Pramāṇa · Search · About · API

Anvitarthaprakashika 241

Anvitārthaprakāśikā 241

Language
Sanskrit

Contents

241.1

gopā ūcuḥ || rāma rāma mahāvīrya kṛṣṇa duṣṭanibarhaṇa || eṣā vai bādhate kṣunnastacchāntiṃ kartumarhathaḥ

241.2

śrīśuka uvāca || iti
vijñāpito gopairbhagavān devakīsutaḥ || bhaktāyā viprabhāryāyāḥ prasīdannidamabravīt

241.3

prayāta devayajanaṃ brāhmaṇā brahmavādinaḥ || satramāṅgirasaṃ
nāma hyāsatè svargakāmyayā

241.4

tatra gatvaudanaṃ gopā yācatāsmadvisarjitāḥ || kīrtayanto bhagavata āryasya mama cābhidhām

241.5

ityādaṣṭā
bhagavatā gatvā'yācanta te tathā || kṛtāñjalipuṭā viprān daṇḍavat patitā bhuvi

241.6

he bhūmidevāḥ śṛṇuta kṛṣṇasyādeśakāriṇaḥ || prāptān jānīta bhadraṃ vo gopān no rāmacoditān

241.7

gāścārayantāvavidūra odanaṃ rāmānvitau vo laṣato bubhukṣitau || tayordvijā odanamarthinoryadi
śraddhā ca vo yacchata dharmavittamāḥ

241.8

dīkṣāyāḥ paśusaṃsthāyāḥ sautrāmaṇyāśca satttamāḥ || anyatra dīkṣitasyāpi nānna maśnan hi duṣyati

241.9

iti te bhagavadyācñāṃ śṛṇvanto'pi na śuśruvuḥ || kṣudrāśā bhūrikarmāṇo bāliśā vṛddhamāninaḥ

241.10

deśaḥ kālaḥ pṛthak dravyaṃ mantratantrartvijo'gnayaḥ || devatā yajamānaśca kraturdharmaśca yanmayaḥ

241.11

taṃ brahma paramaṃ sākṣādbhagavantamadhokṣajam || manuṣyadṛṣṭyā duṣprajñā martyātmāno na menire

241.12

na te yadomiti procurna neti ca parantapa || gopā nirāśāḥ pratyetya tathocuḥ kṛṣṇarāmayoḥ

241.13

tadupākarṇya bhagavān prahasya jagadīśvaraḥ
vyājahāra punargopān darśayan laukikīṃ gatim

241.14

māṃ jñāpayata patnībhyaḥ sasaṃkarṣaṇamāgatam || dāsyanti kāmamannaṃ vo snigdhā mayyuṣitā
dhiyā

241.15

gatvā'tha patnīśālāyāṃ dṛṣṭvā''sīnāḥ svalaṃkṛtāḥ || natvā dvijasatīrgopāḥ praśritā idamabruvan

241.16

namo vo viprapatnībhyo
nibodhata vacāṃsi naḥ || ito'vidūre caratā kṛṣṇeneheṣitā vayam

241.17

gāścārayan sa gopālaiḥ sarāmo dūramāgataḥ || bubhukṣitasya tasyānnaṃ
sānugasya pradīyatām

241.18

śrutvā'cyutamupāyātaṃ nityaṃ taddarśaneotsukāḥ || tatkathākṣiptamanaso babhūvurjātasaṃbhramāḥ

241.19

caturvidhaṃ bahuguṇamannamādāya bhājanaiḥ || abhisasuḥ priyaṃ sarvāḥ samudramiva nimnagāḥ

241.20

niṣidhyamānāḥ patibhibhrātṛbhirbandhubhiḥ sutaiḥ || bhagavatyuttamaśloke dīrghaśrutadhṛtāśayāḥ

241.21

yamunopavane'śokanavapallavamaṇḍite || vicarantaṃ vṛtaṃ gopaiḥ sāgrajaṃ dadṛśuḥ striyaḥ

241.22

śyāmaṃ hiraṇyaparidhiṃ vanamālyabarhadhātupravālanaṭaveṣamanuvratāṃse || vinyastahastamitareṇa dhunānamabjaṃ karṇotpalālakakapolamukhābjahāsam

241.23

prāyaḥ śrutapriyatamodayakarṇapūrairyasmin nimagnamanasastamathākṣirandhraiḥ || antaḥ praveśya suciraṃ parirabhya tāpaṃ prājñaṃ yathābhimatayo vijahūrnarendra

241.24

tāstathā tyaktasarvāśāḥ
prāptā ātmadidṛkṣayā || vijñāyākhiladṛgdraṣṭā prāha prahasitānanaḥ

241.25

svāgataṃ vo mahābhāgā āsyatāṃ karavāma kim || yanno didṛkṣayā prāptā
upapannamidaṃ hi vaḥ

241.26

nanvaddhā mayi kurvanti kuśalāḥ svārthadarśanāḥ || ahaitukyavyavahitāṃ bhaktimātmapriye yathā

241.27

prāṇabuddhimanāḥsvātmadārāpatyadhanādayaḥ || yatsaṃparkāt priyā āsaṃstataḥ konvaparaḥ priyaḥ

241.28

tadyāta devayajanaṃ patayo vo dvijātayaḥ || svasatraṃ pārayiṣyanti yuṣmābhirgṛhamedhinaḥ

241.29

patnya ūcuḥ || maivaṃ vibho'rhati bhavān gadituṃ nṛśaṃsaṃ satyaṃ kuruṣva nigamaṃ tava pādamūlam || prāptā vayaṃ
tulasidāmapadāvasṛṣṭaṃ keśainirvoḍhumatilaṃghya samastabandhūn

241.30

gṛhṇanti no na patayaḥ pitarau sutā vā na bhrātṛbandhusuhṛdaḥ kuta eva cānye
tasmādbhavatprapadayoḥ patitātmanāṃ no nānyā bhavedgatirarindama tadvidhehi

241.31

śrībhagavānuvāca || patayo nābhyasūyeran pitṛbhrātṛsutādayaḥ
lokāśca ye mayopetā devā apyanumanvate

241.32

na prītaye'nurāgāya hyaṅgasaṅgo nṛṇāmiha || tanmano mayi yuñjānā acirānmāmavāpsyatha

241.33

śravaṇāddarśanāddhyānānmayi bhāvo'nukīrttanāt || na tathā sannikarṣeṇa pratiyāta tato gṛhān

241.34

śrīśuka uvāca || ityuktā munipatnyastā
yajñavāṭaṃ punargatāḥ || te cānasūyavaḥ svābhiḥ strībhiḥ satramapārayan

241.35

tatraikā vidhṛtā bhartrā bhagavantaṃ yathāśrutam || hṛdopaguhya vijahau dehaṃ
karmānubandhanam

241.36

bhagavānapi govindastenaivānnena gopakān || caturvidhenā''śayitvā svayaṃ ca bubhuje prabhuḥ

241.37

evaṃ līlānaravapurnṛlokamanuśīlayan || reme gogopagopīnāṃ ramayan rūpavākkūtaiḥ

241.38

athānusmṛtya viprāste anvatapyan kṛtāgasaḥ || yadviśveśvarayoryāñcāmahanma nṛviḍambayoḥ

241.39

dṛṣṭvā strīṇāṃ bhagavati kṛṣṇe bhaktimalaukikīm || ātmānaṃ ca tayā hīnamanutaptā vyagarhayan

241.40

dhig janma
nastrivṛdvidyāṃ dhig vrataṃ dhig bahujñatām || dhik kulaṃ dhik kriyādākṣyaṃ vimukhā ye tvadhokṣaje

241.41

nūnaṃ bhagavato māyā yogināmapi
mohinī || yadvayaṃ guravo nṛṇāṃ svārthe muhyāmahe dvijāḥ

241.42

aho paśyata nārīṇāmapi kṛṣṇe jagadgurau || durantabhāvaṃ yo'vidhyanmṛtyupāśān
gṛhābhidhān

241.43

nāsāṃ dvijātisaṃskāro na nivāso gurāvapi || na tapo nātmamīmāṃsā na śaucaṃ na kriyāḥ śubhāḥ

241.44

tathāpi hyuttamaśloke kṛṣṇe yogeśvareline
śvare || bhaktirdṛḍhā na cāsmākaṃ saṃskārādimatāmapi

241.45

nanu svārthavimūḍhānāṃ pramattānāṃ gṛhehayā || aho naḥ smārayāmāsa
gopavākyaiḥ satāṃ gatiḥ

241.46

anyathā pūrṇakāmasya kaivalyādyāśiṣāṃ pateḥ || īśitavyaiḥ kimasmābhirīśasyaitadviḍambanam

241.47

hitvā'nyān
bhajate yaṃ śrīḥ pādasparśāśayā'sakṛt || ātmadoṣāpavargeṇa yadyācñā janamohinī

241.48

deśaḥ kālaḥ pṛthagdravyaṃ mantratantrartvijo'gnayaḥ || devatā
yajamānaśca ṛturdharmaśca yanmayaḥ

241.49

sa eṣa bhagavān sākṣādviṣṇuryogeśvareśvaraḥ || jāto yaduṣvityaśṛṇma hyapi mūḍhā na vidmahe

241.24-2

caturviṃśe śakrayāgavyāvṛttirhetukalpanaiḥ || govarddhanamakhodbhūtistatra ślokā gajāyrayaḥ ( 38 ) || anuṣṭubho'pi ( 38 ) tāvatyastathovāceti pañcakam ( 5 )

241.50

atha
dhanyatamā yeṣāṃ nastādṛśīḥ striyaḥ || bhaktyā yāsāṃ matirjātā hyasmākaṃ niścalā harau

241.51

namastasmai bhagavate kṛṣṇāyākuṇṭhamedhase || yanmāyāmohitadhiyo bhramāmaḥ karmavartmasu

241.52

sa vai na ādyaḥ puruṣaḥ svamāyāmohitātmanām || avijñātānubhāvānāṃ kṣantumarhatyatikramam

241.53

iti svāghamanusmṛtya kṛṣṇe te kṛtahelanāḥ || didṛkṣavo'pyacyutayoḥ kaṃsādbhītā na cācalan

241.53.p1

iti śrībhāgavate mahāpurāṇe daśamaskandhe pūrvārdhe yajñapatnyuddharaṇaṃ nāma trayoviṃśo'dhyāyaḥ

Linked texts (12)