[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Erotics and the Art of Love](https://indike.org/pramana/in.niti.kama) › [Vātsyāyana's Kāmasūtra and its Tradition](https://indike.org/pramana/in.niti.kama.kamasutra-school) › [Kāmasūtra](https://indike.org/pramana/in.niti.kama.kamasutra-school.vatsyayana) › [Jayamangala](https://indike.org/pramana/in.niti.kama.kamasutra-school.vatsyayana!jayamangala) › 34 # Kamasutra 34 Jayamaṅgalā 34 - **Language:** Sanskrit ### [34.p1](https://indike.org/pramana/in.niti.kama.kamasutra-school.vatsyayana!jayamangala.34.p1) yatheśvarāṇāṃ parabhavanapraveśo nāsti tathā''ntaḥpurikāṇāṃ, nāgarakāṇāṃ cāntaḥpuraveśaḥ, ityāntaḥpurikāṇāṃ nāgarakāṇāṃ cobhayathā'pyāntaḥpurikāvṛttamucyate, tatra pūrvamadhikṛtyāha-- ### [34.1](https://indike.org/pramana/in.niti.kama.kamasutra-school.vatsyayana!jayamangala.34.1) nāntaḥpurāṇāmiti | tādṛśyādāntaḥpurikāṇāmityarthaḥ, tāsāṃ patirastyeveti cedāha--patyuścaikatvāditi | eko'pi tṛptiṃ kuryāditi cedāha-anekasādhāraṇatvācceti | sa hi tāsāṃ sādhāraṇaḥ kathaṃ ? tṛptiṃ kuryād, yogataḥ, parasparamiti | yā ratimanyasyāṃ kuryāttasyāmanyeti | prayogamāha— ### [34.2](https://indike.org/pramana/in.niti.kama.kamasutra-school.vatsyayana!jayamangala.34.2) dhātreyikāmiti | puruṣavadalaṃkṛtyeti | tatra hi puruṣavad buddhyā'ti mātre bhāve tṛptiratiśayitavatī bhavati, ākṛtisaṃyuktairiti | puruṣendriyasaṃsthānavadbhiḥ, kandamūlaphalāvayavairiti | tatra kandā ālukakadalyādīnām, mūlaṃ tālaketakīnām, phalamalābukarkaṭikā''dīnām, etāni saṃśodhya grāhyāṇīti, avayavagrahaṇe phalaṃ darśayati—ātmābhiprāyamiti | rāgabhāvaṃ, nivartayeyuḥ, kevalaṃ śraddhāvinodanaṃ tathāvidhakāmasyāprādhānyāt | ### [34.3](https://indike.org/pramana/in.niti.kama.kamasutra-school.vatsyayana!jayamangala.34.3) puruṣapratimāḥ puruṣadehān, avyaktaliṅgā ajātaśmaśrutvātstrīrūpābhāsānityarthaḥ | eko'pi patiḥ tṛptiṃ kuryādyaḥ kāmārtāsu kṛpāśīlaḥ, yathā prācyānāmityāha— ### [34.4](https://indike.org/pramana/in.niti.kama.kamasutra-school.vatsyayana!jayamangala.34.4) rājāna iti | vinā'pi bhāvayogāditi | ajñātasaṃprayogecchā api, āyojitapadravyā iti | kaṭyāmābaddhakṛtrimasādhanāḥ, yāvadarthaṃ = yāvattṛptiṃ, bahvībhirapi strībhiḥ saha gacchanti saṃprayogamityarthaḥ, viśeṣamāha–yasyāṃtviti | prītiḥ=sahajaḥ snehaḥ, vāsakaḥ=paripāṭyā śayanam, ṛtuḥ=apatyārthaṃ, tatra = tasyām, abhiprāyato bhāvenetyarthaḥ, ayamantaḥpuraviṣaye yoga uktaḥ | ### [34.5](https://indike.org/pramana/in.niti.kama.kamasutra-school.vatsyayana!jayamangala.34.5) strīyogenaiveti | yathā strīṇāṃ kva citpuruṣabuddhimutpādyābhiprāyanivṛttirevaṃ puruṣāṇāmapi keṣāṃ cidityāha—alabdhavṛttīnāmiti | ye striyaṃna prāpnuvanti, viyoniṣu = bālorukṣādiṣu, vijātiṣu = eḍībaḍavā''diṣu, strīpratimāsu = strīpratikṛtiṣu, samutkīrṇastrīliṅgādiṣu, kevalalopamardanācceti | siṃhākrāntena kareṇa vā sādhanasya manthanādeva kevalād, yathoktam‘bhuvi vinyastahastābhyāmavaṣṭabhyotkaṭāsanaḥ| bāhumadhye vimṛdgīyātsiṃhānteṣvayaṃ vidhiḥ’ || asthāneṣu śukravisṛṣṭividharma iti cet , svapnābhimāne kathaṃ ? tatra prāyaścittavidhānāditi cedihāpi vihitatvāt | bahirviṣayamāha- ### [34.6](https://indike.org/pramana/in.niti.kama.kamasutra-school.vatsyayana!jayamangala.34.6) yoṣāveṣāniti | strīveśān, paricārikābhiriti | pradoṣe paricaritumantaḥpuraṃ praviśantībhiḥ | ### [34.7](https://indike.org/pramana/in.niti.kama.kamasutra-school.vatsyayana!jayamangala.34.7) teṣāmiti | nāgarakāṇāmupāvartane'bhimukhīkaraṇe prayateran, ābhyantarasaṃsṛṣṭā iti | tāsu nāgarakāṇāṃ yathārthabuddhiḥ, na bāhyāsu, āyatimiti| āgāmi phalamevaṃ bhaviṣyatīti | ### [34.8](https://indike.org/pramana/in.niti.kama.kamasutra-school.vatsyayana!jayamangala.34.8) apasārabhūmiṃ apakramaṇamārgaṃ, viśālāmiti | vistīrṇatvānna jñāyate kva kiṃ vartata iti, pramādam = asāvadhānatām, anityatāmiti | rājaparijanoṃ na nityaṃ saṃnihita iti | ### [34.9](https://indike.org/pramana/in.niti.kama.kamasutra-school.vatsyayana!jayamangala.34.9) asadbhūteneti | vinā bhāvena, supraveśitāṃ vinā ca, janamiti | nāgarakam, āvartayeyurabhimukhīkuryuḥ, doṣāditi | vinā bhāvamaduṣṭadūṣaṇe, ātmanaḥ supraveśitādyabhāve ca janasyāpakāraḥ | dvitīyaṃ vṛttamadhikṛtyāha- ### [34.10](https://indike.org/pramana/in.niti.kama.kamasutra-school.vatsyayana!jayamangala.34.10) apāyabhūyiṣṭhatvāditi | bahūnāṃ vināśakāraṇānāṃ saṃnidhānāt | atra viśeṣamāha- ### [34.11](https://indike.org/pramana/in.niti.kama.kamasutra-school.vatsyayana!jayamangala.34.11) pramadavanaṃ = krīḍāvanaṃ, tenāvagāḍhaṃ gahanaṃ, kakṣāḥ = prakoṣṭhakāni, proṣitarājakaṃ rājño'nyatra gatatvāt , kāraṇānyabhigamanasya, bahuśa āhūyamāno'rthabuddhyā, kakṣāpraveśaṃ dṛṣṭvā; anena mārgeṇa mayā praveṣṭavyamiti, tābhiriti | yā upāvartayante, vihitopāya iti | evaṃ veṣo'sminkāle, gṛhītvā cemamiti | ### [34.12](https://indike.org/pramana/in.niti.kama.kamasutra-school.vatsyayana!jayamangala.34.12) śaktiviṣaye ceti | yena pratidinaṃ niṣkramituṃ śaktistasminsati | idamupāvartanasya vṛttaṃ, yastu svayamupāvartate tasya vṛttamāha- ### [34.13](https://indike.org/pramana/in.niti.kama.kamasutra-school.vatsyayana!jayamangala.34.13) bāhyā ye rakṣiṇastaiḥ saha, anyadeveti | amukasambandhena mama tvaṃ bhrātā bhaginīpatirveti, saṃsṛjyeta = prītiṃ kuryād, yena teṣāṃ tannibarhaṇe śathilyaṃ syāt | ### [34.14](https://indike.org/pramana/in.niti.kama.kamasutra-school.vatsyayana!jayamangala.34.14) viditārthāyāmiti | mayyanurakta iti, viditāthāṃ, saktaṃ nirūpayetprakāśayedākārasaṃvaraṇārtham , evaṃ ca dāḍhyīrthamāha- tadalābhāditi | paricārikāyā aprāpteḥ śokaṃ nirūpayedityeva | ### [34.15](https://indike.org/pramana/in.niti.kama.kamasutra-school.vatsyayana!jayamangala.34.15) antaḥpraveśinībhiśceti | bāhyābhirantaḥpurapraveśanaśīlābhiḥ strībhiḥkāraṇabhūtābhiḥ, dūtīkalpaṃ = dūtīvidhānaṃ yathoktam | ### [34.16](https://indike.org/pramana/in.niti.kama.kamasutra-school.vatsyayana!jayamangala.34.16) rājapraṇidhīṃśceti | rājacarān budhyetātmasaṃrakṣaṇārthaṃ, yatra yasminpradeśe dūrasthāyā eva darśanayogaḥ | ### [34.17](https://indike.org/pramana/in.niti.kama.kamasutra-school.vatsyayana!jayamangala.34.17) gṛhītākārāyā iti | anyathā satyapi darśanayoge'vasthānaṃ niṣphalameva syāt | ### [34.18](https://indike.org/pramana/in.niti.kama.kamasutra-school.vatsyayana!jayamangala.34.18) tasminnapi tu pradeśe sthitena rakṣiṣu paricārikāvyapadeśaḥ kāryaḥ, yasyāmātmā sakto nirūpitaḥ | ### [34.19](https://indike.org/pramana/in.niti.kama.kamasutra-school.vatsyayana!jayamangala.34.19) cakṣuranubadhnatyāmiti | punaḥ punaḥ paśyantyāṃ prayojyāyām, iṅgitākāranivedanaṃ bhāvasūcanārtham | ### [34.20](https://indike.org/pramana/in.niti.kama.kamasutra-school.vatsyayana!jayamangala.34.20) sampāta iti | yatroddeśe samyaggamanaṃ, tadyuktasyeti | prayojyāyuktasya, sānurāgamātmānaṃ phalake bhittau vā vilikhya nidadhyād , hyarthānāmiti | yāni prayojyāviṣayamanurāgaṃ sūcayanti, gītavastūnāṃ khaṇḍagāṃthāvarṇādīnāṃ patrasthānāṃ, krīḍanakānāṃ putrikākandukādīnāṃ kṛtacihnānām, āpīḍakasya nakhadaśanapadāṅkitasya, aṅgulīyakasya svanāmāṅkitasya | ### [34.21](https://indike.org/pramana/in.niti.kama.kamasutra-school.vatsyayana!jayamangala.34.21) pratyuttaraṃ ceti | tayā'nyayā vā dattaṃ prakarṣeṇa paśyet, tata iti | lyablope pañcamī, sānurāgaṃ pratyuttaraṃ dṛṣṭvetyarthaḥ, yatnaḥ kramaṇam | praveśopāyamāha- ### [34.22](https://indike.org/pramana/in.niti.kama.kamasutra-school.vatsyayana!jayamangala.34.22) yatreti | udyānādau, pracchannasya gūḍhasyāvasthānaṃ prāṅ nāyikāgama nāt, tadānīṃ gamanaṃ tu lakṣitaṃ bhavati | ### [34.23](https://indike.org/pramana/in.niti.kama.kamasutra-school.vatsyayana!jayamangala.34.23) āstaraṇaṃ = kuthātūlakādi, āvaraṇaṃ = kambalādi, tadveṣṭitasya tasya striyā puruṣeṇa vā gṛhītasya, nirhāraḥ = niṣkramaṇam | ### [34.24](https://indike.org/pramana/in.niti.kama.kamasutra-school.vatsyayana!jayamangala.34.24) rakṣipuruṣarūpo veti | rakṣipuruṣavyañjanaḥ, tadanujñāto rakṣiṇā'numato velāyāṃ rātrau | 23 || ### [34.25](https://indike.org/pramana/in.niti.kama.kamasutra-school.vatsyayana!jayamangala.34.25) puṭāpuṭairiti | mañjūṣāyāṃ sapidhānāyāṃ prakṣiptasya yogairantardhānayogairāmnāyāgataiḥ | tatrāyaṃ prayogo nakulahṛdayaṃ corakatumbīphalāni sarpākṣīṇi cāntardhūmena pacet, tato'nena samabhāgenodakena peṣayedanenābhyaktanayano naṣṭacchāyārūpaścarati | ### [34.27](https://indike.org/pramana/in.niti.kama.kamasutra-school.vatsyayana!jayamangala.34.27) rātrikaumudīṣu ceti | sukharātrikāsu vā, dīpikāsaṃbādhe gṛhītadīpikānāṃ ceṭikānāṃ samūhe, tadveṣadhāriṇaḥ, suraṅgayā vā, antaḥpuroddiṣṭayā, praveśanirhārau sarvatra yojyau | ### [34.28](https://indike.org/pramana/in.niti.kama.kamasutra-school.vatsyayana!jayamangala.34.28) dravyāṇāmiti | sāradārvādīnāṃ, yānakānāṃ = yugyādīnāṃ, karmakarairnirhāre praveśane ca tanmadhyavartino'pi praveśane niṣkramaṇaṃ ceti, sarvatra yojyam, āpānakamutsavaḥ, cārthe'piḥ, ceṭikānāṃ ca, saṃbhrame = itastatogamane | ### [34.29](https://indike.org/pramana/in.niti.kama.kamasutra-school.vatsyayana!jayamangala.34.29) vyatyāsa iti | āntaḥpurikāṇāṃ veśmaparicaye karmakaraveśasya, rakṣiṇāṃ viparyaye dvārāntaragamane, tathā hi-na jñāyate ka ātmīyaḥ kaḥpara iti, yātrātaśceti | cakārādudyānataśca | ### [34.30](https://indike.org/pramana/in.niti.kama.kamasutra-school.vatsyayana!jayamangala.34.30) dīrghakālodayāmiti | dīrghakāla udayaḥ phalaṃ yasyāḥ, śatrurna yātamātrasādhyo bhavatītyarthaḥ | | ### [34.31](https://indike.org/pramana/in.niti.kama.kamasutra-school.vatsyayana!jayamangala.34.31) parasparasyeti | kāryāṇi rahasyāni, āntaḥpurikāḥ, ekakāryā iti | ekasyā yatkāryaṃ tatsambhrūyāsmābhirniṣpādyamiti, kṛtasaṅgānāṃ, śeṣāṇāṃbhedanaṃ kuryuryathā tā api samānadharmiṇyaḥ syuḥ | ### [34.32](https://indike.org/pramana/in.niti.kama.kamasutra-school.vatsyayana!jayamangala.34.32) dūṣayitveti | ekakāryārpaṇa iti | ekaṃ cāritrakhaṇḍanākhyaṃ kāryaṃ parasparasyārpayati ya āntaḥpurikāsaṃghaḥ, abhedyatāṃ gato mantrabhedābhāvādevaṃca sthiraḥ | idamāntaḥpurikāvṛttaṃ pracchannamuktam , prakāśaṃ tu deśapravṛttyā, yadāha— ### [34.33](https://indike.org/pramana/in.niti.kama.kamasutra-school.vatsyayana!jayamangala.34.33) tatreti | rājakulacāriṇyo yā rājakule caranti striyaḥ, lakṣaṇyāniti | ye rūpādilakṣaṇe sādhavastajjñāstānityarthaḥ, nātisurakṣatvāditi | nātyantaṃ svā rājakīyāstatra rakṣanti | ### [34.34](https://indike.org/pramana/in.niti.kama.kamasutra-school.vatsyayana!jayamangala.34.34) kṣatriyasaṃjñakairiti | nānyai rakṣibhiḥ, teṣāṃ tatrābhyantarapraveśād, arthamiti | samprayogaṃ sādhayanti rājakulacāriṇya ityeva | ### [34.35](https://indike.org/pramana/in.niti.kama.kamasutra-school.vatsyayana!jayamangala.34.35) preṣyābhiriti | dāsībhiḥ, tadveṣān = dāsīveṣān, praveśayanti, rājakulacāriṇya iti vartate | ### [34.36](https://indike.org/pramana/in.niti.kama.kamasutra-school.vatsyayana!jayamangala.34.36) svairiti | rājāpekṣayā, kāmacārairiti | aniṣiddhasañcāraiḥ, jananīvarjamiti | mukhyamātaraṃ muktvā, upayujyante = abhigamyante | ### [34.37](https://indike.org/pramana/in.niti.kama.kamasutra-school.vatsyayana!jayamangala.34.37) tathā praveśibhiriti | rājaputravat praveśibhiḥ, jñātisambandhibhiḥ, nānyairupabhujyante, strairājakānāmiti | strīrājaḥ = strīpurī, tatra bhavānām | ### [34.38](https://indike.org/pramana/in.niti.kama.kamasutra-school.vatsyayana!jayamangala.34.38) mitrairbhṛtyairiti | mitrairbhṛtyaiśca, dāsaceṭairiti | dāsā gṛhajātāstato'nye ceṭāḥ, gauḍānāmiti | gauḍāḥ kāmarūpakāḥ prācyaviśeṣāḥ | ### [34.39](https://indike.org/pramana/in.niti.kama.kamasutra-school.vatsyayana!jayamangala.34.39) pariskandāḥ = pratīhārāḥ, karmakarāḥ = śayanāsanacamarādikarmakarāḥ, anye'pi tadrūpā ye'niṣiddhasaṃcārāḥ, upayujyanta ityarthakatvāddribhaktivipariṇāmena saṃbandhaḥ, saindhavānāmiti | sindhunāmā nadastasya paścimena sindhudeśastatra bhavānām | ### [34.40](https://indike.org/pramana/in.niti.kama.kamasutra-school.vatsyayana!jayamangala.34.40) arthenopagṛhya rakṣiṇāṃ lubdhatvāt, sāhasikā nirbhayā nānye, saṃhatā· ekībhūya, haimavatānāmiti | himavaddroṇībhavānām | ### [34.41](https://indike.org/pramana/in.niti.kama.kamasutra-school.vatsyayana!jayamangala.34.41) nagarabrāhmaṇā iti | tatraiva nagare ye brāhmaṇāste puṣpāṇi dātumantaḥpuraṃgacchanti, rājaviditamiti | rājaprajñātam , paṭāntaritaścaiṣāmālāpo· na tābhiḥ sākṣād dṛśyamānābhiriti deśasthitiḥ, teneti | puṣpadānaprasaṅgena, vyatikaraḥ = saṃprayogaḥ, vaṅgāḥ tiruhitāt pūrveṇa, aṅgā mahānadyāḥpūrveṇa, kaliṅgā gauḍaviṣayāddakṣiṇena | ### [34.42](https://indike.org/pramana/in.niti.kama.kamasutra-school.vatsyayana!jayamangala.34.42) saṃhatya nava daśetīti | atretiśabdaḥ prakāre, ekaikaṃ yuvānaṃ vyavāyakṣamaṃ pracchādayanti na yathā dṛśyate, evamityuktena pāradārikeṇa vidhinā prakurvītābhigacchet | ityāntaḥpurikāvṛttamaṣṭacatvāriṃśaṃ prakaraṇam || yathā parastriyamebhirupāyairabhigacchettathā tadvārāmaparo'pīti, dārarakṣikamucyate, dārarakṣā prayojanamasyeti, yadāha- ### [34.43](https://indike.org/pramana/in.niti.kama.kamasutra-school.vatsyayana!jayamangala.34.43) ebhya eveti | kāraṇebhya iti | nimittebhyaḥ, tatra vyāvartanakāraṇabardhanena taducchedanakāraṇebhyo rakṣet, tathā siddhapuruṣebhyaḥ, yaiśca dvāradeśāvasthānādibhiḥ kāraṇairabhiyogamātrasādhyatvaṃ, yāni ca paricayakāraṇāni, abhiyogadūtīkarmāṇi, īśvarakāmitopāya āntaḥpurikāvṛttaṃ ca tebhyo rakṣet , tatrāyaṃ prathamo rakṣaṇopāyo yadrakṣāniveśanam | yadāha- ### [34.44](https://indike.org/pramana/in.niti.kama.kamasutra-school.vatsyayana!jayamangala.34.44) kāmopadheti | kāmaviṣaye yā parīkṣā tayā śuddhān | ### [34.45](https://indike.org/pramana/in.niti.kama.kamasutra-school.vatsyayana!jayamangala.34.45) te hīti | yadyapi svayaṃ kāmopadhāśuddhā nābhigacchanti, tathā'pi bhayena lobhena vā'nyaṃ prayojayeyustadaśuddhisaṃbhavāttasmāt kāmabhayārthopadhāśuddhān sthāpayediti goṇikāputraḥ | ### [34.46](https://indike.org/pramana/in.niti.kama.kamasutra-school.vatsyayana!jayamangala.34.46) dharmabhayopadhāśuddhāniti | vātsyāyana evaṃ manyate dharmopadhāśuddho na paradārānabhigacchati, nārthalobhātsvāmidrohamācarati, bhayāttu dharmaṃ parityajediti | svadāreṣu parīkṣaṇamapi rakṣaṇopāya iti ke cidityāha- ### [34.47](https://indike.org/pramana/in.niti.kama.kamasutra-school.vatsyayana!jayamangala.34.47) paravākyeti | amukastvayyanuraktaḥ sa evamāha-mama prāṇā dhāryantāmiti | gūḍhākārābhiriti | yathā sā na jānāti patyā prayukteti, tayopadadhyātparīkṣeta, tathā hyapratipannāyāḥ śaucaṃ, pratipannāyāścāśaucaṃ jñātaṃ bhavati | ### [34.48](https://indike.org/pramana/in.niti.kama.kamasutra-school.vatsyayana!jayamangala.34.48) duṣṭānāmiti| vināśakāraṇānāmityarthaḥ, evaṃ manyate vināśakāraṇeṣu satsvasatsu vā parīkṣāvānsyāt, tatra pūrvasminpakṣe duṣṭānāṃ yuvatiṣu pratyakṣeṇa siddhatvāt kiṃ parīkṣayā, dvitīye'pyakasmāt kāraṇena vinā, nāduṣṭanāmavidyamānavināśakāraṇānāṃ dūṣaṇamācared, śuddhaśodhanasya doṣavattvād, yathāktam-na śodhanamaduṣṭasya viśeṣeṇābhrasañcaret | kadā viddhi praduṣṭasya nādhigamyeta bheṣajam | tasmādvināśakāraṇānyeva nirūpyāni, yebhyo vyāvartanenopadadhyādityāha- ### [34.49](https://indike.org/pramana/in.niti.kama.kamasutra-school.vatsyayana!jayamangala.34.49) atigoṣṭhī = strībhiḥ saha sadā goṣṭhī, bhartuḥ svairatā = bharnā svātantryeṇa vyavahāritā, puruṣaiḥ yaiḥ kaiścidaniyantraṇatā = niyantraṇābhāvaḥ, pravāse'vasthānaṃ = bhartari proṣite yadekākinyā'vasthātavyaṃ, videśe vāsaḥ = svasthānādanyasmin sthāne vāsaḥ, svavṛttyupaghātaḥ = svaśarīrasthityupaghāto grāsācchādanavaikalyād, svairiṇyāḥ = puṃścalyāḥ saṃsargaḥ, patyurīrṣyāluteti | patyāvīrṣyā sambhava iti vināśakāraṇāni, eṣu satsu paradārābhimarśayogasambhavāt | ### [34.50](https://indike.org/pramana/in.niti.kama.kamasutra-school.vatsyayana!jayamangala.34.50) pāradārikalakṣitāniti | pāradārike'dhikaraṇe ye proktāstairlakṣitān, śāstraviditi | anyathā kathametāḥ śāstrataḥ paśyet | ### [34.51](https://indike.org/pramana/in.niti.kama.kamasutra-school.vatsyayana!jayamangala.34.51) pākṣikatvāditi | yadā'nyakāraṇāni paśyed, apāyānāṃ ca śarīropaghātādīnāṃ, vailomyāditi | vipakṣatvāt, paradāraprayojanaprayogaṃnācarediti | ### [34.52](https://indike.org/pramana/in.niti.kama.kamasutra-school.vatsyayana!jayamangala.34.52) tadetaditi | śreyasa iti | anyathā khaṇḍitacāritrāyāṃ sarvadharmavilopaḥ syāt, prajānāmiti | na hi tadarthaṃ mukhyaṃ vidhānamityarthaḥ | iti śrīvātsyāyanīyakāmasūtraṭīkāyāṃ yaśodhararacitāyāṃ jayamaṅgalā''khyāyāṃ pāradārike pañcame'dhikaraṇa āntaḥpurikaṃ dārarakṣikaṃ ṣaṣṭho'dhyāyaḥ | ## Linked texts (1) - [Kāmasūtra](https://indike.org/pramana/in.niti.kama.kamasutra-school.vatsyayana.5.6) — Vātsyāyana Mallanāga, Sanskrit --- Source: [https://indike.org/pramana/in.niti.kama.kamasutra-school.vatsyayana!jayamangala.34](https://indike.org/pramana/in.niti.kama.kamasutra-school.vatsyayana!jayamangala.34) · Pramāṇa