Anvitarthaprakashika 78
Anvitārthaprakāśikā 78
- Language
- Sanskrit
Contents
- 78.53 — 1 part
78.1
ākramyorasi dakṣasya śitadhāreṇa hetinā || chindanna
maitreya uvāca || atha devagaṇāḥ sarve rudrānīkaiḥ parājitāḥ || śūlapaṭṭiśanistriṃśagadāparighamudgaraiḥ
78.2
sañchinnabhinnasarvāṅgāḥ sartviksabhyā
bhayākulāḥ || svayaṃbhuve namaskṛtya kātsnye̍naitannyavedayan
78.3
upalabhya puraivaitadbhagavānabjasaṃbhavaḥ || nārāyaṇaśca viśvātmā na kasyādhvaramīyatuḥ
78.4
tadākarṇya vibhuḥ prāha tejīyasi kṛtāgasi || kṣemāya tatra sā bhūyānna prāyeṇa bubhūṣatām
78.5
athāpi yūyaṃ kṛtakilbiṣā bhavaṃ ye barhiṣo
bhāgabhājaṃ parāduḥ || prasādayadhvaṃ pariśuddhacetasā kṣipraprasādaṃ pragṛhītāṅghripadmam
78.6
āśāsānā jīvitamadhvarasya lokaḥ sapālaḥ kupite na yasmin
tamāśu devaṃ priyayā vihīnaṃ kṣamāpayadhvaṃ hṛdi viddhaṃ duruktaiḥ
78.7
nāhaṃ na yajño na ca yūyamanye ye dehabhājo munayaśca tattvam || viduḥ pramāṇaṃ balavīryayorvā
yasyātmatantrasya ka upāyaṃ vidhitset
78.8
sa itthamādiśya surānajastaiḥ samanvitaḥ pitṛbhiḥ saprajaiśaiḥ || yayau svadhiṣṇyānnilayaṃ puradviṣaḥ kailāsamadripravaraṃ priyaṃ prabhoḥ
78.9
janmoṣadhitapomantrayogasiddhairnaraitaraiḥ || juṣṭaṃ kinnaragandharvairapsarobhirvṛtaṃ sadā
78.10
nānāmaṇimayaiḥ śṛṅgairrnānādhātuvicitritaiḥ || nānādrumalatāgulmairnānāmṛgagaṇairāvṛtaiḥ
78.11
nānā'malaprasravaṇairnānākandarasānubhiḥ || ramaṇaṃ viharantīnāṃ ramaṇaiḥ siddhayoṣitām
78.12
mayūrakekābhirutaṃ madānthālivimūrcchitam || plāvitai raktakaṇṭhānāṃ kūjitaiśca patatriṇām || āhvayantamivoddhastairdvijānkāmadughairdrumaiḥ
78.13
vrajantamiva mātaṅgairṛṇantamiva nirjharaiḥ
78.14
mandāraiḥ pārijātaiśca saralaiścopaśobhitam || tamālaiḥ śālatālaiśca kovidārāsanārjunaiḥ
78.15
cūtaiḥ kadambairnīpaiśca nāgapunnāgacampakaiḥ || pāṭalāśokabakulaiḥ kundaiḥ kurabakairapi
78.16
svarṇārṇaśatapatraiśca vīraveṇukajātibhiḥ || kubjakairmallikābhiśca mādhavībhiśca maṇḍitam
78.17
panasolumbarāśvatthaplakṣanyagrodhahiṅgubhiḥ || bhūrjairauṣadhibhiḥ pūgai rājapūgaiśca jambubhiḥ
78.18
kharjūraśrātakāmrādyaiḥ priyālamadhukeṅgudaiḥ || drumajātibhiranyaiśca rājitaṃ veṇukīcakaiḥ
78.19
kumudotpalakahlāraśatapatravanarddhibhiḥ || nalinīṣu kalaṃ kūjatkhagavṛndopaśobhitam
78.20
mṛgaiḥ śākhāmṛgaiḥ kroḍaimṛgendrairṛkṣaśalyakaiḥ || gavayaiḥ śarabhairvyāghrai rurubhirmahiṣādibhiḥ
78.21
kadalīkhaṇḍasaṃruddhanalinīpulinaśriyam || paryastaṃ nandayā satyāḥ snānapuṇyatarodayā
78.22
vilokya bhūteśagiriṃ vibudhā vismayaṃ yayuḥ
78.23
dadṛśustatra te ramyāmalakāṃ nāma vai purīm || vanaṃ saugandhikaṃ cāpi yatra tannāma paṅkajam
78.24
nandā cālakanandā ca saritau bāhyataḥ puraḥ || tīrthapādapadāmbhojarajasā'tīva pāvane
78.25
yayoḥ surastriyaḥ kṣattaravaruhya svadhiṣṇyataḥ || krīḍanti puṃsaḥ siñcantyo vigāhya ratikarṣitāḥ
78.26
yayostatsnānavibhraṣṭanavakuṅkumapiñjaram || vitṛṣo'pi pibantyambhaḥ pāyayanto gajā gajīḥ
78.27
tārahemamahāratnavimānaśatasaṃkulām || juṣṭāṃ puṇyajanastrībhiryathā khaṃ sataḍidghanam
78.28
hitvā yakṣeśvarapurīṃ vanaṃ saugandhikaṃ ca tat || drumaiḥ kāmadughairhṛdyaṃ citramālyaphalacchadaiḥ
78.29
raktakaṇṭhakhagānīkasvaramaṇḍitaṣaṭpadam || kalahaṃsakulapreṣṭhaṃ kharadaṇḍajalāśayam
78.30
vanakuñjarasaṃghṛṣṭaharicandanavāyunā || adhipuṇyajanastrīṇāṃ muhurunmathayanmanaḥ
78.31
vaidūryakṛtasopānā vāpya utpalamālinīḥ || prāptaṃ kiṃpuruṣairdṛṣṭvā ta ārāddadṛśurvaṭam
78.32
sa yojanaśatotsedhaḥ pādonaviṭapāyataḥ
paryakkūtācalāya nirnīḍastāpavarjitaḥ
78.33
tasminmahāyogamaye mumukṣuśaraṇaṃ surāḥ || dadṛśuḥ śivamāsīnaṃ tyaktāmarṣamivāntakam
78.34
sanandādyairmahāsiddhaiḥ śāntaiḥ saṃśāntavigraham || upāsyamānaṃ sakhyā ca bhartrā guhyakarakṣasām
78.35
vidyātapoyogapathamāsthitaṃ tamadhīśvaram
carantaṃ viśvasuhṛdaṃ vātsalyāllokamaṅgalam
78.36
liṅgaṃ ca bhartrā ca tāpasābhīṣṭaṃ bhasmadaṇḍajaṭājinam || aṅgena saṃdhyābhrarucā candralekhāṃ ca vibhratam
78.37
upaviṣṭaṃ darbhamayyāṃ bṛsyāṃ brahma sanātanam || nāradāya pravrocantaṃ pṛcchate śṛṇvatāṃ satām
78.38
kṛtvorau dakṣiṇe savyaṃ pādapadmaṃ ca
jānuni || bāhuprakoṣṭhe'kṣamālāmāsīnaṃ tarkamudrayā
78.39
taṃ brahmanirvāṇasamādhimāśritaṃ vyupāśritaṃ giriśaṃ yogakakṣām || salokapālā munayo
manūnāmādyaṃ manuṃ prāñjalayaḥ praṇemuḥ
78.40
sa tūpalabhyāgatamātmayoniṃ surāsureśvarairabhivanditāṅghriḥ || utthāya cakre śirasā'bhivandanamarhattamaḥ kasya
yathaiva viṣṇuḥ
78.41
tathā'pare siddhagaṇā maharṣibhirye vai samantādanu nīlalohitam || namaskṛtaḥ prāha śaśāṅkaśekharaṃ kṛtapraṇāmaṃ prahasannivātmabhūḥ
78.42
brahmovāca || jāne tvāmīśaṃ viśvasya jagato yonibījayoḥ || śakteḥ śivasya ca paraṃ yattadbrahma nirantaram
78.43
tvameva bhagannetacchivaśaktyoḥ svarūpayoḥ || viśvaṃ sṛjasi pāsyatsi krīḍannūrṇapaṭo yathā
78.44
tvameva dharmārthadughāmabhipattaye dakṣeṇa sūtreṇa sasarjithādhvaram || tvayaiva
loke'vasitāśca setavo yānbrāhmaṇāḥ śraddadhate dhṛtavratāḥ
78.45
tvaṃ karmaṇāṃ maṅgala maṅgalānāṃ kartuḥ sma loke tanuṣe svaḥ paraṃ vā || amaṅgalānāṃ
ca tamisramulbaṇaṃ viparyayaḥ kena tadaiva kasyacit
78.46
na vai satāṃ tvaccaraṇārpitātmanāṃ bhūteṣu sarveṣvabhipaśyatāṃ tava || bhūtāni cātmanyapṛthagdidṛkṣatāṃ prāyeṇa roṣo'bhibhavedyathā paśum
78.47
pṛthagdhiyaḥ karmadṛśo durāśayāḥ parodayenārpitahṛdrujo'niśam || parān duruktairvitudantyaruntudāṃstānmā'vadhīddaivavadhān bhavadvidhaḥ
78.48
yasminyadā puṣkaranābhamāyayā durantayā spṛṣṭadhiya pṛthagdṛśaḥ || kurvanti tatra hyanukampayā kṛpāṃ
na sādhavo daivabalātkṛte kramam
78.49
bhavāṃstu puṃsaḥ paramasya māyayā durantayā'spṛṣṭamatiḥ samastadṛk || tayā hṛtātmasvanukarmacetaḥ svanugrahaṃ
kartumihārhasi prabho
78.50
kurvadhvarasyoddharaṇaṃ hatasya bhostvayā'samāptasya manoḥ prajāpateḥ || na yatra bhāgaṃ tava bhāgino daduḥ kuyajvino yena makho
ninīyate
78.51
jīvatādyajamāno'yaṃ prapadyetākṣiṇī bhagaḥ || bhṛgoḥ śmaśrūṇi rohantu pūṣṇo dantāśca pūrvavat
78.52
devānāṃ bhagnagātrāṇāmṛtvijāṃ cāyudhāśmabhiḥ || bhavatā'nugṛhītānāmāśu manvyostvanāturam
78.53
eṣa te rudra bhāgo'stu yaducchiṣṭo'dhvarasya vai || yajñaste rudra
bhāgena kalpatāmadya yajñahan
78.53.p1
iti śrībhāgavate caturthaskandhe rudrasāntvanaṃ nāma ṣaṣṭho'dhyāyaḥ
Linked texts (4)
- Vārāhastotra — Sanskrit
- Bhāgavatapurāṇa — Vyāsa, Sanskrit
- Bhāgavatamāhātmya — Kṛṣṇacandra, Sanskrit
- Skanda Purāṇa (Kumāra Kavi) — Kumāra Kavi, Sanskrit