Pramāṇa · Search · About · API

Anvitarthaprakashika 263

Anvitārthaprakāśikā 263

Language
Sanskrit

Contents

263.1

śrīśuka uvāca || evaṃ carcitasaṃkalpo bhagavānmadhusūdanaḥ || āsasādātha cāṇūraṃ muṣṭikaṃ rohiṇīsutaḥ

263.2

hastāyāṃ hastayorbaddhvā
padbhyāmeva ca pādayoḥ || vicakarṣaturanyonyaṃ prasahya vijigīṣayā

263.3

aratnī dve aratnibhyāṃ jānubhyāṃ caiva jānunī || śiraḥ śīṣṇorasorastāvanyonyamabhijaghnatuḥ

263.4

paribhrāmaṇavikṣepaparirambhāpapātanaiḥ || utsarpaṇāpasarpaṇaiścānyonyaṃ pratyarundhatām

263.5

utthāpanairunnayaneścālanaiḥ sthāpanairapi || parasparaṃ jigīṣantāvapacakraturātmanaḥ

263.6

tadbalābalavadyuddhaṃ sametāḥ sarvayoṣitaḥ || ūcuḥ parasparaṃ rājansānukampā varūthaśaḥ

263.7

mahānayaṃ batādharma eṣāṃ rājasabhāsadām || ye balābalavadyuddhaṃ rājño'nvicchanti paśyataḥ

263.8

kva vajrasārasarvāṅgau mahlau śailendrasannibhau || kva
cātisukumārāṅgau kiśorau nāptayauvanau

263.9

dharmavyatikramo hyasya samājasya dhruvaṃ bhavet || yatrādharmaḥ samuttiṣṭhena stheyaṃ tatra karhicit

263.10

na sabhāṃ praviśetprājñaḥ sabhyadoṣānanusmaran || abruvanvitruvannajño naraḥ kilbiṣamaśnute

263.11

valgataḥ śatru mabhitaḥ kṛṣṇasya vadanāmbujam
vīkṣyatāṃ śramavāryukṣaṃ padmakośamivāmbubhiḥ

263.12

kiṃ na paśyata rāmasya mukhamātāmralocanam || muṣṭikaṃ prati sāmarṣaṃ hāsasaṃrambhaśobhitam

263.13

puṇyā bata vrajabhuvo yadayaṃ nṛliṅgagūḍhaḥ purāṇapuruṣo vanacitramālyaḥ || gāḥ pālayansahabalaḥ kvaṇayaṃśca veṇuṃ vikrīḍayā'ñcati giritraramārcitāṅghriḥ

263.14

gopyastapaḥ kimacaranyadamuṣya rūpaṃ lāvaṇyasāramasamodhrvamananyasiddham || dṛgbhiḥ pibantyanusavābhinavaṃ durāpamekāntadhāma yaśasaḥ śriya aiśvarasya

263.15

yā dohane'vahanane mathanopalepapreṅkhenārbharuditokṣaṇamārjanādau || gāyanti cainamanuraktadhiyo'śrukaṇṭhyo dhanyā vrajastriya urukramacittayānāḥ

263.16

prātarvrajādvrajata āviśataśca sāyaṃ gobhiḥ samaṃ kvaṇayato'sya niśamya veṇum || nirgamya tūrṇamabalāḥ pathi bhūripuṇyāḥ
paśyanti sasmitamukhaṃ sadayāvalokam

263.17

evaṃ prabhāṣamāṇāsu strīṣu yogeśvaro hariḥ || śatruṃ hantuṃ manaścakre bhagavānbharatarṣabha

263.18

sabhayāḥ
strīgiraḥ śrutvā putrasnehaśucāturau || pitarāvanvavatapyetāṃ putrayorabudhau balam

263.19

taistairniyuddhavidhibhirvividhairacyutetarau || yuyudhāte yathānyāyaṃ
tathaiva balamuṣṭikau

263.20

bhagavadgātraniṣpātairvajraniṣpeṣaniṣṭhuraiḥ || cāṇūro bhajyamānāṅgo muhurglānimavāpa ha

263.21

sa śyenavega utpatya muṣṭīkṛtya karāvubhau || bhagavantaṃ vāsudevaṃ kruddho vakṣasyavādhata

263.22

nācalattatprahāreṇa mālāhata iva dvipaḥ || bāhornigṛhya cāṇūraṃ bahuśo bhrāmayanhariḥ
bhūpṛṣṭhe pothayāmāsa tarasā kṣīṇajovitam

263.23

visrastākalpakeśasragindradhvaja ivāpatat

263.24

tathaiva muṣṭikaḥ pūrvaṃ svamuṣṭyā'bhihatena vai || balabhadreṇa balinā talenābhihato bhṛśam

263.25

pravepitaḥ sa rudhiramudvamanmukhato'rditaḥ || vyasuḥ papātorvyapasthe vātāhata ivāṃghripaḥ

263.26

tataḥ
kūṭamanuprāpto rāmaḥ praharatāṃ varaḥ || avadhīllīlayā rājan sāvajñaṃ vāmamuṣṭinā

263.27

tathaiva hi śalaḥ kṛṣṇapadāpahataśīrṣakaḥ || dvidhā vidīrṇastośalaka ubhāvapi nipetatuḥ

263.28

cāṇūre muṣṭike kūṭe śale tośalake hate || śeṣāḥ pradudruvurmallāḥ sarve prāṇaparīpsavaḥ

263.29

gopānvayasyānākṛṣya taiḥ saṃsṛjya vijahatuḥ || vādyamāneṣu tūryeṣu valgantau rutanūpurau

263.30

janāḥ prajahṛṣuḥ sarve karmaṇā rāmakṛṣṇayoḥ || ṛte kaṃsaṃ vipramukhyāḥ
sādhavaḥ sādhu sādhviti

263.31

hateṣu mallavaryeṣu vidruteṣu ca bhojarāṭ || nyavārayatsvasūryāṇi vākyaṃ cedamuvāca ha

263.40

niḥsārayata durvṛttau vasudevākaṅkanyagrodhakādayaḥ || abhyadhāvannabhikruddhā bhrāturnirveśakāriṇaḥ

263.41

tathā'tirabhasāṃstāṃstu saṃyattāngehiṇīsutaḥ || ahanparighamudyamya paśūniva
mṛgādhipaḥ

263.42

nedurdundubhayo vyomni brahmeśādyā vibhūtayaḥ || puṣpaiḥ kirantastaṃ prītāḥ śaśaṃsurnanṛtuḥ striyaḥ

263.43

teṣāṃ striyo mahārāja
suhṛnmaraṇaduḥkhitāḥ || tatrābhīyurvinighnantyaḥ śīrṣāṇyaśruvilocanāḥ

263.44

śayānānvīraśayyāyāṃ patīnāliṅgya śocatīḥ || vilepuḥ susvaraṃ
nāryo visṛjantyo muhuḥ śucaḥ

263.45

hā nātha priya dharmajña karuṇānātha vatsala || tvayā hatena nihatā vayaṃ te sagṛhaprajāḥ

263.46

tvayā virahitā patyā purīyaṃ puruṣarṣabha || na śobhate vayamiva nivṛttotsavamaṅgalā

263.47

anāgasāṃ tvaṃ bhūtānāṃ kṛtavāndrohamulavaṇam || tenemāṃ bho daśāṃ
nīto bhūtadhrukko labheta śam

263.48

sarveṣāmiha bhūtānāmeṣa hi prabhavāpyayaḥ || goptā ca tadavadhyāyī na kvacitsukhamedhate

263.49

śrīśuka
uvāca || rājayoṣita āśvāsya bhagavām̐llokabhāvanaḥ || yāmāhurlaukikīṃ saṃsthāṃ hatānāṃ samakārayat

263.50

mātaraṃ pitaraṃ caiva mocayitvā'tha bandhanāt || kṛṣṇarāmau vavandāte śirasā spṛśya pādayoḥ

263.51

devakī vasudevaśca vijñāya jagadīśvarau || kṛtasaṃvandanau putrau sasvajāte na śaṅkitau

263.51.p1

iti śrīmadbhāgavate mahāpurāṇe daśamaskandhe pūrvārdhe kaṃsavadho nāma catuścatvāriṃśo'dhyāyaḥ

Linked texts (10)