Anvitarthaprakashika 82
Anvitārthaprakāśikā 82
- Language
- Sanskrit
Contents
- 82.30 — 1 part
82.1
maitreya uvāca || prajāpaterduhitaraṃ śiśusārasya vai dhruvaḥ || upayeme bhramiṃ nāma tatsutau kalpavatsarau
82.2
ilāyāmapi bhāryāyāṃ vāyoḥ putryāṃ
mahābalaḥ || putramutkalanāmānaṃ yoṣidratnamajījanat
82.3
uttamastvakṛtodvāho mṛgayāyāṃ balīyasā || hataḥ puṇyajanenādrau tanmātā'sya gatiṃ gatā
82.4
dhruvo bhrātṛvadhaṃ śrutvā kopāmarṣaśucārpitaḥ || jaitraṃ syandanamāsthāya gataḥ puṇyajanālayam
82.5
gatvodīcīṃ diśaṃ rājā rudrānucarasevitām
dadarśa himavaddroṇyāṃ purīṃ guhyaka saṃkulām
82.6
dadhmau śaṃkhaṃ bṛhadvāhuḥ khaṃ diśaścānunādayan || yenodvignadṛśaḥ kṣatta rupadevyo 'trasanbhṛśam
82.7
tato niṣkramya balina upadevamahābhaṭāḥ || asahantastanninādamabhipeturudāyudhāḥ
82.8
sa tānāpatato vīra ugradhanvā mahārathaḥ || ekaikaṃ yugapatsarvānahanyāṇaistribhistribhiḥ
82.9
te vai lalāṭalagnaistairiṣubhiḥ sarva eva hi || matvā nirastamātmānamāśaṃsankarma tasya tat
82.10
te'pi cāmumamṛṣyantaḥ
pādasparśamivoragāḥ || śarairavidhyanyugapadviguṇaṃ prabordercikīrṣavaḥ
82.11
tataḥ parighanistriṃśaiḥ prāsaśūlaparaśvadhaiḥ || śaktyṛṣṭibhirbhuśuṇḍībhiścitravājaiḥ
śarairapi
82.12
abhyavarṣanprakupitāḥ sarathaṃ sahasārathim || icchantastatpratīkartumayutāni trayodaśa
82.13
auttānapādiḥ sa tadā śastravarṣeṇa
bhūriṇā || na upādṛśyata cchanna āsāreṇa yathā giriḥ
82.14
hāhākārastadaivāsītsiddhānāṃ divi paśyatām || hato'yaṃ mānavaḥ sūryo magnaḥ
puṇyajanārṇave
82.15
nadatsu yātudhāneṣu jayakāśiṣvatho mṛdhe || udatiṣṭhadrathastasya nīhārādiva bhāskaraḥ
82.16
dhanurvisphūrjayandivyaṃ dviṣatāṃ
khedamūdvahan || astraughaṃ vyadhamadvāṇairghanānīkamivānalaḥ
82.17
tasya te cāpanirmuktā bhittvā varmrāṇi rakṣasām || kāyānāviviśustigmā girīnśanayo yathā
82.18
bhallaiḥ saṃchidyamānānāṃ śirobhiścārukuṇḍalaiḥ || ūrubhirhematālā bhairdorbhirvalayavalgubhiḥ
82.19
hārakeyūramukuṭairuṣṇīṣaiśca
mahādhanaiḥ || āstṛtāstā raṇabhuvo rejurvīramanoharāḥ
82.20
hatāvaśiṣṭā itare raṇājirādrakṣogaṇāḥ kṣatriyavaryasāyakaiḥ || prāyo vivṛkṇāvayavā
vidudruvurmṛgendravikrīḍitayūthapā iva
82.21
apaśyamānaḥ sa tadātatāyinaṃ mahāmṛdhe kaścana mānavottamaḥ || purīṃ didṛkṣannapi nāviśaddviṣāṃ na
māyināṃ veda cikīrṣitaṃ janaḥ
82.22
iti bruvaṃścitrarathaḥ svasārathiṃ yataḥ pareṣāṃ pratiyogaśaṅkitaḥ || śuśrāva śabdaṃ jaladheriveritaṃ nabhasvato
dikṣu rajo'nvadṛśyata
82.23
kṣaṇenācchāditaṃ vyoma ghanānīkena sarvataḥ || visphurattaḍitā dikṣu trāsayattastanayitnunā
82.24
vavṛṣu rudhiraughāsṛkpūyaviṇmūtramedasaḥ || nipeturgaganādasya kabandhānyagrato'nagha
82.25
tataḥ khe'dṛśyata girirnipetuḥ sarvato diśam || gadāparighanistriṃśamusalāḥ sāśmavarṣiṇaḥ
82.26
ahayo'śaniniḥśvāsā vamanto'gniṃ ruṣā'kṣibhiḥ || abhyadhāvangajā mattāḥ siṃhavyāghrāśca yūthaśaḥ
82.27
samudra
ūrmibhirbhīmaḥ plāvayansarvato bhuvam || āsāda mahāhlādaḥ kalpānta iva bhīṣaṇaḥ
82.28
evaṃvidhānyanekāni trāsanānyamanasvinām || sasṛjustigmagataya āsuryā māyayā'surāḥ
82.29
dhruve prayuktāmamuraistāṃ māyāmatidustarām || niśāmya tasya munayaḥ śamaśaṃsantsamāṃgatāḥ
82.30
munaya
ūcuḥ || auttānapāde bhagavāṃstava śārṅgadhanvā devaḥ kṣiṇotvavanatārtiharo vipakṣāt || yannāmadheyamabhidhāya niśamya cāddhā loko'ñjasā tarati dustaramaṅga mṛtyum
82.30.p1
iti śrīmadbhāgavate mahāpurāṇe caturthaskandhe dhruvacaritaṃ nāma daśamo'dhyāyaḥ
Linked texts (3)
- Vārāhastotra — Sanskrit
- Bhāgavatapurāṇa — Vyāsa, Sanskrit
- Bhāgavatamāhātmya — Kṛṣṇacandra, Sanskrit