Anvitarthaprakashika 154
Anvitārthaprakāśikā 154
- Language
- Sanskrit
Contents
- 154.46 — 1 part
154.1
nārada uvāca || evaṃ vṛtaḥ śatadhṛtirhiraṇyakaśipo ratha || prādāttattapasā prīto varāṃstasya sudurlabhān
154.2
brahmovāca || tāteme durlabhāḥ
puṃsāṃ yānvṝṇīṣe varānmama || tathāpi vitarāmyaṅga varān yadapi durbhān
154.3
tato jagāma bhagavānamoghānugraho vibhuḥ || pūjito'suravaryeṇa stūyamānaḥ
prajeśvaraiḥ
154.4
evaṃ labdhavaro daityo bibhraddhemamayaṃ vapuḥ || bhagavatyakarodveṣaṃ bhrāturvadhamanusmaran
154.5
sa vijitya diśaḥ sarvā lokāṃśca trīnmahāsuraḥ|| devāsuramanuṣyendrāngandharvagaruḍoragān
154.6
siddhacāraṇavidyādhrāṃnnṛṣīnpitṛpatīnmanūn || yakṣarakṣaḥpiśāceśānpretabhūtapatīnatha
154.7
sarvasattvapatīñjitvā vaśamānīya viśvajit || jahāra lokapālānāṃ sthānāni saha tejasā
154.8
devodyānaśriyā juṣṭamadhyāste sma triviṣṭapam || mahendrabhavanaṃ
sākṣānnirmitaṃ viśvakarmaṇā || trailokyalakṣmyāyatanamadhyuvāsākhilāddhimat
154.9
yatravidrumasopānā mahāmārakatā bhuvaḥ || yatra sphāṭikakuḍyāni
vaidūryastambhapaṅktayaḥ
154.10
yatra citravitānāni padmarāgāsanāni ca || payaḥ phenanibhāḥ śayyā muktādāmaparicchadāḥ
154.11
kūjadbhirnūpurairdevyaḥ
śabdayantya itastataḥ || ratnasthalīṣu paśyanti sudatī sundaraṃ mukham
154.12
tasminmahendrabhavane mahābalo mahāmanā nirjitaloka ekarāṭ || reme'bhivandyāṅghriyugaḥ surādibhiḥ pratāpitairūrjitacaṇḍaśāsanaḥ
154.13
tamaṅga mattaṃ madhunorugandhinā vivṛttatāmrākṣamaśeṣadhiṣṇyapāḥ || upāsataupāyanapāṇibhirvinā tribhistapoyogabalaujasāṃ padam
154.14
jagurmahendrāsanamojasā sthitaṃ viśvāvasustumbururasmadādayaḥ || gandharvasiddhā ṛṣayo'stuvanmuhurvidyādharā apsarasaśca pāṇḍava
154.15
sa eva varṇāśramabhiḥ kratubhirbhūridakṣiṇaiḥ || ijyamāno havirbhāgānagrahītsvena tejasā
154.16
akkṛṣṭapacyā
tasyāsītsaptadvīpavatī mahī || tathā kāmadughā dyaustu nānāśrayapadaṃ nabhaḥ
154.17
ratnākarāśca ratnaughāṃstatpatnyaścohūrūrmibhiḥ || kṣārasīdhughṛtakṣaudradadhikṣīrāmṛtodakāḥ
154.18
śailā droṇībhirākrīḍaṃ sarvartuṣu guṇāndrumāḥ || dadhāra lokapālānāmeka eva pṛthagguṇān
154.19
sa itthaṃ
nirjitakakubekarāḍviṣayānpriyān || yathopajoṣaṃ bhuñjāno nātṛpyadajitendriyaḥ
154.20
evamaiśvaryamattasya dṛptasyocchāstravartinaḥ || kālo mahāndyatīyāya brahmaśāpamupeyuṣaḥ
154.21
tasyogradaṇḍasaṃvignāḥ sarve lokāḥ sapālākāḥ || anyatrālabdhaśaraṇāḥ śaraṇaṃ yayuracyutam
154.22
tasyai namoṃ'stu kāṣṭhāyai yatrātmā harirīśvaraḥ || yadgatvā na nivartante śāntāḥ saṃnyāsino'malāḥ
154.23
iti te saṃyatātmānaḥ samāhitadhiyo'malāḥ || upatasthurhaṣīkeśaṃ vinidrā vāyubhojanāḥ
154.24
teṣāmāvirabhūdvāṇī arūpā meghaniḥsvanā || saṃnādayantī kakubhaḥ sādhūnāmabhayaṅkaro
154.25
mā bhaiṣṭa
vibudhaśreṣṭhāḥ sarveṣāṃ bhadramastu vaḥ || maddarśanaṃ hi bhūtānāṃ sarvaśreyopapattaye
154.26
jñātametasya daurātmyaṃ daiteyāpasadasya yat || tasya śāntiṃ kariṣyāmi kālaṃ tāvatpratīkṣata
154.27
yadā deveṣu vedeṣu goṣu vipreṣu sādhuṣu || dharme mayi ca vidveṣaḥ sa vā āśu vinaśyati
154.28
nirvairāya
praśāntāya svasutāya mahātmane || prahlādāya yadā druhyeddhaniṣye'pi varorjitam
154.29
nārada uvāca || ityuktā lokaguruṇā taṃ praṇamya divaukasaḥ
nyavarttanta gatodvegā menire cāsuraṃ hatam
154.30
tasya daityapateḥ putrāścatvāraḥ paramādbhutāḥ || prahlādo'bhūnmahāṃsteṣāṃ guṇairmahadupāsakaḥ
154.31
brahmaṇyaḥ śīlasampannaḥ satyasandho jitendriyaḥ || ātmavatsarvabhūtānāmekaḥ priyasṛhattamaḥ
154.32
dāsavatsaṃnatāryāṅghriḥ pitṛvaddīnavatsalaḥ || bhrātṛvatsadṛśe snigdho guruṣvīśvarabhāvanaḥ || vidyāryarūpajanmāḍhyo mānastambhavivarjitaḥ
154.33
nodvignacitto vyasaneṣu niḥspṛhaḥ śruteṣu dṛṣṭeṣu guṇeṣvavastudṛk || dāntendriyaprāṇaśarīradhīḥ sadā praśāntakāmo rahitāsuro'suraḥ
154.34
yasminmahadguṇā rājangṛhyante kavibhirmuhuḥ || na te'dhunāpi
dhīyante yathā bhagavatīśrvare
154.35
yaṃ sādhugāthāsadasi ripavo'pi surā nṛpa || pratimānaṃ prakurvanti kimutānye bhavādṛśāḥ
154.36
guṇairalamasaṃkhyeyairmāhātmyaṃ tasya sūcyate || vāsudeve bhagavati yasya naisargikī ratiḥ
154.37
nyastakrīḍanako bālo jaḍavattanmanaskayā || kṛṣṇagrahagṛhītātmā na veda jagadīdṛśam
154.38
āsīnaḥ paryaṭannaśnañchayānaḥ prapibanbruvan || nānusandhatta etāni govindaparirambhitaḥ
154.39
kvacidrudati
vaikuṇṭhacintāśabalacetanaḥ || kvaciddhasati taccintāhlāda udgāyati kvacit
154.40
nadati kvacidutkaṇṭho vilajjo nṛtyati kvacit || kvacittadbhāvanāyuktastanmayo'nucakāra ha
154.41
kvacidutpulakastūṣṇīmāste saṃsparśānirvṛtaḥ || aspandapraṇayānandasalilāmīlitekṣaṇaḥ
154.42
sa uttamaślokapadāravindayorniṣevayā'kiñcanasaṅgalabdhayā || tanvanparāṃ nirvṛtimātmano muhurduḥsaṅgadīnānanyamanaḥ śamaṃ vyadhāt
154.43
tasminmahābhāgavate mahābhāge
mahātmani || hiraṇyakaśipū rājanakarodaghamātmaje
154.44
yudhiṣṭhira uvāca || devarṣa etadicchāmo vedituṃ tava suvrata || yadātmajāya śuddhāya pitā'dātsādhave hyagham
154.45
putrānvipratikūlānsvānpitaraḥ putravatsalāḥ || upālabhante śikṣārthaṃ naivāghamaparo yathā || kimutānuvaśānsādhūṃstādṛśāngurude0tān
154.46
etatkautūhalaṃ brahmannasmākaṃ vidhama prabho || pituḥ putrāya yaddveṣo maraṇāya prayojitaḥ || mano bhramati me vidvannetasminsaṃkaṭe
dvija
154.46.p1
iti śrīmadbhāgavate mahāpurāṇe saptamaskandhe hiraṇyakaśipudigvijayaprahlādasādhubhāvavarṇanaṃ nāma caturtho'dhyāyaḥ
Linked texts (5)
- Vārāhastotra — Sanskrit
- Bhāgavatapurāṇa — Vyāsa, Sanskrit
- Bhāgavatamāhātmya — Kṛṣṇacandra, Sanskrit
- Āryacarita — Sanskrit
- Haribhaktirasāyana — Sanskrit