Anvitarthaprakashika 1
Anvitārthaprakāśikā 1
- Language
- Sanskrit
1.1
śrīgaṇeśāya namaḥ || ānandadhāmani cidekarase'dvitīye tasminpade'stu mama cittamagocare'pi || yatsaṅgajāsthitijuṣāṃ suhṛdāṃ kumārādīnāmadhīnamitra gocaratāmupaiti
1.2
nānāvidhānyapi matāni paraḥśatāni yatraikabhāvamupayānti vihāya vādam || taccinmayaṃ parataraṃ sakalāvalambaṃ vande mahaḥ kimapi bhāgavataikavedyam
1.3
yāvannirañjanamajaṃ puruṣaṃ jarantaṃ saṃcintayāmi sakale jagati sphurantam || tāvadvalātsphurati hanta hṛdantare me gopasya ko'pi śiśurañjanapuñjamañjuḥ
1.4
sadratnapadmamaghahāripadaṃ manojñaskandhaṃ sudarśanakaraṃ nijanandakaṃ ca || śrutyādibhirbudhajanairavabodhyatattvaṃ nārāyaṇaṃ bhajata bhāgavatābhidhānam
1.5
notpāditā na ca manāgapi pālitāḥ smaḥ kṣāntaṃ na naḥ kimapi nāma bhavadbhirāgaḥ || tadbho'haha śramaśatena mudhaiva devāḥ sevāmahe
praṇamanāni ca kurmahe vā
1.6
lokā vṛthā bhrūtha paṅkalaṅkiteṣu tīrthabhramādbahuvidheṣu jaleṣvabhīkṣṇam || niḥśeṣatāpaduritāpanayāya mātāpitroḥ sukhena caraṇaṃ śaraṇaṃ vrajeta
1.7
śrīrāmasiṃha iti bundelanṛpeṣu ratnamāsīdasau jayati saṃprati kīrttimūrtiḥ || yaṃ svargabhājamatisādaramīkṣamāṇā devāḥ pureva na sureśvaramādriyante
1.8
devottamo'sya tanayo raghuvīrasiṃho yaṃ meghavāhana
udañcitadhīrupāmte || ko'nena sāmyamupayāsyati lokapālo yo meghavāhanapade praṇatiṃ vidhatte
1.9
kāruṇyavārinidhivundadhanāthadattābhyutthānasatkṛtiyutasthirajīviko'smi || dhanyo'smi ko
nu sadṛśo'sti mayeti jānan hā nirgataṃ na gaṇayāmi vayo madāndhaḥ
1.10
ṣaṣṭiḥ samāḥ kucaritairgamitā vṛthaiva nādyāpi kā'pi hatacetasi hanta cintā || āsīdati pratidinaṃ nanu vaitaraṇyāstīraṃ mahābhayamavāramadṛśyapāram
1.11
gaṅgāsahāyajaraṭho'hamapāstadharmācāro'vaśeṣavayasi vyathito rujābhiḥ || ṛjvībhiranvitapadāmiranāyatābhirvāgbhiḥ paraṃ śaraṇayāmi purāṇarājam
1.12
vyākhyāya bhāgavatamanvayavartmanā''dau vakṣye punaḥ sphuṭatadāśayabodhanāya || nānāmatāni viṣayānapi tadvyavasthāṃ paryaṅkanāmni vivṛteravaśeṣabhāge
1.13
ye gūḍhatāmupagatā bata naiva sūryāloke'pyabhāsiṣata bhāgavatasya bhāvāḥ || yaiste'pyadarśiṣata dīpikayaiva te me śrīśrīdharā jaḍamateḥ paramo'valambaḥ
1.14
prācāṃ suvarṇaracanāṃ parigṛhya bhikṣāṃ bhaktyā tayā'rcitavataḥ parameśitāram
kṣīṇasya viplutamaterjaraṭhasya vijñāścauryaṃ na kalpayata kāñcanamārgaṇāṃ me
1.15
ye doṣameva gaṇayanti guṇe pareṣāṃ te prārthitā api kuto jahati svaśīlam || doṣe'pi ye guṇadhiyaḥ karuṇāpradhānāste'prārthitā api kuto jahati svaśīlam