Pramāṇa · Search · About · API

Anvitarthaprakashika 342

Anvitārthaprakāśikā 342

Language
Sanskrit

Contents

342.1

rājovāca || tato mahābhāgavata uddhave nirgate vanam || dvāravatyāṃ kimakarodbhagavānbhūtabhāvanaḥ

342.2

brahmaśāpopasaṃsṛṣṭe svakule yādavarṣabhaḥ || preyasīṃ sarvanetrāṇāṃ tanuṃ sa kathamatyajat

342.3

pratyākraṣṭuṃ nayanamabalā yatra lagnaṃ na śekuḥ karṇāviṣṭaṃ na sarati tato yatsatāmātmalagnam || yacchrīrvācāṃ janayati ratiṃ kiṃ nu mānaṃ kavīnāṃ dṛṣṭvā jiṣṇoryudhi rathagataṃ yacca tatsāmyamīyuḥ

342.4

śrīśuka uvāca || divi bhuvyantarikṣe
ca mahotpātānsamutthitān || dṛṣṭvā''sīnān sudharmāyāṃ kṛṣṇaḥ prāha yadūnidam

342.5

śrībhagavānuvāca || ete ghorā mahotpātā dvārvatyāṃ yamaketavaḥ
muhūrttamapi na stheyamatra no yadupuṅgavāḥ

342.6

striyo bālāśca vṛddhāśca śaṅkhoddhāraṃ vrajāṃnvitaḥ || vayaṃ prabhāsaṃ yāsyāmo yatra pratyaksarasvatī

342.7

tatrābhiṣicya śucaya upoṣya susamāhitāḥ || devatāḥ pūjayiṣyāmaḥ snapanālepanārhaṇaiḥ

342.8

brāhmaṇāṃstu mahābhāgānkṛtasvastyayanā vayam || gobhūhiraṇyavāsobhirgajāśvarathaveśmabhiḥ

342.9

vidhireṣa hyariṣṭaghno maṅgalāyanamuttamam || devadvijagavāṃ pūjā bhūteṣu paramo bhavaḥ

342.10

iti sarve samākarṇya yaduvṛddhā madhudviṣaḥ || tatheti naubhiruttīrya prabhāsaṃ prayayu rathaiḥ

342.11

tasminbhagavatā''diṣṭaṃ yadudevena yādavāḥ || cakruḥ paramayā bhaktyā sarvaśreyopabṛṃhitam

342.12

tatastasminmahāpānaṃ papumaireyakaṃ madhu || diṣṭavibhraṃśitadhiyo yaddravairbhraśyate matiḥ

342.13

mahāpānābhimattānāṃ vīrāṇāṃ
dṛptacetasām || kṛṣṇamāyāvimūḍhānāṃ saṃgharṣaḥ sumahānabhūt

342.14

yuyudhuḥ krodhasaṃrabdhā velāyāmātatāyinaḥ || dhanurbhirasibhirbhallairgadābhistomararṣṭibhiḥ

342.15

patatpatākai rathakuñjarādibhiḥ kharoṣṭragobhirmahiṣairnarairapi || mithaḥ sametyāśvataraiḥ sudurmadā nyahañcharairdadbhiriva dvipā vane

342.16

pradyumnasāmbau yudhi rūḍhamatsarāvakrūrabhojāvaniruddhasātyakī || subhadrasaṃgrāmajitau sudāruṇau gadau sumitrāsurathau samīyutuḥ

342.17

anye ca ye niśaṭholmukādayaḥ sahasrajicchatajidbhānumukhyāḥ || anyonyamāsādya madāndhakāritā jaghnurmukundena vimohitā bhṛśam

342.18

daśārhavṛṣṇyandhakabhojasātvatā madhvarbudā māthuraśūrasenāḥ || visarjaṃnāḥ kukurāḥ kuntayaśca mithastataste'tha visṛjya sauhṛdam

342.19

putrā ayudhyanpitṛbhirbhrātṛbhiśca
svastrīyadauhitrapitṛvyamātulaiḥ || mitrāṇi mitraiḥ suhṛdaḥ suhṛdbhirjñātīṃstvahañjñātaya eva mūḍhāḥ

342.20

śareṣu kṣīyamāṇeṣu bhajyamāneṣu dhanvasu
śastreṣu kṣīyamāṇeṣu muṣṭibhirjahurerakāḥ

342.21

tā vajrakalpā hyabhavanparighā muṣṭinā bhṛtāḥ

342.22

jaghnurdviṣastaiḥ kṛṣṇena vāryamāṇāstu taṃ
ca te || pratyanīkaṃ manyamānā balabhadraṃ ca mohitāḥ || hantuṃ kṛtadhiyo rājannāpannā ātatāyinaḥ

342.23

atha tāvapi saṃkruddhāvudyamya kurunandana || erakāmuṣṭiparighau carantau jaghnaturyudhi

342.24

brahmaśāpopasṛṣṭānāṃ kṛṣṇamāyāvṛtātmanām || spardhākrodhaḥ kṣayaṃ ninye vaiṇavo'gniyathā
vanam

342.25

evaṃ naṣṭeṣu sarveṣu kuleṣu sveṣu keśavaḥ || avatārito bhuvo bhāra iti mene'vaśeṣitaḥ

342.26

rāmaḥ samudravelāyāṃ yogamāsthāya
pauruṣam || tatyāja lokaṃ mānuṣyaṃ saṃyojyātmānamātmani

342.27

rāmaniryāṇamālokya bhagavān devakīsutaḥ || niṣasāda dharopasthe tūṣṇīmāsādya
pippalam

342.28

bibhraccaturbhujaṃ rūpaṃ bhrājiṣṇu prabhayā svayā || diśo vitimirāḥ kurvanvidhūma iva pāvakaḥ

342.29

śrīvatsāṅka ghnaśyāmaṃ taptahāṭakavarcasam || kauśeyāmbarayugmena parivītaṃ sumaṅgalam

342.30

sundarasmitavaktrābjaṃ nīlakuntalamaṇḍitam || puṇḍarīkābhirāmākṣaṃ sphuranmakarakuṇḍalam

342.31

kaṭisūtrabrahmasūtrakirīṭakaṭakāṅgadaiḥ || hāranūpuramudrābhiḥ kaustubhena virājitam

342.32

vanamālāparītāṅgaṃ mūrtimadbhinirjāyudhaiḥ || kṛtvorau dakṣiṇe pādamāsīnaṃ paṅkajāruṇam

342.33

musalāviśeṣādyaḥkhaṇḍakṛteṣulubdhako jarā || mṛgāsyākāraṃ taccaraṇaṃ vivyādha mṛgaśaṅkayā

342.34

caturbhujaṃ taṃ puruṣaṃ dṛṣṭvā sa kṛtakilbiṣaḥ || bhītaḥ papāta śirasā pādayorasuradviṣaḥ

342.35

ajānatā kṛtamidaṃ pāpena madhusūdana || kṣantumarhasi pāpasya uttamaśloka me'nagha

342.36

yasyāsmaraṇaṃ nṛṇāmajñānadhvāntanāśanam || vadanti tasya te viṣṇo mayā'sādhu
kṛtaṃ prabho

342.37

tanmā''śu jahi vaikuṇṭha pāpmānaṃ mṛgalubdhakam || yathā punarahaṃ tvevaṃ na kuryāṃ sadatikramam

342.38

yasyātmayogaracitaṃ na
vidurviriñco rudrādayo'nasya tanayāḥ patayo girāṃ ye || tanmāyayā pihitadṛṣṭaya etadaṅgaḥ kiṃ tasya te vayamasadgatayo gṛṇīmaḥ

342.39

śrībhagavānuvāca || mā bhairajare tvamuttiṣṭha kāma eva kṛto hi me || yāhi tvaṃ madanujñātaḥ svargaṃ sukṛtināṃ padam

342.40

śrīśuka uvāca || ityādiṣṭo
bhagavatā kṛṣṇenecchāśarīriṇā || triḥ parikramya taṃ natvā vimānena divaṃ yayau

342.41

dārukaḥ kṛṣṇapadavīmanvicchannadhigamya tām
vāyuṃ tulasikāmodamāghrāyābhimukhaṃ yayau

342.42

taṃ tatra tigmadyutibhirāyudhairvṛtaṃ hyaśvatthamūle kṛtaketanaṃ patim || snehaplutātmā nipapāta pādayo
rathādavaplutya sa bāṣpalocanaḥ

342.43

apaśyatastvaccaraṇāmbujaṃ prabho dṛṣṭiḥ praṇaṣṭā tamasi praviṣṭā || diśo na jāne na labhe ca śāntiṃ
yathā niśāyāmuḍupe praṇaṣṭe

342.44

iti bruvati sūte vai ratho garuḍalāñchanaḥ || khamutpapāta rājendra sāśvadhvaja udīkṣataḥ

342.45

tamanvagacchandivyāni viṣṇupaharaṇāni ca || tenātivismitātmānaṃ sūtamāha janārdanaḥ

342.46

gaccha dvāravatīṃ sūta jñātīnāṃ nidhanaṃ mithaḥ || saṅkarṣaṇasya
niryāṇaṃ bandhubhyo brūhi madddaśām

342.47

dvārakāyāṃ ca na stheyaṃ bhavadbhiborder-width:0;
svabandhubhiḥ || mayā tyaktāṃ yadupurīṃ samudraḥ plāvayiṣyati

342.48

svaṃ svaṃ parigrahaṃ sarve ādāya pitarau ca naḥ || arjunenāvitāḥ sarva indraprasthaṃ gamiṣyatha

342.49

tvaṃ tu maddmamāsthāya jñānaniṣṭha upekṣakaḥ
manmāyāracanāmetāṃ vijñāyopaśamaṃ vraja

342.50

ityuktastaṃ parikramya namaskṛtya punaḥ punaḥ || tatpādau śīrṇyupādhāya durmanāḥ prayayau purīm

342.50.p1

iti śrīmadbhāgavate mahāpurāṇe ekādaśaskandhe yadukulasaṃkṣayo nāma triṃśo'dhyāyaḥ

Linked texts (6)