Pramāṇa · Search · About · API

Anvitarthaprakashika 352

Anvitārthaprakāśikā 352

Language
Sanskrit

Contents

352.1

sūta uvāca || saṃstuto bhagavānivyaṃ mārkaṇḍeyena dhīmatā || nārāyaṇo narasakhaḥ prīta āha bhṛgūdvaham

352.2

śrībhagavānuvāca || bho bho brahmarṣivaryāsi siddha ātmasamādhinā || mayi bhaktyā'napāyinyā tapaḥsvādhyāyasaṃyamaiḥ

352.3

vayaṃ te parituṣṭāḥ sma tvadbṛhadvratacaryayā || varaṃ pratīccha
bhadraṃ te varadeśādabhīpsitam

352.4

ṛṣiruvāca || jitaṃ te devadeveśa prapannārtiharācyuta || vareṇaitāvatā'laṃ no yadbhavānsamadṛśyata

352.5

gṛhītvā'jādayo yasya śrīmatpādābjadarśanam || manasā yogapakvena sa bhavānme'kṣagocaraḥ

352.6

athāpyambujapatrākṣa puṇyaślokāśikhāmaṇe || draṣṭaye māyāṃ
yayā lokaḥ sapālī veda sadbhidām

352.7

sūta uvāca || itīḍito'rcitaḥ kāmamṛṣiṇā bhagavānmune || tatheti sa smayanprāgādvadaryāśramamīśvaraḥ

352.8

tameva cintayannarthamṛṣiḥ svāśrama eva saḥ || vasannagnyarkasomāmbubhūvāyuviyadātmasu

352.9

dhyāyansarvatra ca hariṃ bhāvadravyairapūjayat || kvacitpūjāṃ visasmāra premaprasarasamplutaḥ

352.10

tasyaikadā bhṛguśreṣṭha puṣpabhadrātaṭe mune || upāsīnasya sandhyāyāṃ brahman vāyurabhūnmahān

352.11

taṃ caṇḍaśabdaṃ samudīrayantaṃ balāhakā anvabhavankarālāḥ || akṣasthaviṣṭhā mumucustaḍidbhiḥ svananta uccairbhuvivarṣadhārāḥ

352.12

tato vyadṛśyanta catuḥsamudrāḥ
samantataḥ kṣmātalamāgrasantaḥ || samīravegormibhirugranakramahābhayāvartagabhīraghoṣāḥ

352.13

antarbahiścādbhiratiyubhiḥ kharaiḥ śatahradābhiścatatāpitaṃ
jagat || caturvidhaṃ vīkṣya mahātmanā munirjalāplutāṃ kṣmāṃ vimanāḥ samatrasat

352.14

tasyaivamudvīkṣata ūrmibhīṣaṇaḥ prabhañjanāghūrṇitavārmahārṇavaḥ || āpūryamāṇo varaṣadbhirambudaiḥ kṣmāmapyadhādvīrpavarṣādribhiḥ samam

352.15

sakṣmāntarikṣaṃ sadivaṃ sabhāgaṇaṃ trailokyamāsītsaha digbhirāplutam || sa eka evorvarito mahāmunirbhrāma vivikṣapya jaṭā jaḍāndhavat

352.16

kṣuttṛṭparīto makaraistimiṅgilairupadruto vīcinabhasvatā hataḥ || tamasyapāre patito bhramandiśo na veda khaṃ gāṃ ca pariśrameṣitaḥ

352.17

kvacidvrato mahāvarta taralestāḍitaḥ kvacit || yādobhirbhakṣyate kvāpi svayamanyonyaghātibhiḥ

352.18

kvacicchokaṃ kvacinmohaṃ kvacidduḥkhaṃ sukhaṃ bhayam || kvacinmṛtyumavāpnoti vyādhyādibhirutārditaḥ

352.19

ayutāyutavarṣāṇāṃ sahasrāṇi śatāni ca || vyatīyurbhramatastasminviṣṇumāyāvṛtātmanaḥ

352.20

sa kadāciddhamaṃstasminpṛthivyāḥ kakudi dvijaḥ || nyagrodhapotaṃ dadṛśe
phalapallavaśobhitam

352.21

prāguttarasyāṃ śākhāyāṃ tasyāpi dadṛśe śiśum || śayānaṃ parṇapuṭake grasantaṃ prabhayā tamaḥ

352.22

mahāmarakataśyāmaṃ
śrīmadvadanapaṅkajam || kambugrīvaṃ mahoraskaṃ sunāsaṃ sundarabhruvam

352.23

śvāsaijadalakābhātaṃ kambuśrokarṇadāḍimam || vidrumādharabhāseṣacchoṇāyitasudhāsmitam

352.24

padmagarbhāruṇāpāṅgaṃ hṛdyahāsāvalokanam || śvāsaijadvaliśaṃvignanimnanābhidalodaram

352.25

cārvaṃgulibhyāṃ pāṇibhyāmunnīya
caraṇāmbujam || mukhe nidhāya viprendro dhayantaṃ vīkṣya vismitaḥ

352.26

taddarśanāddhītapariśramo mudā protphullahṛtpadmavilocanāmbujaḥ || prahṛṣṭaromā'dbhutabhāvaśaṅkitaḥ praṣṭuṃ purastaṃ prasasāra bālakam

352.27

tāvacchiśorvai śvasitena bhārgavaḥ so'ntaḥśarīre maśako yathā'viśat || tatrāpyado nyastamacaṣṭa
kṛtsnaśo yathā purā muhyadatīva vismitaḥ

352.28

khaṃ rodasī bhagaṇānadrisāgarāndvīpānsavarṣānnakakubhaḥ surāsurān || vanāni deśānsaritaḥ purākarān kheṭānvrajānāśramavarṇavṛttayaḥ

352.29

mahānti bhūtānyatha bhautikānyasau kālaṃ ca nānāyugakalpakalpanam || yatkiñcidanyadvyavahārakāraṇaṃ
dadarśa viśvaṃ sadivāvabhāsitam

352.30

himālayaṃ puṣpavahāṃ ca tāṃ nadīṃ nijāśramaṃ tatra ṛṣīnapaśyat || viśvaṃ vipaśyañchvasitācchiśorvai bahirnirasto nyapatadbayābdhau

352.31

tasminpṛthivyāḥ kakudi prarūḍhaṃ vaṭaṃ ca tatparṇapuṭe śayānam || tokaṃ ca tatpremasudhāsmitena nirīkṣato'pāṅganirīkṣaṇena

352.32

atha taṃ bālakaṃ vīkṣya netrābhyāṃ dhiṣṭhitaṃ hṛdi || abhyayādatisaṃśliṣṭaḥ pariṣvaktamadhokṣajam

352.33

tāvatsa bhagavansākṣādyogādhīśo
guhāśayaḥ || antardadha ṛṣeḥ sadyo yathahānīśanirmitā

352.34

tamanvatha vaṭo brahmansaṭilaṃ lokasamplavaḥ || tirodhāyi kṣaṇādasya svāśrame
pūrvavatsthitaḥ

352.34.p1

iti śrīmadbhāgavate mahāpurāṇe dvādaśaskandhe māyādarśanaṃ nāma navamo'dhyāyaḥ

Linked texts (5)