Pramāṇa · Search · About · API

Anvitarthaprakashika 41

Anvitārthaprakāśikā 41

Language
Sanskrit

Contents

41.1

uddhava uvāca || tataḥ sa āgatya puraṃ svapitrościkīrṣayā śaṃ baladevasaṃyutaḥ || nipātya tuṅgādripuyūthanāthaṃ hataṃ vyakarṣaddhvasubhojasorvyām

41.2

sāndīpaneḥ sakṛt proktaṃ brahmādhītya savistaram || tasmai prādādvaraṃ putraṃ mṛtaṃ pañcajanodarāt

41.3

samāhutā bhīṣmakakanyayā ye śriyaḥ savarṇena bubhūṣayaiṣām || gāndharvavṛttyā miṣatāṃ svabhāgaṃ jahe padaṃ mūrdhni dadhat suparṇaḥ

41.4

kakudmato'viddhanaso damitvo svayaṃvare nāmajitomuvāha || tadbhagmamānānapi gṛdhyato'jñān jaghne'kṣataḥ śastrabhṛtaḥ svaśastraiḥ

41.5

priyaṃ prabhurgrāmya iva priyāyā vidhitsurārcchat dyutaruṃ yadarthe || vajryā''dravat taṃ sagaṇo
ruṣā'ndhaḥ krīḍāmṛgo nūnamayaṃ vadhūnām

41.6

sutaṃ mṛdhe khaṃ vapuṣā grasantaṃ dṛṣṭvā sunābhonmathitaṃ dharitryā || āmantritastattanayāya śeṣaṃ dattvā tadantaḥ
puramāviveśa

41.7

tatrāhatāstā naradevakanyāḥ kujena dṛṣṭvā harimārtabandhum || utthāya sadyo jagṛhuḥ praharṣavrīḍā'nurāgaprahitāvalokaiḥ

41.8

āsāṃ
muhūrta ekasmin nānāgāreṣu yoṣitām || savidhaṃ jagṛhe pāṇīnanurūpaḥ svamāyayā

41.9

tāsvapatyānyajanayadātmatulyāni sarvataḥ || ekaikasyāṃ
daśa daśa prakṛtervibubhūṣayā

41.10

kālamāgadhaśālvādīnanīkai rundhataḥ puram || ajīghanat svayaṃ divyaṃ svapuṃsāṃ teja ādiśat

41.11

śambaraṃ
dvividaṃ vāṇaṃ muraṃ valvalameva ca || anyāṃśca dantavakrādīnavadhīt kāṃśca ghātayat

41.12

atha te bhrātṛputrāṇāṃ pakṣayoḥ patitān nṛpān || cacāla
bhūḥ kurukṣetraṃ yeṣāmāpatatāṃ valaiḥ

41.13

sa karṇaduḥśāsanasaubalānāṃ kumantrapākena hataśriyāyuṣām || suyodhanaṃ sānucaraṃ śayānaṃ bhagrorumurvyāṃ na nananda
paśyan

41.14

kiyān bhuvo'yaṃ kṣapitorubhāro yaddroṇabhīṣmārjunabhīmamūlaiḥ || aṣṭādaśākṣauhiṇiko madaiścairāste balaṃ durviṣahaṃ yadūnām

41.15

mitho yadaiṣāṃ bhavitā vivādo madhvāmadātāmravilocanānām || naiṣāṃ vadhopāya iyānato'nyo mayyudyate'ntardadhate svayaṃ sma

41.16

evaṃ saṃcintya
bhagavān svarājye sthāpya dharmajam || nandayāmāsa suhṛdaḥ sādhūnāṃ vartma darśayan

41.17

uttarāyāṃ dhṛtaḥ pūrorvaṃśaḥ sādhvabhimanyunā || sa vai drauṇyastrasaṃchinnaḥ punarbhagavatā dhṛtaḥ

41.18

ayājayat dharmasutamaśvamedhaistribhirvibhuḥ || so'pi kṣmāmanujai rakṣan reme kṛṣṇamanuvrataḥ

41.19

bhagavānapi
viśvātmā lokavedapathānugaḥ || kāmān siṣeve dvārvatyāmasaktaḥ sāṃkhyamāsthitaḥ

41.20

snigdhasmitāvalokena vācā pīyūṣakalpayā || caritreṇānavadyena śrīniketena cātmanā

41.21

imaṃ lokamamuṃ caiva ramayan sutarāṃ yadūnū || reme kṣaṇadayā dattakṣaṇastrīkṣaṇasauhṛdaḥ

41.22

tasyaivaṃ ramamāṇasya
saṃvatsaragaṇān bahūn || gṛhamedheṣu yogeṣu virāgaḥ samajāyata

41.23

daivādhīneṣu kāmeṣu daivādhīnaḥ svayaṃ pumān || ko visrambheta yogena yogeśvaramanuvrataḥ

41.24

puryāṃ kadācit krīḍadbhiryadubhojakumārakaiḥ || kopitā munayaḥ śepurbhagavanmatakovidāḥ

41.25

tataḥ katipayairmāsairvṛṣṇibhojāndhakādayaḥ
yayuḥ prabhāsaṃ saṃhṛṣṭā rathairdevavimohitāḥ

41.26

tatra snātvā pitṝn devānṛṣīṃścaiva tadambhasā || tarpayitvā'tha viprebhyo gāvo bahuguṇā daduḥ

41.27

hiraṇyaṃ rajataṃ śayyā vāsāṃsyajinakambalān || yānaṃ rathānibhān kanyā dharāṃ vṛttikarīmapi

41.28

annaṃ corurasaṃ tebhyo dattvā bhagavadarpaṇam
goviprārthāsavaḥ śūrāḥ praṇemurbhuvi mūrdhabhiḥ

41.28.p1

iti śrībhāgavate mahāpurāṇe tṛtīyaskandhe prabhāsakṣetragamanaṃ nāma tṛtīyo'dhyāyaḥ

Linked texts (4)