Anvitarthaprakashika 87
Anvitārthaprakāśikā 87
- Language
- Sanskrit
Contents
- 87.26 — 1 part
87.1
maitreya uvāca || atha tasya punurviprairaputrasya mahīpateḥ || bāhubhyāṃ mathyamānābhyāṃ mithunaṃ samapadyata
87.2
taddṛṣṭvā mithunaṃ jātamṛṣayo
brahmavādinaḥ || ūcuḥ paramasantuṣṭā viditvā bhagavatkalām
87.3
ṛṣaya ūcuḥ || eṣa viṣṇorbhagavataḥ kalā bhuvanapālinī || iyaṃ ca lakṣmyāḥ
sambhūrtiḥ puruṣasyānapāyinī
87.4
ayaṃ tu prathamo rājñāṃ pumānprathayitā yaśaḥ || pṛthurnāma mahārājo bhaviṣyati pṛthuśravāḥ
87.5
iyaṃ ca sudatī
devī guṇabhūṣaṇabhūṣaṇā || arcirnāma varārohā pṛthumevāvarundhatī
87.6
eṣa sākṣāddhareraṃśo jāto lokarirakṣayā || iyaṃ ca tatparā hi śrīranujajñe'napāyinī
87.7
maitreya uvāca || praśaṃsanti sma taṃ viprā gandharvapravarā jaguḥ || mumucuḥ sumanodhārāḥ siddhā nṛtyanti svaḥstriyaḥ
87.8
śaṅkhatūryamṛdaṅgādyā nedurdundubhayo divi || tatra sarva upājagmurdevarṣipitṝṇāṃ gaṇāḥ
87.9
brahmā jagadgururdevaiḥ sahāsṛtya sureśvaraiḥ || vainyasya dakṣiṇe haste dṛṣṭvā
cihnaṃ gadābhṛtaḥ
87.10
pādayoraravindaṃ ca taṃ vai mene hareḥ kalām || yasyāpratihataṃ cakramaṃśaḥ sa parameṣṭhinaḥ
87.11
tasyābhiṣeka ārabdho brāhmaṇairbrahmavādibhiḥ || ābhiṣecanikānyasmā ājahruḥ sarvato janāḥ
87.12
saritsamudrā girayo nagā gāvaḥ khagā mṛgāḥ || dyauḥ kṣitiḥ sarvabhūtāni
1. 'jahurupāyanam
87.13
so'bhiṣikto mahārājaḥ suvāsāḥ sādhvalaṃkṛtaḥ || patnyā'rciṣā'laṃkṛtayā vireje'gnirivāparaḥ
87.14
tasmai jahāra
dhanado haimaṃ vīravarāsanam || varuṇaḥ salilasrāvamātapatraṃ śaśiprabham
87.15
vāyuśca vālavyajane dharmaḥ kīrtimayīṃ srajam || indraḥ kirīṭamutkṛṣṭaṃ
daṇḍaṃ saṃyamanaṃ yamaḥ
87.16
brahmā brahmamayaṃ varma bhāratī hāramuttamam || hariḥ sudarśanaṃ cakraṃ tatpatnyavyāhatāṃ śriyam
87.17
daśacandramasiṃ rudraḥ
śatacandraṃ tathā'mbikā || somo'mṛtamayānaśvāṃstvaṣṭā rūpāśrayaṃ ratham
87.18
agnirānajagavaṃ cāpaṃ sūryo raśmimayānikhūn || bhūḥ pāduke yogamayyau
dyauḥ puṣpāvalimanvaham
87.19
nāṭyaṃ sugītaṃ vāditramantardhānaṃ ca khecarāḥ || ṛṣayaścāśiṣaḥ satyāḥ samudraḥ śaṅkhamātmajam
87.20
sindhavaḥ
parvatā nadyo rathavīthīrmahātmanaḥ || sūto'tha māgadho vandī taṃ stotumupatasthire
87.21
stāvakāṃstānabhipretya pṛthurvainyaḥ pratāpavān || meghanirhrādayā
vācā prahasannidamabravīt
87.22
pṛthuruvāca || bhoḥ sūta he māgadha saumya bandim̐lloke'dhunā'spaṣṭaguṇasya me syāt || kimāśrayo me stava eṣa
yojyatāṃ mā mayyabhūvanvitathā giro vaḥ
87.23
tasmātparokṣe'smadupaśrutānyalaṅkariṣyatha stotramapocyavācaḥ || satyuttamaślokaguṇānuvāde jugupsitaṃ
na stavayanti sabhyāḥ
87.24
mahadguṇānātmani kartumīśakaḥ stāvakaḥ stāvayate'sato'pi || te'syābhaviṣyanniti vipralabdho janāpahāsaṃ kumatirna
veda
87.25
prabhavo hyātmanaḥ stotraṃ jugupsantyapi viśrutāḥ || hrīmantaḥ paramodārāḥ pauruṣaṃ vā vigarhitam
87.26
vayaṃ tvaviditā loke sūtādyāpi varīmabhiḥ || karmabhiḥ kathamātmānaṃ gāpayiṣyāma bālavat
87.26.p1
iti śrīmadbhāgavate caturthaskandhe pṛthucarite pañcadaśo'dhyāyaḥ
Linked texts (4)
- Vārāhastotra — Sanskrit
- Bhāgavatapurāṇa — Vyāsa, Sanskrit
- Bhāgavatamāhātmya — Kṛṣṇacandra, Sanskrit
- Ānandarāmāyaṇa — Vālmīki, Sanskrit