Anvitarthaprakashika 243
Anvitārthaprakāśikā 243
- Language
- Sanskrit
Contents
- 243.33 — 1 part
243.1
śrīśuka uvāca || indrastadātmanaḥ pūjāṃ vijñāya vihatāṃ nṛpa || gopebhyaḥ kṛṣṇanāthebhyo nandādibhyaścukopa saḥ
243.2
gaṇaṃ sāṃvartakaṃ nāma
meghānāṃ cāntakāriṇām || indraḥ prācodayat kruddho vākyaṃ cāheśamānyuta
243.3
aho śrīmadamāhātmyaṃ gopānāṃ kānanaukasām || kṛṣṇaṃ martyamupāśritya ye cakrurdevahelanam
243.4
yathā dṛḍhaiḥ karmamayaiḥ kratubhirnāma naunibhaiḥ || vidyāmānvīkṣikīṃ hitvā titīrṣanti bhavārṇavam
243.5
vācālaṃ
vāliśaṃ stabdhamajñaṃ paṇḍitamāninam|| kṛṣṇaṃ martyamupāśritya gopā me cakrurapriyam
243.6
eṣāṃ śriyā 'valiptānāṃ kṛṣṇenādhmāyitātmanām || dhunuta
śrīmadastambhaṃ paśūn nayata saṃkṣayam
243.7
ahaṃ cairāvataṃ nāgamāruhyānuvraje vrajam || marudgaṇairmahāvīryernandagoṣṭhajighāṃsayā
243.8
śrīśuka uvāca
itthaṃ maghavatā''jñaptā meghā nirmuktabandhanāḥ || nandagokulamāsāraiḥ pīḍayāmāsurojasā
243.9
vidyotamānā vidyudbhiḥ stanantaḥ stanayitnubhiḥ
tīvrairmarudgaṇairnunnā vavṛṣurjalāśarkarāḥ
243.10
sthūṇāsthūlā varṣadhārā muñcatsvabhreṣvabhīkṣṇaśaḥ || jalaughaiḥ plāvyamānā bhūrnādṛśyata natonnatam
243.11
atyāsārātivātena paśavo jātavepanāḥ || gopā gopyaśca śītārtā govindaṃ śaraṇaṃ yayuḥ
243.12
śiraḥ sutāṃśca kāyena pracchādyāsārapīḍitāḥ
vepamānā bhagavataḥ pādamūlamupāyayuḥ
243.13
kṛṣṇa kṛṣṇa mahābhāga tvannāthaṃ gokulaṃ prabho || trātumarhasi devānnaḥ kupitāddbhaktavatsala
243.14
śilāvarṣanipātena hanyamānamacetanam || nirīkṣya bhagavān mene kupitendrakṛtaṃ hariḥ
243.15
apartvatyulbaṇaṃ varṣamativātaṃ śilāmayam || svayāge
nihate'smābhirindro nāśāya varṣati
243.16
tatra pratividhiṃ samyagātmayogena sādhaye || lokeśamānināṃ mauḍhyāddhariṣye śrīmadaṃ tamaḥ
243.17
nahi sadbhāvayuktānāṃ surāṇāmīśavismayaḥ || matto'satāṃ mānabhaṅgaḥ praśamāyopakalpate
243.18
tasmānmaccharaṇaṃ goṣṭhaṃ mannāthaṃ matparigraham || gopāye
svātmayogena so'yaṃ me vrata āhitaḥ
243.19
ityuktvaikena hastena kṛtvā govardhanocalam || dadhāra līlayā kṛṣṇaśchatrākamiva bālakaḥ
243.20
athāha bhagavān gopān he'mba tāta vrajaukasaḥ || yathopajoṣaṃ viśata girigartaṃ sagodhānāḥ
243.21
na trāsa iha vaḥ kāryo maddhastādadrinipātane
vātavarṣabhayenālaṃ tattrāṇaṃ vihitaṃ hi vaḥ
243.22
tathā nirviviśurgartaṃ kṛṣṇāśvāsitamānasāḥ || yathāvakāśaṃ sadhanāḥ savrajāḥ sopajīvinaḥ
243.23
kṣuttṛḍvyathāṃ sukhāpekṣāṃ hitvā tairvrajavāsibhiḥ || vīkṣyamāṇo dadhāvadriṃ saptāhaṃ nācalat padāt
243.24
kṛṣṇayogānubhāvaṃ taṃ niśamyendro'tivismitaḥ || nistambho bhraṣṭasaṃkalpaḥ svān meghān saṃnyavārayat
243.25
khaṃ vyabhramuditādityaṃ vātavarṣaṃ ca dāruṇam || niśāmyoparataṃ gopān
govardhanadharo'bravīt
243.26
niryāta tyajata trāsaṃ gopāḥ sastrīdhanārbhakāḥ || upārataṃ vātavarṣaṃ vyudaprāyāśca nimnagāḥ
243.27
tataste niryayurgopāḥ svaṃ svamādāya godhanam || śakaṭoḍhopakaraṇaṃ strībālasthavirāḥ śanaiḥ
243.28
bhagavānapi taṃ śailaṃ svasthāne pūrvavat prabhuḥ || paśyatāṃ
sarvabhūtānāṃ sthāpayāmāsa līlayā
243.29
taṃ premavegānibhṛtā vrajaukaso yathā samīyuḥ parirambhaṇādibhiḥ || gopyaśca sasnehamapūjayanmudā dadhyakṣatādbhiryuyujuḥ sadāśiṣaḥ
243.30
yaśodā rohiṇī nando rāmaśca balināṃ varaḥ || kṛṣṇamāliṅgya yuyujurāśiṣaḥ snehakātarāḥ
243.31
divi
devagaṇāḥ sādhyāḥ siddhagandharvacāraṇāḥ || tuṣṭuvurmumucustuṣṭāḥ puṣpavarṣāṇi pārthiva
243.32
śaṅkhadundubhayo nedurdivi devapraṇoditāḥ || jagurgandharvapaṃtayastumburupramukhā nṛpa
243.33
tato'nuraktaiḥ paśupaiḥ pariśrito rājan svagoṣṭhaṃ sabalo'vrajaddhariḥ || tathāvidhānyasya kṛtāni gopikā gāyantya
īyurmuditā hṛdispṛśaḥ
243.33.p1
iti śrībhāgavate mahāpurāṇe daśamaskandhe pañcaviṃśo'dhyāyaḥ
Linked texts (10)
- Bhāgavatapurāṇa — Vyāsa, Sanskrit
- Critical edition (BORI) — Sanskrit
- Gopālacampū — Jīva Gosvāmin 1588, Sanskrit
- Bhaktirasāmṛtasindhu — Rūpa Gosvāmin 1541, Sanskrit
- Bhāgavatapurāṇa daśamaskandha — Sanskrit
- Bhāgavatamāhātmya — Kṛṣṇacandra, Sanskrit
- Toḍararāja — Nīlakaṇṭha Dīkṣita, Sanskrit
- Ṭoḍarānanda — Ṭoḍaramalla 1564, Sanskrit
- Bhāgavatakathāsāptāhika — Śrīrāmamūrti Śāstrī Paurāṇika, Sanskrit
- Upodghāta — Sanskrit