[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Erotics and the Art of Love](https://indike.org/pramana/in.niti.kama) › [Vātsyāyana's Kāmasūtra and its Tradition](https://indike.org/pramana/in.niti.kama.kamasutra-school) › [Kāmasūtra](https://indike.org/pramana/in.niti.kama.kamasutra-school.vatsyayana) › [Jayamangala](https://indike.org/pramana/in.niti.kama.kamasutra-school.vatsyayana!jayamangala) › 30 # Kamasutra 30 Jayamaṅgalā 30 - **Language:** Sanskrit ### [30.17](https://indike.org/pramana/in.niti.kama.kamasutra-school.vatsyayana!jayamangala.30.17) kṛtaparicayāmiti | kanyāmiveti | tasyā api darśiteṅgitākārāyāevābhiyoga upāyat ityupāyā abhiyogāḥ, abhiyujyanta ebhiriti kṛtvā ta evātrāpi draṣṭavyāḥ ye kanyāsaṃprayuktake'bhihitāḥ | viśeṣamāha— ### [30.18](https://indike.org/pramana/in.niti.kama.kamasutra-school.vatsyayana!jayamangala.30.18) prāyeṇeti | tatreti | kanyāyāṃ, sūkṣmā ityanabhivyaktabhāvāḥ, asamprayuktatvādavyutpannatvādityarthaḥ | ### [30.19](https://indike.org/pramana/in.niti.kama.kamasutra-school.vatsyayana!jayamangala.30.19) itarāsu tu parastrīṣu, tāneva ye kanyāsūktāḥ, sphuṭamiti | kriyāviśeṣaṇam , abhivyaktabhāvaṃ prayuñjītetyarthaḥ, tāsāṃ saṃprayoge pravṛttatvād, ye tu tāsveva viśeṣeṇa yujyante, te dvividhāḥ-bāhyā ābhyantarāśca, | tatra pūrvānadhikṛtyāha— ### [30.20](https://indike.org/pramana/in.niti.kama.kamasutra-school.vatsyayana!jayamangala.30.20) saṃdarśitākārāyāmiti | nirbhinnasadbhāvāyāmiti | prakaṭitasadbhāvāyāṃ satyāṃ, samupabhogavyatikare tadīyānīti | nāyikāvastūni svayamupayuñjyātsvāni ca svamiva tāmupayojayet | ### [30.21](https://indike.org/pramana/in.niti.kama.kamasutra-school.vatsyayana!jayamangala.30.21) tatreti|parivartamāne,mahārhagandham = atyantasurabhi, uttarīya kusumaṃ ca, ātmīyaṃ syāt = svīkuryādityarthaḥ, aṅguloyakaṃ ca mahārhaṃ syāt, taddhastānnāyakahastādyadi tayā tāmbūlaṃ gṛhīta, goṣṭhīgamanodyatasyeti | kartari ṣaṣṭhī, keśahastaḥ = keśakalāpaḥ, tatratyapuṣpayācanaṃ, siddhikarametaditi | ### [30.22](https://indike.org/pramana/in.niti.kama.kamasutra-school.vatsyayana!jayamangala.30.22) svayaṃ tu dadannāyako yanmahārhagandhaṃ spṛhaṇīyaṃ lokasya, tadanyahastena yadā dadyāttadā svanakhadaśanapadacihnitaṃ, yadā svahastena tadā sākāraṃ, kriyāviśeṣaṇametad , evaṃ prakāradvaye'pi bhāvaḥ sūcito bhavati | ### [30.23](https://indike.org/pramana/in.niti.kama.kamasutra-school.vatsyayana!jayamangala.30.23) adhikairadhikaiḥ pūrvapūrvebhyaḥ, sādhvasavicchedanam, prāyeṇa parayoṣitparapuruṣeṣu sasādhvasā bhavati | ābhyantarānadhikṛtyāha-- ### [30.24](https://indike.org/pramana/in.niti.kama.kamasutra-school.vatsyayana!jayamangala.30.24) krameṇa ceti | yadaikāntena gatasādhvasā, tadā viviktadeśagamanaṃyasminpracchanne deśe tiṣṭhati, tatra cāliṅganādayaḥ prayoktavyāḥ, guhyadeśābhimarśanaṃ = kakṣorumūlajaghane vimardanam , utkṣiptakena | abhiyogasyāviṣayamāha- ### [30.25](https://indike.org/pramana/in.niti.kama.kamasutra-school.vatsyayana!jayamangala.30.25) yatra ceti | gṛhe, parāmiti | dvitīyāṃ nābhiyuñjīta, parasparakalahād vigopanaṃ syād, yatra vā gṛhe vṛddhā strī, anubhūtaviṣayā pravṛttaparapuruṣasaṃprayuktatvād, na tatra striyamabhiyuñjītetyeva, priyopagrahaiśceti | priyaṃ yadā svasukhakāraṇaṃ tadaivopagrahaḥ, upagṛhyate'neneti, upagṛhya svīkṛtyopanyasyāt | ślokāvatra bhavataḥ- ### [30.26](https://indike.org/pramana/in.niti.kama.kamasutra-school.vatsyayana!jayamangala.30.26) yatreti | yasmingṛhe nāyikāyā bhartā, anyasyāṃ yoṣiti dṛṣṭasaṃcāro dṛṣṭābhigamo na tatra gṛhe, suprāpāmapi = sulabhāmapi, laṅghayedadhigacchedityarthaḥ | ### [30.27](https://indike.org/pramana/in.niti.kama.kamasutra-school.vatsyayana!jayamangala.30.27) śaṅkitāmabhiyoktari jātāśaṅkāṃ, rakṣitāṃ rakṣibhiḥ, bhītāṃ patyuḥ, saśvaśrūkāṃ śvaśrūvadhiṣṭhitāṃ, na tarkayeta = nābhilaṣed, jānanpratyayamiti | ahamatrāśakta iti niścayamadhagacchan | iti śrīvātsyāyanīyakāmasūtraṭīkāyāṃ yaśodhararacitāyāṃ jayamaṅgalā''khyāyāṃ pāradārike pañcame'dhikaraṇe paricayakāraṇānyabhiyogā dvitīyo'dhyāyaḥ | ## Linked texts (1) - [Kāmasūtra](https://indike.org/pramana/in.niti.kama.kamasutra-school.vatsyayana.5.2.19) — Vātsyāyana Mallanāga, Sanskrit --- Source: [https://indike.org/pramana/in.niti.kama.kamasutra-school.vatsyayana!jayamangala.30](https://indike.org/pramana/in.niti.kama.kamasutra-school.vatsyayana!jayamangala.30) · Pramāṇa