Ashtamaskandha 23
Aṣṭamaskandha 23
- Language
- Sanskrit
Contents
- 23.36 — 1 part
23.1
viṣṇurātta uvāca
baleḥ padatrayaṃ bhūmeḥ kasmāddharirayācata
bhūteśvaraḥ kṛpaṇavallabdhārtho'pi babandha tam
23.2
etadveditu micchāmo mahatkautūhalaṃ hi naḥ
yajñeśvarasya pūrṇasya bandhanañcā'pyanāgasaḥ
23.3
śrīśuka uvāca
parājitaśrīrasubhiśca hāpitaissvindreṇa rājanbhṛgubhissajīvitaḥ
sarvātmanā tānabhajadbhṛgūnrbaliḥ śiṣyo mahātmārthanivedanena
23.4
taṃ brāhmaṇā bhṛgavaḥ prīyamāṇā ayājayanviśvajitā triṇaukam
jigīṣamāṇaṃ vidhinā'bhiṣicya mahābhiṣekeṇa mahānubhāvāḥ
23.5
tato rathaḥ kāñcanapaṭṭabaddho hayāśca haryaśvaturaṅgavarṇāḥ
dhvajaśca siṃhena virājamāno hutāśanādāsa havirbhiriṣṭāt
23.6
dhanuśca divyaṃ puraṭopanaddhaṃ tūṇāvariktau kavacañca divyam
pitāmahastasya dadau ca mālā mamlānapadmāṃ jalajañca śukraḥ
23.7
evaṃ sa viprārjitayodhanārthaḥ taiḥ kalpitasvastyayano'tha viprān
pradakṣiṇīkṛtya kṛtapraṇāmaḥ prahlādamāmantrya namaścakāra
23.8
athā''ruhya rathaṃ divyaṃ bhṛgudattaṃ mahārathaḥ
sragdharo'tha sannahya dhanvī khaḍgī dhṛteṣudhiḥ
23.9
hemāṅgadalasadbāhuḥ sphuranmakarakuṇḍalaḥ
rarāja rathamārūḍho dhiṣṇyastha iva havyavāṭ
23.10
tulyaiśvaryabalaśrībhiḥ svayūthyairdaityayūthapaiḥ
pibadbhiriva khaṃ dṛgbhiḥ dahadbhiḥ paridhīnikha
23.11
vṛto vikarṣanmahatī māsuroṃ dhvajinīṃ vibhuḥ
yayāvindrapurīmṛddhāṃ kampayanniva rodasī
23.12
ramyāmupavanodyānaiḥ śrīmadbhinrndanādibhiḥ
kūjadvihaṅgamiyunai rgāyanmattamadhuvrataiḥ
23.13
pravālaphala puṣporu bhāraśākhāmaradrumaiḥ
haṃsasārasacakrāhva kāraṇḍava kulākulāḥ
nalinyo yatra krīḍanti pramadāssurasevitāḥ
23.14
ākāśagaṅgayā devyā vṛtāṃ parikhabhūtayā
prākāreṇā'gnivarṇena sāṭṭālenonnatena ca
23.15
rukmapaṭṭakavām̐ṭeśca dvāraiḥ sphaṭikagopuraiḥ
juṣṭāṃ vibhaktaprapathāṃ viśvakarmavinirmitām
23.16
sabhācatvararathyāḍhyāṃ vimānai rnyarbudairyutām
śṛṅgāṭakairmaṇimaye rvajravidrumavedibhiḥ
23.17
yatra nityavayorūpāḥ śyāmā virajavāsasaḥ
bhrājante rūpavannāryo hyarcirbhiriva vahnayaḥ
23.18
surastrīkeśavibhraṣṭanavasaugandhikasrajām
yatrā''modamupādāya mārgaṃ ābāti mārutaḥ
23.19
hemajāla̍ṃvinirgacchaddhūpenā'ge̍rugandhinā
pāṇḍureṇa praticchannamārgaṃ yānti surastriyaḥ
23.20
muktāvitānaimaṇihemaketubhiḥ nānāpatākāvalabhībhirāvṛtām
śikhaṇḍipārāvatabhṛṅganāditāṃ vaimānikastrīkalagītamaṅgalām
23.21
mṛdaṅgaśaṅkhānaka dundubhisvanaiḥ sa tālavīṇāmurajaiśca veṇubhiḥ
nṛtyaissavādyairupadevagītakaiḥ manoramāṃ svaprabhayā jitaprabhām
23.23
yāṃ na vrajantyadharmiṣṭhāḥ bhūtadharmā duhaśśaṭhāḥ
māninaḥ kāmino lubdhāḥ ṣaḍbhirhīnā vrajanti yat
tāmevambhūtāṃ devadhānīmamarāvatīṃ bahirusamantādrurudhinyāḥ senāyāḥ patiḥ sa baliḥ pṛtanyayā senayā
rurudhe| tata indrayoṣitāṃ bhayamutpādayan ācāryeṇa śukreṇa dattaṃ mahāsvanaṃ śaṅkhaṃ dadhmau
23.24
maghavānindraḥ taṃ baleḥ paramamadhikaṃ udyogaṃ jñātvā sarvaiḥ devānāṃ gaṇaiḥ upeto
bṛhaspatiṃ ityamuvāca
23.21-2
jitasūryādigraham
23.22
ebhiradharmādibhiḥ
23.25
pṛtanayā pṛtanayā || 23, 24
bhagavannudyamo bhūyo balernaḥ pūrvavairiṇaḥ
aviṣahyamimaṃ manye kenā''sīttejasojitaḥ
23.26
nainaṃ kaścitkuto vā'pi prativyoḍhuṃmadhīśvaraḥ
pibanniva mukhenedaṃ lihanniva diśo daśa
dahanniva diśo dṛgbhiḥ saṃvartāgnirivotthitaḥ
23.27
brūhi kāraṇametasya durdharṣatvasya yadripoḥ
ojassaho balaṃ tejo yata etatsamudyamaḥ
23.28
gururuvāca
jānāmi maghavan śatro runnaterasyakāraṇam
śiṣyāyoṣabhṛtaṃ tejo gurubhirbrahmavādibhiḥ
23.29
bhavadvidho bhavānvāpi varjayitveśvaraṃ harim
nā'sya śaktaḥ puraḥ sthātuṃ kṛtāntasya yathā janāḥ
23.30
tasmānnilayamutsṛjya yūyaṃ sarve triviṣṭapam
yātakālaṃ pratīkṣanto yataḥ śatrorviparyayaḥ
23.31
eṣa viprabalodarkaḥ sampratyūrjitavikramaḥ
teṣāmevāvamānena sānubandho vinaṅkṣyati
23.32
evaṃ sumantritārthāste guruṇārthānudarśinā
hitvā triviṣṭapaṃ jagmurgīrvāṇāḥ kāmarūpiṇaḥ
23.32-2
evamitthamarthānudarśinā tattatkālocitakartavyaprayojanābhijñena bṛhaspatinā samyagālocitāḥ gīrvāṇāḥ
surāstriviṣṭapaṃ tyaktvā kāmarūpiṇassantaḥ jagmuḥ
23.33
deveṣvatha vilīneṣu bali vairocanaḥ purīm
devadhānīmadhiṣṭhāya vaśaṃ ninye jagattrayam
23.34
taṃ viśvajayinaṃ śiṣyaṃ bhṛgavaḥ śiṣyavatsalāḥ
śatena hayamedhānā manuvratamayājayan
23.35
tatastadanubhāvena bhuvanatrayavistṛtām
kīrti dikṣu vitanvānaḥ sa reje uḍurāḍiva
23.36
bubhuje ca śriyaṃ svṛddhāṃ dvijadevopalambhitām
kṛtakṛtya mivā''tmānaṃ manyamāno mahāmanāḥ
23.36.p1
iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīvabrahmavidyāyāṃ pāramahaṃsyāṃ saṃhitāyāṃ aṣṭamaskandhe pañcadaśo'dhyāyaḥ
Linked texts (1)
- Bhāgavatamāhātmya — Kṛṣṇacandra, Sanskrit