Anvitarthaprakashika 98
Anvitārthaprakāśikā 98
- Language
- Sanskrit
Contents
- 98.27 — 1 part
98.1
nārada uvāca || sa ekadā maheṣvāso rathaṃ pañcāśvamāśugam || dvīṣaṃ dvicakramekākṣaṃ triveṇuṃ pañcabandhuram
98.2
ekaraśmyekadamanamekanīḍaṃ
dvikūbaram || pañcapraharaṇaṃ saptavarūthaṃ pañcavikramam
98.3
haimopaskaramāruhya svarṇavarmākṣayeṣudhiḥ || ekādaśacamūnāthaḥ pañcaprasthamagādvanam
98.4
cacāra
mṛgayāṃ tatra dṛpta ātteṣukārmukaḥ || vihāya jāyāmatadarhāṃ mṛgavyasanalālasaḥ
98.5
āsurīṃ vṛttimāśritya ghorātmā niranugrahaḥ || nyahananiśitairvāṇairvaneṣu vanagocarān
98.6
tīrtheṣu pratidṛṣṭeṣu rājā medhyānyaśūnvane || yāvadarthamalaṃ lubdho hanyāditi niyamyate
98.7
ya evaṃ karma
niyataṃ vidvānkurvīta mānavaḥ || karmaṇā tena rājendra jñānena na sa lipyate
98.8
anyathā karma kurvāṇo mānārūḍho nibadhyate || guṇapravāhe patito
naṣṭaprajño vrajatyadhaḥ
98.9
tatra nirbhinnagātrāṇāṃ citravājaiḥ śilīmukhaiḥ || viplavo'bhūdduḥkhitānāṃ duḥsahaḥ karuṇātmanām
98.10
śaśānvarāhānmahiṣāngavayān ruruśalyakān || medhyānanyāṃśca vividhānvinighnan śramamabhyagāt
98.11
tataḥ kṣuttṛṭpariśrānto nivṛtto gṛhameyivān || kṛtasnānocitāhāraḥ saṃviveśa gataklamaḥ
98.12
ātmānamarhayāñcakre dhūpālepasragādibhiḥ || sādhvalaṅkṛtasarvāṅgo mahiṣyāmādadhe manaḥ
98.13
tṛpto
hṛṣṭaḥ sudṛptaśca kandarpākṛṣṭamānasaḥ || na vyacaṣṭa varārohāṃ gṛhiṇīṃ gṛhamedhinīm
98.14
antaḥpurastriyo'pṛcchadvimanā iva vediṣat
98.15
api
vaḥ kuśalaṃ rāmāḥ seśvarīṇāṃ yathā purā || na tathaitāha rocante gṛheṣu gṛhasaṃpadaḥ
98.16
yadi na syādgṛhe mātā patnī vā patidevatā || vyaṅge ratha
iva prājñaḥ ko nāmāsīta dīnavata
98.17
kva vartate sā lalanā majjantaṃ vyasanārṇave || yā māmuddharate prajñāṃ dīpayantī pade pade
98.18
rāmā
ūcuḥ || naranātha na jānīmastvatpriyā yadvyavasyati || bhūtale niravastāre śayānāṃ paśya śatruhan
98.19
nārada uvāca || purañjanaḥ svamahiṣīṃ
nirīkṣyāvadhutāṃ bhuvi || tatsaṅgonmathitajñāno vaiklavyaṃ paramaṃ yayau
98.20
sāntvayan ślakṣṇayā vācā hṛdayena vidūyatā || preyasyāḥ snehasaṃrambhaliṅgamātmani nābhyagāt
98.21
anuninye'tha śanakairvīro'nunayakovidaḥ || pasparśa pādayugalamāha cotsaṅgalālitām
98.22
puraṃjana uvāca
nūnaṃ tvakṛtapuṇyāste bhṛtyā yeṣvīśvarāḥ śubhe || kṛtāgaḥsvātmasātkṛtvā śikṣādaṇḍaṃ na yuñjate
98.23
paramo'nugraho daṇḍo bhṛtyeṣu prabhuṇā'rpitaḥ
vālo na veda tattanvi bandhukṛtyamamarṣaṇaḥ
98.24
sā tvaṃ mukhaṃ sudati subhrvanurāgabhāravrīḍāvilambitavilasaddhasitāvalokam || nīlālakālikabhirupaskṛtamunnasaṃ naḥ svānāṃ pradarśaya manasvini valguvākyam
98.25
tasmindadhe damamahaṃ tava vīrapatni yo'nyatra bhūsurakulātkṛtakilbiṣastam || paśye
na vītabhayamunmuditaṃ trilokyāmanyatra vai murariporitaratra dāsāt
98.26
vaktraṃ na te vitilakaṃ malinaṃ viharṣaṃ saṃrambhabhīmamavimṛṣṭamapetarāgam
paśye stanāvāpa śucopahatau sujātau bimbādharaṃ vigatakuṅkumapaṅkarāgam
98.27
tanme prasīda suhṛdaḥ kṛtakilbiṣasya svairaṃ gatasya mṛgayāṃ vyasanāturasya || kā devaraṃ vaśagataṃ kusumāstravegavikṣastapauṃsnamuśatī na bhajeta kṛtyai
98.27.p1
iti śrīmadbhāgavate mahāpurāṇe caturthaskandhe purañjanopākhyāne ṣaḍviṃśo'dhyāyaḥ
Linked texts (5)
- Vārāhastotra — Sanskrit
- Bhāgavatapurāṇa — Vyāsa, Sanskrit
- Critical edition (BORI) — Sanskrit
- Bhāgavatamāhātmya — Kṛṣṇacandra, Sanskrit
- Śikṣāpatra — Sahajānandasvāmin 1800, Sanskrit