Ashtamaskandha 22

Aṣṭamaskandha 22

caturdaśo'dhyāyaḥ

vijayadhvajarītyā trayodaśo'dhyāyaḥ

śrīviṣṇurāto uvāca̍
manvantareṣu bhagavan! yathā manvādaya stvime
yasmin karmaṇi ye yena niyuktā stadvadasva naḥ

brahmarāta uvāce̍
manavo manuputrāśca munayaśca mahīpate
indrāssuragaṇāścaiva sarve puruṣaśāsanāḥ

yajñādayo yāḥ kathitāḥ pauruṣya stanavo nṛpa
manvādayo jagadyātrāṃ nayantyābhiḥpracoditāḥ

caturyugānte kālena grastāñchrutigaṇānnyathā
tapasā ṛṣayo'paśyan yato dharma ssanātanaḥ

tato dharmaṃ catuṣpādaṃ manavo hariṇoditāḥ
yuktā ssañcārayantyaddhā sve sve kāle mahīṃ nṛpa

pālayanti prajāpālā yāvadantaṃ vibhāgaśaḥ
yajñabhāgabhujo devā ye cā'nye'trānukīrtitā̍ḥ

indro bhagavatā dattāṃ trailokyaśriya mūrjitām
bhuñjānaḥ pāti lokāṃstrīn kāmaṃ loke pravarṣati

jñānañchā'nuyugaṃ brūte harirrsiddhasvarūpadhṛt̍
ṛṣirūpadharaḥ karma yogaṃ yogeśarūpadhṛt̍

sargaṃ⁵ prajeśarūpeṇa dasyūn hanyāt⁶ svarāḍvapuḥ
kālarūpeṇa sarveṣā mabhāvāya⁷ pṛthagguṇaḥ

stūyamāno janairebhi rmāyayā nāmarūpayā
vimohitātmabhirnānādarśane rna ca dṛśyate

eta tkalpavikalpasya pramāṇaṃ parikīrtitam
yatra manvantarāṇyāhu śraturdaśa purāvidaḥ

pañcadaśo'dhyāyaḥ

vijayadhvajarītyā caturdaśo'dhyāyaḥ

Linked texts (1)