Anvitarthaprakashika 28
Anvitārthaprakāśikā 28
- Language
- Sanskrit
Contents
- 28.40 — 1 part
28.1
sūta uvāca || mahīpatistvatha tatkarma garhyaṃ vicintayannātmakṛtaṃ sudurmanāḥ || aho mayā nīcamanāryavatkṛtaṃ nirāgasi brahmaṇi gūḍhatejasi
28.2
dhruvaṃ tato me kṛtadevahelanād duratyayaṃ vyasanaṃ nātidīrghāt || tadastu kāmaṃ tvaghaniṣkṛtāya me yathā na kuryā punarevamaddhā
28.3
adyaiva
rājyaṃ balamṛddhakośaṃ prakopitabrahmakulānalo me || dahatyabhadrasya punarna me'bhūtpāpīyasī dhīrdvijadevagobhyaḥ
28.4
sa cintayannityamathāśṛṇodyathā suneḥ
sutokto nirṛtistakṣakahvayaḥ || sa sādhu mene na cireṇa takṣakyānalaṃ prasaktasya viraktikāraṇam
28.5
atho vihāyemamamuṃ ca lokaṃ vimarśitau heyatayā purastāt || kṛṣṇāṅghrisavāmadhimanyamāna upāniśatprāyamamartyanadyām
28.6
yā vai lasacchrītulasīvimiśrakṛṣṇāṅghrireṇvabhyadhikāmbunetrī
punāti lokānubhayatra śeśānkastāṃ na seveta mariṣyamāṇaḥ
28.7
iti vyavacchidya sa pāṇḍaveyaḥ prāyopaveśaṃ prati viṣṇupadyām || dadhyau mukundāṅṅghimananyabhāvo munivrato muktasamastasaṅgaḥ
28.8
tatropajagmurbhuvanaṃ punānā mahānubhāvā munayaḥ saśiṣyāḥ || prāyeṇa tīrthābhigamāpadeśaiḥ svayaṃ hi
tīrthāni punanti santaḥ
28.9
atrirvasiṣṭhaścyavanaḥ śaradvānariṣṭanemirbhṛguraṅgirāśca || parāśaro gādhisuto'tha rāma utathya indrapramadedhmavāhau
28.10
medhātithirdevala āṣṭriṣeṇo bhāradvājo gautamaḥ pippalādaḥ || maitreya aurvaḥ kavaṣaḥ kumbhayonirdvaipāyano bhagavānnāradaśca
28.11
anye ca devarṣibrahmarṣivaryā rājarṣivaryā aruṇādayaśca || nānārṣeyapravarānsametānabhyarcya rājā śirasā vavande
28.12
sukhopaviṣṭeṣvatha teṣu bhūyaḥ kṛtapraṇāmaḥ svacikīrṣitaṃ yat || vijñāpayāmāsa viviktacetā upasthito'gre'bhigṛhītapāṇiḥ
28.13
parīkṣiduvāca || aho vayaṃ dhanyatamā nṛpāṇāṃ mahattamānugrahaṇīyaśīlāḥ || rājñāṃ kulaṃ brāhmaṇapādaśaucāddūrādvisṛṣṭaṃ bata garhyakarma
28.14
tasyaiva me'ghasya parāvareśo vyāsaktacittasya gṛheṣvabhīkṣṇam || nirvedamūlo
dvijaśāparūpo yatra prasakto bhayamāśu dhatte
28.15
taṃ mopayātaṃ pratiyantu viprā gaṅgā ca devī dhṛtacittamīśe || dvijopasṛṣṭaḥ kuhakastakṣako vā daśatvalaṃ gāyata viṣṇugāthāḥ
28.16
punaśca bhūyādbhagavatyanante ratiḥ prasaṅgaśca tadāśrayeṣu || mahatsu yāṃ yāmupayāmi sṛṣṭiṃ maitryastu sarvatra namo dvijebhyaḥ
28.17
iti sma rājā'dhyavasāyayuktaḥ prācīnamūleṣu kuśeṣu dhīraḥ || udaṅmukho dakṣiṇakūla āste samudrapatnayāḥ svasutanyastabhāraḥ
28.18
evaṃ
ca tasminnaradevadeve prāyopaviṣṭe divi devasaṃghāḥ || praśasya bhūmau vyakiranprasūnairmudā muhurdundubhayaśca neduḥ
28.19
maharṣayo vai samupāgatā ye praśasya
sādhvityanumodamānāḥ || ūcuḥ prajātypesśahaśīlasārā yaduttamaślokaguṇābhirūpam
28.20
na vai idaṃ rājarṣivarya citraṃ bhavatsu kṛṣṇaṃ samanuvrateṣu
ye'dhyāsanaṃ rājakirīṭajuṣṭaṃ sadyo jahurbhagavatpārśvakāmāḥ
28.21
sarve vayaṃ tāvadihāsmahe'dya kalevaraṃ yāvadasau vihāya || lokaṃ paraṃ virajaskaṃ viśokaṃ
yāsyatyayaṃ bhāgavatapradhānaḥ
28.22
āśrutya tadṛṣigaṇavacaḥ parīkṣitsamaṃ madhucyudguru cāvyalīkam || abhāṣataitānabhivandya yuktaṃ śuśrūṣamāṇaścaritāni
viṣṇoḥ
28.23
samāgatāḥ sarvata eva sarve vedā yathā mūrtidharāstripṛṣṭhe || nehātha vā'mutra ca kaścanā'rtha ṛte parānugrahamātmaśīlam
28.24
tataśca vaḥ pṛcchyamimaṃ vipṛcche viśrabhya viprā itikṛtyatāyām || sarvātmanā mriyamāṇaiśca kṛtyaṃ śuddhaṃ ca tatrāmṛśatābhiyuktāḥ
28.25
tatrābhavadbhagavānvyāsaputro yadṛcchayā gāmaṭamāno'napekṣaḥ|| alakṣyaliṅgo nijalābhatuṣṭo vṛtaḥ stribālairavadhūtaveṣaḥ
28.26
taṃ dvyaṣṭavarṣaṃ sukumārapādakarorubāhvaṃsakapolagātram || cārvyāyatākṣonnasatulyakarṇasubhrvānanaṃ kambusujātakaṇṭham
28.27
nigūḍhajatruṃ pṛthutuṅgavakṣasamāvarttanābhi valivalgūdaraṃ ca
digambaraṃ vakravikīrṇakeśaṃ pralambabāhuṃ svamarottamābham
28.28
śyāmaṃ sadā'pīcyavayo'ṅgalakṣmyā strīṇāṃ manojñaṃ rucirasmitena || pratyutthitāste
munayaḥ svāsanebhyastallakṣaṇajñā api gūḍhavarcasam
28.29
viṣṇurāto'tithaya āgatāya tasmai saparyāṃ śirasā''jahāra || tato nivṛttā hyabudhāḥ
striyo'rbhakā mahāsane sopaviveśa pūjitaḥ
28.30
sa saṃvṛtastatra mahānmahīyasāṃ brahmarṣirājarṣidevarṣisaṅghaiḥ || vyarocatālaṃ bhagavānyathendurgṛharkṣatārānikaraiḥ parītaḥ
28.31
praśāntamāsīnamakuṇṭhamedhasaṃ muniṃ nṛpo bhāgavato'bhyupetya || praṇamya mūrdhnāvahitaḥ kṛtāñjalirnatvā girā sūnṛtayā'nvapṛcchat
28.32
aho adya vayaṃ brahmansatsevyāḥ kṣatrabandhavaḥ || kṛpayā'tithirūpeṇa bhavadbhistīrthakāḥ kṛtāḥ
28.33
yeṣāṃ saṃsmaraṇātpuṃsāṃ sadyaḥ śudhyanti
vai gṛhāḥ || kiṃ punardarśanasparśapādaśaucāsanādibhiḥ
28.34
sānnidhyātte mahāyoginpātakāni mahāntyapi || sadyo naśyanti vai puṃsāṃ viṣṇoriva
suretarāḥ
28.35
api me bhagavānprītaḥ kṛṣṇaḥ pāṇḍusutapriyaḥ || paitṛṣvasreyaprītyarthaṃ tadgotrasyāttabāndhavaḥ
28.36
anyathā te'vyaktagaterdarśanaṃ
naḥ kathaṃ nṛṇām || nitarāṃ mriyamāṇānāṃ saṃsiddhasya vanīyasaḥ
28.37
ataḥ pṛcchāmi saṃsiddhiṃ yogināṃ paramaṃ gurum || puruṣasyeha yatkāryaṃ
mriyamāṇasya sarvathā
28.38
yacchrotavyamatho jāpyaṃ yatkartavyaṃ nṛbhiḥ prabho || smartavyaṃ bhajanīyaṃ vā brūhi yadvā viparyayam
28.39
nūnaṃ bhagavato brahmangṛheṣu gṛhamedhinām || na lakṣyate hyavasthānamapi godohanaṃ kvacit
28.40
sūta uvāca || evamābhāṣitaḥ pṛṣṭaḥ sa rājñā ślakṣṇayā
girā || pratyabhāṣata dharmajño bhagavānbādarāyaṇiḥ
28.40.p1
iti śrībhāgavate mahāpurāṇe'ṣṭādaśasāhasryāṃ pāramahaṃsyāṃ saṃhitāyāṃ prathamaskandhe śukāgamanaṃ nāma ekonaviṃśo'dhyāyaḥ
Linked texts (3)
- Bhāgavatapurāṇa — Vyāsa, Sanskrit
- Bhāgavatamāhātmya — Kṛṣṇacandra, Sanskrit
- Bhāgavatasāroddhāra (Viṣṇutīrtha) — Viṣṇutīrtha 1731, Sanskrit