[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Erotics and the Art of Love](https://indike.org/pramana/in.niti.kama) › [Vātsyāyana's Kāmasūtra and its Tradition](https://indike.org/pramana/in.niti.kama.kamasutra-school) › [Kāmasūtra](https://indike.org/pramana/in.niti.kama.kamasutra-school.vatsyayana) › [Jayamangala](https://indike.org/pramana/in.niti.kama.kamasutra-school.vatsyayana!jayamangala) › 44 # Kamasutra 44 Jayamaṅgalā 44 - **Language:** Sanskrit ### [44.25](https://indike.org/pramana/in.niti.kama.kamasutra-school.vatsyayana!jayamangala.44.25) evamiti | vṛkṣajātānāmanyeṣāmanupayogitvād, jantūnāmiti | kandalikānāṃ, śūkairlomabhiḥ, upatūṃhitamiti | saṃdaṃśikayā jantūn gṛhītvā śūkaiḥ pārśveṣu liṅgaṃ tāḍayet, tūṃha hiṃsāyāmiti dhātupāṭhāt, tailamṛditamākṛṣya, jātaśophamiti | jātaśvayathu, śulvāntareṇeti khaṭvāvastrāntareṇa lambayed dairghyārtham | ### [44.26](https://indike.org/pramana/in.niti.kama.kamasutra-school.vatsyayana!jayamangala.44.26) tatreti | īpsite pramāṇe jāte śītaiḥ pañcakaṣāyaiḥ,kṛtavedanānigrahamiti | parikhidya pariṣicyāpanītavedanam ,anyathā śopho barddhate vedanā ceti| ### [44.27](https://indike.org/pramana/in.niti.kama.kamasutra-school.vatsyayana!jayamangala.44.27) sa iti | sa pūrvoktaḥ śūkajo nāma śopho yāvajjīvaṃ cirasthāyī viṭānāṃ bhavati | ### [44.28](https://indike.org/pramana/in.niti.kama.kamasutra-school.vatsyayana!jayamangala.44.28) śabarakandakaṃ = śabaramūlaṃ, jalaśūkaṃ lākapratītaṃ, hastikarṇaṃ-bṛhatpatram , aṭavyāṃ bhavati, vajravallī = asthisaṃhāraḥ, masikamiti barddhitaṃ māse tiṣṭhati | ### [44.29](https://indike.org/pramana/in.niti.kama.kamasutra-school.vatsyayana!jayamangala.44.29) etaireveti | aśvagandhādibhiḥ kaṣāyairiti | kalkīkṛtaiḥ, tailena parimardanaṃ ṣāṇmāsyamiti | barddhanamiti yojyam | ### [44.30](https://indike.org/pramana/in.niti.kama.kamasutra-school.vatsyayana!jayamangala.44.30) dāḍimatrāpuṣabījānīti | bāluketi | eḍabālukā, bṛhatī bṛhaṃtyeva kaṅkūbṛhatī hastinastumbā, anayoḥ phalarasaḥ parimardanaṃ pariṣako vā varddhanaṃ ṣāṇmāsyamiti yojyam | ### [44.31](https://indike.org/pramana/in.niti.kama.kamasutra-school.vatsyayana!jayamangala.44.31) tāṃstāṃśca yogāniti | barddhanasya yogāḥ, vṛddhividhayaḥ | iti vṛddhiyogāstriṣaṣṭitamaṃ prakaraṇam | uktavyatiriktakāryasādhanārthaṃ prakīrṇakanyāyena citrā yogā ucyante- ### [44.32](https://indike.org/pramana/in.niti.kama.kamasutra-school.vatsyayana!jayamangala.44.32) atheti | prakaraṇādhikārārthaṃ, snuhīti | vajrī grāhyā, avakirediti | śirasyavacūrṇayed, nānyaṃ kāmayeta, tasyā anena rakṣitatvāt | someti | somalatā,avalgujaṃ = bākucībījaṃ,bhṛṅgaḥ = bhṛṅgarājaḥ,lohaṃ = lohacūrṇam, upajihvikā yā balmīkaṃ cinoti | vyādhighātakaḥ = suvarṇaśephālikā, tasyāḥ patratvaṅniryāṃsaḥ, jambūphalaṃ tasya ca niryāsaḥ phāṇitīkṛtena, taissaha kalkīkṛtena rāgo naśyati saṃsparśamātreṇa liṅgaṃ nottaṣṭhatītyarthaḥ | ### [44.34](https://indike.org/pramana/in.niti.kama.kamasutra-school.vatsyayana!jayamangala.44.34) bahupādikā=ruṇḍikā yā varṣāsu bhavati, snātāṃ gacchato rāgo naśyati 34 ### [44.35](https://indike.org/pramana/in.niti.kama.kamasutra-school.vatsyayana!jayamangala.44.35) srajaśceti | kusumayuktāḥ pinaddhā daurbhāgyakṛtaḥ | ### [44.36](https://indike.org/pramana/in.niti.kama.kamasutra-school.vatsyayana!jayamangala.44.36) kokilākṣaḥ śvetaḥ, saṃhatamiti | saṅkocam | padmotpaleti | kadambamiti, vrajakadambaṃ, sarjakasugandhau vīraṇasthāne varṣāsu jāyete, viśālīkaraṇamekarātre | ### [44.38](https://indike.org/pramana/in.niti.kama.kamasutra-school.vatsyayana!jayamangala.44.38) snuhīsomārkakṣārairiti | dagdhvā parisrāvya ca jalaṃ grāhyam , avalgujāphalaiśca kṣāraiḥ | ### [44.39](https://indike.org/pramana/in.niti.kama.kamasutra-school.vatsyayana!jayamangala.44.39) madayantikā prasiddhā, kuṭajako yasyendrayavāḥ phalāni, añjanikā kṛṣṇakusumā pratītā, girikarṇikā pratītā, ślakṣṇaparṇī kāśmīrī, keśānāmiti | śvetīkṛtānāṃ pratyānayanaṃ punaḥ kṛṣṇīkaraṇamityarthaḥ | etaireveti | kaṣāyakalkīkṛtaiḥ, krameṇeti | divasakrameṇa svayameva nivartate kārṣṇyam | ### [44.41](https://indike.org/pramana/in.niti.kama.kamasutra-school.vatsyayana!jayamangala.44.41) śveteti | muṣkasvedeneti | vṛṣaṇaprasvedena | ### [44.42](https://indike.org/pramana/in.niti.kama.kamasutra-school.vatsyayana!jayamangala.44.42) madayantiketi | spaṣṭam | ### [44.43](https://indike.org/pramana/in.niti.kama.kamasutra-school.vatsyayana!jayamangala.44.43) bahviti | upaliptamiti | auṣadhajalena bahirantaśca bahuśaḥ kṣālitaupalipto bhavati | ### [44.44](https://indike.org/pramana/in.niti.kama.kamasutra-school.vatsyayana!jayamangala.44.44) dhattūreti | abhyavahāra iti | yadaśanaṃ pānaṃ vā | ### [44.45](https://indike.org/pramana/in.niti.kama.kamasutra-school.vatsyayana!jayamangala.44.45) guḍo bhakṣitaḥ pratyānayanam , abhyavahāro vā yadā jīrṇo bhavati tadā svacchatā | ### [44.46](https://indike.org/pramana/in.niti.kama.kamasutra-school.vatsyayana!jayamangala.44.46) haritāmālamanaḥśilābhakṣiṇa iti | upavāsaṃ kāritasya māsena deyam| ### [44.47](https://indike.org/pramana/in.niti.kama.kamasutra-school.vatsyayana!jayamangala.44.47) aṅgāraiti | tṛṇaṃ lokapratītam | ### [44.48](https://indike.org/pramana/in.niti.kama.kamasutra-school.vatsyayana!jayamangala.44.48) harotakāmreti | yasya caṭacaṭa iti pratītiḥ, āmrātakaḥ prasiddhaḥ, tayoḥ patramityarthaḥ,śravaṇapriyaṅgukā jyotiṣmatīti tatphalaiḥ saha piṣṭvā| ### [44.49](https://indike.org/pramana/in.niti.kama.kamasutra-school.vatsyayana!jayamangala.44.49) śravaṇeti | dukūlaṃ śuddhaṃ gṛhītvā sarpanirmokeṇa saha vartikā kāryā, dīpe prajvalite sati sarpavad dṛśyante tadākāramātradarśanād vismāpanametat 46 ### [44.50](https://indike.org/pramana/in.niti.kama.kamasutra-school.vatsyayana!jayamangala.44.50) śveteti | kṣīrapānaṃ dhanyaṃ pavitratvād yaśasa āyuṣe ca hitaṃ bhavati sarvadā sevyamityupadeśaḥ | ### [44.51](https://indike.org/pramana/in.niti.kama.kamasutra-school.vatsyayana!jayamangala.44.51) brāhmaṇānāmiti | tathā''śiṣaśca prasannebhyo mṛgyāḥ | iti citrā yogāścatuḥṣaṣṭitamaṃ prakaraṇam | evaṃ saṃkṣepavistarābhyāṃ śāstraṃ praṇīya grāhyatāṃ pratipādayitumāha — ### [44.52](https://indike.org/pramana/in.niti.kama.kamasutra-school.vatsyayana!jayamangala.44.52) pūrvaśāstrāṇīti | saṃdṛśyeti | śabdato'rthataśca dṛṣṭvā, teṣāṃ pramāṇatvāt , prayogānanusṛtya ca prayogataśca jñātvetyarthaḥ, saṃkṣepeṇeti | svaśāstrasya prayojanaṃ niveditaṃ = kathitam | nanu ca saṃprayogāṅgaṃ śāstramidaṃ, saṃprayogaśca rāgahetuḥ, taṃ ca rāgamevānarthahetuṃ dīpayatyetadityāha— ### [44.53](https://indike.org/pramana/in.niti.kama.kamasutra-school.vatsyayana!jayamangala.44.53) dharmamiti | etasyeti | śāstrasya yastattvajñaḥ sa niyataṃ dharmādīn paśyati, tāṃśca paśyan na rāgādanarthahetukāt pravartate, pratyayaṃ = viśvāsaṃ,lokamiti | śiṣṭamaśiṣṭaṃ ceti | yadyevaṃ kimiti dharmaviruddhā aupariṣṭikādayo'tra vihitā ityāha— ### [44.54](https://indike.org/pramana/in.niti.kama.kamasutra-school.vatsyayana!jayamangala.44.54) adhikāravaśāditi | prakaraṇavaśād, rāgabadhanā iti | rāgahetavaḥ, tadanantaramiti | vidhānāntaraṃ, prayatnānnirdhāritadeśapuruṣāpekṣayā niṣiddhāḥ| tadeva sphuṭayannāha— ### [44.55](https://indike.org/pramana/in.niti.kama.kamasutra-school.vatsyayana!jayamangala.44.55) na śāstramastīti | vyākhyātaṃ caitatprāk | yataśca śāstrāt prādhānyena saṃkṣipya nibaddhaṃ; yena ca tadubhayaṃ darśayannāha- ### [44.56](https://indike.org/pramana/in.niti.kama.kamasutra-school.vatsyayana!jayamangala.44.56) bābhravīyāṃśceti | āgamayya gurubhyaḥ, vimṛśya ca svabuddhyā | yathā'vasthayā yadarthaṃ ca vihitaṃ taddarśayannāha— ### [44.57](https://indike.org/pramana/in.niti.kama.kamasutra-school.vatsyayana!jayamangala.44.57) tadetaditi | pareṇa ca samādhinā samāhitena, lokayātrārthamiti | cāturvarṇye gṛhasthavyavahārārthaṃ na punā rāgārtho'sya saṃvidhiḥ | kathaṃ na rāgārtho bhavatītyāha— ### [44.58](https://indike.org/pramana/in.niti.kama.kamasutra-school.vatsyayana!jayamangala.44.58) rakṣanniti | asya śāstrasya yastattvaṃ vetti so'vaśyaṃ dharmādīn parasparasyānupaghātena rakṣan, lokavartinīmiti | ihalokaparalokamārgaṃśobhanāśobhanāt | ## Linked texts (1) - [Kāmasūtra](https://indike.org/pramana/in.niti.kama.kamasutra-school.vatsyayana.7.2.25) — Vātsyāyana Mallanāga, Sanskrit --- Source: [https://indike.org/pramana/in.niti.kama.kamasutra-school.vatsyayana!jayamangala.44](https://indike.org/pramana/in.niti.kama.kamasutra-school.vatsyayana!jayamangala.44) · Pramāṇa