Pramāṇa · Search · About · API

Anvitarthaprakashika 348

Anvitārthaprakāśikā 348

Language
Sanskrit

Contents

348.1

śrīśuka uvāca || atrānuvarṇyate'bhīkṣṇaṃ viśvātmā bhagavān hariḥ || yasya prasādajo brahmā rudraḥ krodhasamudbhavaḥ

348.2

tvaṃ tu rājanmariṣyeti paśubuddhimimāṃ jahi || na jātaḥ prāgabhūto'dya dehavattvaṃ na naṅ‌kṣyasi

348.3

na bhaviṣyāmi bhūtvā tvaṃ putrapautrādirūpavān || bījāṃkuravaddehādde
rvyatirikto yathā'nalaḥ

348.4

svapne yathā śiraśchedaṃ pañcatvādyātmanaḥ svayam || yasmātpaśyati dehasya tata ātmā hyajo'maraḥ

348.5

ghaṭe bhinne
yathākāśa ākāśaḥ syādyathā purā || evaṃ dehe mṛte jīvo brahma sampadyate punaḥ

348.6

manaḥ sṛjati vai dehānguṇānkarmāṇi cātmanaḥ || tanmanaḥ
sṛjate māyā tato jīvasya saṃsṛtiḥ

348.7

snehādhiṣṭhānavartyagnisaṃyogo yāvadīyate || tato dīpasya dīpatvamevaṃ dehakṛto bhavaḥ || rajaḥsattvatamovṛttyā
jāyate'tha vinaśyati

348.8

na tatrātmā svayaṃjyotiryo vyaktāvyaktayoḥ paraḥ || ākāśa iva cādhāro dhruvo'nantopamastataḥ

348.9

evamātmānamātmasthamātmanaivāmṛśa prabho || buddhyā'numānagarbhiṇyā vāsudevānucintayā

348.10

codito vipravākyena na tvāṃ dhakṣyati takṣakaḥ || mṛtyavo
nopadhakṣyanti mṛtyūnāṃ mṛtyumīśvaram

348.11

ahaṃ brahma paraṃ dhāma brahma'haṃ paramaṃ padam || evaṃ samīkṣyannātmānamātmanyādhāya niṣkale

348.12

daśantaṃ takṣakaṃ pāde lelihānaṃ viṣānanaiḥ || na drakṣyasi śarīraṃ ca viśvaṃ ca pṛthagātmanaḥ

348.13

etatte kathitaṃ tāta yathātmā pṛṣṭavānnṛpa || harerviśvātmanaśceṣṭāṃ
kiṃ bhūyaḥ śrotumicchasi

348.13.p1

iti śrīmadbhāgavate mahāpurāṇe dvādaśaskandhe pramāṇalakṣaṇaṃ nāma pañcamo'dhyāyaḥ

Linked texts (7)