Ashtamaskandha 15
Aṣṭamaskandha 15
- Language
- Sanskrit
Contents
- 15.29 — 1 part
15.p1
navamo'dhyāyaḥ
15.p2
vijayadhvajarītyā aṣṭamo'dhyāyaḥ anuvartate
15.1
śrīśuka uvāca
anyonyatassudhā pātraṃ harantastyaktasauhṛdāḥ
kṣipanto dasyudharmeṇa hnāyāntīṃ dadṛśuḥ striyam
15.2
aho rūpa maho dhāma hyaho asyā navaṃ vayaḥ
iti te tāmanudrutya papracchurjātahṛcchayāḥ
15.3
kā tvaṃ kañjapalāśākṣi! kuto vā kiṃ cikīrṣasi
kasyā'si vada vāmoru! mathnīva manāṃsi naḥ
15.4
na vayaṃ tvā'mare daityaiḥ siddhagandharvacāraṇaiḥ
nā'spṛṣṭapūrvāṃ jānīmo yogeśaiśca kuto nṛbhiḥ
15.5
nūnaṃ tvaṃ vidhinā subhru! preṣitā'si śarīriṇām
sarvendriyamanaḥprītiṃ vidhātuṃ saghṛṇena kim
15.6
sā tvaṃ naḥ spardhamānānāmekavastuni mānini!
jñātīnāṃ baddhavairāṇāṃ śaṃ vidhatsva sumadhyame
15.7
vayaṃ kāśyapa dāyādā bhrātaraḥ kṛtapauruṣāḥ
vibhajasva yathānyāyaṃ naiva bhedo yathā bhavet
15.8
ityupāmantrito daityaiḥ māyāyoṣidvapurhariḥ
prahasya rucirāpāṅge nirīkṣannidamabravīt
15.8-2
daityairityamupāmantritaścoditaḥ pramoṃditaḥ ślāghito'labdhalābhabhūto māyā yoṣidvapuḥ ātmīya
saṅkalpopātta strīvapu rhariḥ prahasya sundarai rapāṅgaiḥ nirīkṣa nnirīkṣamāṇaḥ idaṃ vakṣyamāṇamabravīt
15.9
śrī bhagavānuvāca
kathaṃ kāśyapadāyādāḥ puṃścalyāṃ mayi saṅgatāḥ
viśvāsāṃ paṇḍitā jātu kāminīṣu na yānti hi
15.10
sālāvṛkāṇāṃ strīṇāñca svairiṇīnāṃ suradviṣaḥ
sakhyānyāhu ranityāni nūtaṃ nūtaṃ vicinvatām
15.11
śrīśuka uvāca
iti te kṣvelitai stasyā āśvastamanaso'surāḥ
jahasurbhāvagambhīraṃ daduścāmṛtabhājanam
15.12
tato gṛhītvā'mṛtabhājanaṃ hari rbabhāṣa īṣatsmita śobhuyā girā
yadyabhyupetaṃ kva ca sādhvasādhu vā kṛtaṃ mayā vo vibhaje sudhāmimām
15.13
ityabhivyāhṛtaṃ tasyā ākarṇyā'surayūthapāḥ
apramāṇavida stasyā stattathetyanvamaṃsata
15.14
athopoṣva kṛtasnānā hutvā ca haviṣā'nalam
dattvā goviprabhūtebhyaḥ kṛtasvastyayanā dvijaiḥ
15.15
yathopajoṣaṃ vāsāṃsi paridhāyā'hatāni te
kuśeṣu prāviśanparva prākkūleṣvavibhūṣitāḥ
15.16
prāṅmukheṣūpaviṣṭeṣu sureṣu ditijeṣu ca
dhūpābhodita śālāyāṃ juṣṭāyāṃmājyadīpakaiḥ
15.17
tasyāṃ narendrakarabhoruruśadukūla śroṇītaṭālasagatimaṃdavihvalākṣī
sā kūjatī kanakanūpuraśiñjitena kumbhastanī kalaśapāṇirathā''viveśa
15.18
tāṃ śrīsakhīṃ kanakakuṇḍala cārukarṇa nāsā kapolavadanāṃ paradevatākhyāt
saṃvīkṣya sammumuhu rutsmita vīkṣitena devāsurā pavigalitastanapaṭṭikāntām
15.19
asurāṇāṃ sudhādānaṃ sarpāṇāmiva durnayam
matvā jātinṛśaṃsānāṃ na tāṃ vyabhajadacyutaḥ
15.20
kalpayitvā pṛthakpaṅkti rubhayeṣāṃ jagatpatiḥ
tāṃ ścopaveśayāmāsa svāsu svāsu ca paṅktiṣu
15.21
daityāngṛhīta kalaśo vañcayannupasañcaraiḥ
dūrasthānpāyayāmāsa jarāmṛtyuharāṃ sudhām
15.22
te pālayanta ssamaya masurā statkṛtaṃ nṛpa
tūṣṇī māsa kṛtasnehāḥ strīvivādajugupsayā
15.23
tasyāṃ kṛtātipraṇayāḥ praṇayāpāya kātarāḥ
bahumānena cā''baddhāḥ nocuḥ kiñcina vipriyam
15.24
devalṅgiḥ praticchannaḥ svarbhānu rdeva saṃsadi
praviṣṭassomamapi bañcandrākībhyāñca sūcitaḥ
15.25
cakreṇa kṣuradhāreṇa jahāra pibata śiraḥ
hari stasya kabandhastu sudhayā'plāvito'patat
15.26
śirastvamaratāṃ nīta majo graha macīklṛpat
yastu parvaṇi candrākaum̐ vabhidhāvati vairadhīḥ
15.27
pītaprāye'mṛtedevai rbhagavān lokabhāvanaḥ
paśyatāmasurandrāṇāṃ svarūpaṃ jagṛhe vibhuḥ
15.28
evaṃ surāsuragaṇā ssamadeśakālahetvarthakarmamatayo'pi phale vikalpāḥ
tatrā'mṛtaṃ suragaṇāḥ phala mañjasā''puryatpādapaṅkajarajaśśrayaṇānna daityāḥ
15.29
yadyujyate'suvasu karmamanovacobhi dehātmajādiṣunṛbhi stadasa tpṛthaktvāt
taireva sadbhavati yatkriyate'pṛthaktvā sarvasya tadbhavati mūlaniṣecanaṃ tat
15.29.p1
iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīva brahmavidyāyāṃ pāramahaṃsyāṃ saṃhitāyāṃ aṣṭamaskandhe amṛtamathane navamo'dhyāyaḥ
Linked texts (6)
- Bhāgavatapurāṇa — Vyāsa, Sanskrit
- Anvitārthaprakāśikā — Gaṅgāsahāya Śarman, Sanskrit
- Bhāgavatamāhātmya — Kṛṣṇacandra, Sanskrit
- Śabdakalpadruma — Rājā Sir Rādhākānta Deb, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Bhāgavatasāroddhāra (Viṣṇutīrtha) — Viṣṇutīrtha 1731, Sanskrit