārtham | ### [26.76](https://indike.org/pramana/in.niti.kama.kamasutra-school.vatsyayana!jayamangala.26.76) yathākālamiti | yadyasmin kāle yujyate, yathā'rhaṃ ceti | yadyasyāḥ kulavayo'pekṣayā, sthānaṃ = niyogo, mānaḥ = pūjā, ābhyāmanuvṛttiḥ kāryā, saparihāsāḥ saślathāśāḥ kathāḥ, pariṇītāsvidaṃ vṛttam | ### [26.77](https://indike.org/pramana/in.niti.kama.kamasutra-school.vatsyayana!jayamangala.26.77) tadanantaramiti | pariṇītādarśanānantaram , punarbhūvastathaiva paśyedaikadhyena, tathā sthānamānānuvṛttibhiśca | ### [26.78](https://indike.org/pramana/in.niti.kama.kamasutra-school.vatsyayana!jayamangala.26.78) ābhyantarikāḥ = āntaḥpurikāḥ, nāṭakīyāśca = nāṭakahitāśca, tathaiva paśyedeva | ### [26.79](https://indike.org/pramana/in.niti.kama.kamasutra-school.vatsyayana!jayamangala.26.79) tāsāmiti | punarvādīnāṃ, yathoktakakṣāṇīti | madhye devānāṃ sthānaṃ, tato bahiḥkakṣe punarbhūvāṃ, tato bahirveśyānāṃ; tato'pi nāṭakīyānāmiti | ### [26.80](https://indike.org/pramana/in.niti.kama.kamasutra-school.vatsyayana!jayamangala.26.80) vāsakaṃ pālayanti yā mahattarikā rājaniyuktāstā rājño nivedayeyuriti sambandhaḥ, yasyā vāsakramaḥ prāptaḥ, yasyāścātīto vyasanotsavābhyāmantaritaḥ, ṛtuśca yasyāḥ pratyupasthitaḥ, tatparicārikā'nugatā iti | tisṛṇāmapi devyādīnāṃ yāḥ paricārikāstābhiranugatā vāsakapālyodivā śayyotthitasya bhuktvā śayitotthitasya, tābhiriti | yasyā vāsakramo'tīto yasyāśca varttamāno yasyāśca ṛtuḥ, aṅgulīyakamiti| mudri- ### [26.81](https://indike.org/pramana/in.niti.kama.kamasutra-school.vatsyayana!jayamangala.26.81) tatreti | nivedite, yad gṛhṇīyāditi | yadīyamaṅgulīyakam | ### [26.82](https://indike.org/pramana/in.niti.kama.kamasutra-school.vatsyayana!jayamangala.26.82) anurūpeṇa pūjeti | kulavayo'nurūpā, āpānakaṃ ca tābhiḥ saha | ### [26.83](https://indike.org/pramana/in.niti.kama.kamasutra-school.vatsyayana!jayamangala.26.83) apraveśa iti | saṃgītakavyagreṣu tadveśadhāriṇāṃ nāgarikāṇāmapi praveśaḥ saṃbhāvyate, viditaśaucābhya iti | tā hyupadhāśuddhatvānnānyatprayojayanti | ### [26.84](https://indike.org/pramana/in.niti.kama.kamasutra-school.vatsyayana!jayamangala.26.84) aparikliṣṭaśca karmayoga iti | ratopacāre'kadarthitaḥ syāt, kadarthite ca tasminnakāryamapi kuryuḥ | ityāntaḥpurikamaṣṭatriṃśaṃ prakaraṇam || yathā rājño bahvyaḥ striyastathā jānapadasyāpi bhavantīti jānapadasya bahvīṣu pratipattirucyate, tatra sāmānyamāha— bhavanti cātra ślokāḥ— ### [26.85](https://indike.org/pramana/in.niti.kama.kamasutra-school.vatsyayana!jayamangala.26.85) puruṣastviti | samo bhavediti | naikatra snehena varteta, na cāvajñāṃ carediti | guṇarūparahitāsvapi tiraskāraṃ na kuryāt, vyalīkānaparādhānna saheta, anyathā kṣānteṣu punaḥ punarviśeṣataḥ kuryuḥ | ### [26.86](https://indike.org/pramana/in.niti.kama.kamasutra-school.vatsyayana!jayamangala.26.86) ekasyāmiti | yā citraratenānyena vā krīḍā ratānugatā, anyā vā, vaikṛtaṃ guhyagataṃ, viśrambhādvāpālambhayuktaṃ vāsakasaṃjñāmanubandhayitum , anyāsa na kīrtayediti | strīṇāṃ vairāgyahetutvāt | ### [26.87](https://indike.org/pramana/in.niti.kama.kamasutra-school.vatsyayana!jayamangala.26.87) prasaraṃ na dadyātkalahaparihārārthaṃ, sapatnyāḥ kāraṇa iti | sāpatnyasaṃbandhini satyapi nimitte, tathā tenaiva prakāreṇa niṣprasaratayopālabhamānāṃ yuktamevopekṣitamiti, doṣaistāmeva yojayettathaiṣa doṣo na tasyā iti | ### [26.88](https://indike.org/pramana/in.niti.kama.kamasutra-school.vatsyayana!jayamangala.26.88) rahasi visrambhairviśvāsairyā lajjāvatī, pratyakṣapūjanaryā sapatnīṣu bhaktimicchati, bahumānairyā manasvinī | ### [26.89](https://indike.org/pramana/in.niti.kama.kamasutra-school.vatsyayana!jayamangala.26.89) udyānagamanairyā tacchīlā, bhogairyā paribhogalālasā, tajjñātipūjanaryā jñātiṣu kartavyabuddhiḥ, rahasyai rahasi bhavaiḥ, prītiyogaiḥ prītyarthairyaugaiḥkāryā ratikriyā | adhikaraṇārthānuṣṭhāne phalamāha— ## Linked texts (1) - [Kāmasūtra](https://indike.org/pramana/in.niti.kama.kamasutra-school.vatsyayana.4.2.1) — Vātsyāyana Mallanāga, Sanskrit --- Source: [https://indike.org/pramana/in.niti.kama.kamasutra-school.vatsyayana!jayamangala.26](https://indike.org/pramana/in.niti.kama.kamasutra-school.vatsyayana!jayamangala.26) · Pramāṇa