Ashtamaskandha 24
Aṣṭamaskandha 24
- Language
- Sanskrit
Contents
- 24.37-2 — 1 part
24.p1
ṣoḍaśo'dhyāyaḥ
24.p2
vijayadhvajarītyā pañcadaśo'dhyāyaḥ
24.1
śrīśuka uvāca
evaṃ putreṣu naṣṭeṣu devamātā'ditistadā
hṛte triviṣṭape daityaiḥ paryatapyadanāthavat
24.2
ekadā kaśyapastasyā āśramaṃ bhagavānagāt
nirutsavaṃ nirānandaṃ samādhervirataścirāt
24.3
sa patnīṃ dīnavadanāṃ kṛtāsanaparigrahaḥ
saṃbhāṣito yathānyāya midamāha kurudvaha!
24.4
apyabhadraṃ na viprāṇāṃ bhadre loke'dhunā^2 gavām
na dharmasya na lokasya mṛtyośchandānuvartinaḥ
24.5
api vā'kuśalaṃ kiñcit^3 gṛheṣu gṛhamedhini|^4
dharmasyārthasya kāmasya yatra yogo hyayoginām
24.6
api vā'tithayo hyatra kuṭumbāsaktayā tvayā|^5
gṛhādapūjitā yātāḥ pratyutthānena vā kvacit
24.7
gṛheṣu yeṣvatithayo nā'rcitāssalilerapi|^6
yadi niryānti te nūnaṃ pherurājagṛhopamāḥ^7
24.8
apyagnayaste^8 velāyāṃ na hutā haviṣā sati|^9
tvayodvignadhiyā bhadre! proṣite mayi karhicit
24.9
yatpūjayā kāmadughān yāti lokānnṛhevataḥ
brāhmaṇo'gniśca vai viṣṇoḥ sarvadevātmano mukham
24.10
api sarve kuśalinastava putrā manasvini
lakṣaye'svasthamātmānaṃ bhavatyā lakṣaṇairaham
24.11
aditiruvāca
bhadraṃ dvijagavāṃ brahman dharmasyā'sya janasya ca
trivargasya paraṃ kṣetraṃ gṛhamedhin gṛhā ime
24.12
agnayo'tithayo bhṛtyā bhikṣavo ye ca lipsavaḥ
sarvaṃ bhagavato brahman anudhyānānna riṣyati
24.13
ko nu me bhagavankāmo na sampadyeta mānasaḥ
yasyā bhavān prajādhyakṣa evaṃ dharmānprabhāṣate
24.14
tavaiva mārīca manaśśarīrajāḥ prajā imāssattvarajastamojuṣaḥ
samo bhavāṃstāsu surādiṣu prabho tathā'pi bhaktaṃ bhajate maheśvaraḥ
24.15
tasmādīśa bhajantyā me śreyaścintaya suvrata
hṛtaśriyo hṛtasthānānsapatnaiḥ pāhi naḥ prabho
24.16
pare rniāsitā sā'haṃ magnā vyasanasāgare
aiśvaryaṃ śrīryaśaḥsthānaṃ hṛtāni prabalairmama
24.17
yathā tāni purassādho prapadyeran mamātmajāḥ
tathā vidhehi kalyāṇyo dhiyā kalyāṇakṛttama
24.18
śrīśuka uvāca
evamabhyarthito'dityā kastāmāha hasanniva
aho māyābalaṃ viṣṇoḥ snehabaddhamidaṃ jagat
24.19
kva deho bhautiko'nātmā kva cā''tmā prakṛteḥ paraḥ
kasya ke patiputrādyā moha eva hi kāraṇam
24.20
upatiṣṭhasva puruṣaṃ bhagavantaṃ janārdanam
sarvabhūtaguhāvāsaṃ vāsudevaṃ jagadgurum
24.21
sa vidhāsyati te kāmān harurdīnānukampanaḥ
amoghā bhagavatsevā netareti matirmama
24.22
aditiruvāca
kenā'haṃ vidhinā brahman ! upasthāsye jagadgurum
yathā me satyasaṅkalpo vidadhyātsa manoratham
24.23
ādiśa tvaṃ dvijaśreṣṭha vidhiṃ tadupadhāvanam
āśu tuṣyati me devaḥ sīdantyāssaha putrakaiḥ
24.24
kaśyapa uvāca
etanme bhagavānpṛṣṭaḥ prajākāmasya padmajaḥ
yadā''ha te pravakṣyāmi vrataṃ keśavatoṣaṇam
24.25
phālgunasyā'male pakṣe dvādaśāhaṃ payovratam¹
arcayedaravindākṣaṃ bhaktyā paramayā'nvitaḥ
24.26
sinīvālyāṃ mṛdā''lipya snāyātkroḍavidīrṇayā
yadi labhyeta vai srotasyetaṃ mantramudīrayet²
24.27
tvaṃ devyā''divarāheṇa rasāyāḥ sthānamicchatā
uddhṛtā'si namastubhyaṃ pāpmānaṃ me praṇāśaya
24.28
nirvartitātmaniyamo³ devamarcetsamāhitaḥ
arcayet sthaṇḍile⁴ sūrye jale vahnau gurāvapi
24.29
namastubhyaṃ bhagavate puruṣāya mahīyase
sarvabhūtanivāsāya vāsudevāya sākṣiṇe
24.30
namo'vyaktāya sūkṣmāya pradhānapuruṣāya ca
caturviṃśadguṇajñāya⁵ guṇasaṃkhyānahetave⁶
24.31
namo dviśīrṇe tripade catuḥśṛṅgāya⁷ tantave
saptahastāya yajñāya trayīvidyātmane namaḥ
24.32
namaśśivāya rudrāya namaśśaktidharāya⁸ ca
sarvavidyādhipataye bhūtānāṃ pataye namaḥ
24.33
namo hiraṇyagarbhāya prāṇāya jagadātmane
yogaiśvaryaśarīrāya namasta yogahetave
24.34
namasta ādidevāya devadevāya te namaḥ
nārāyaṇāya ṛṣaye narāya haraye namaḥ
24.35
namo marakataśyāmavapuṣe'dhigatagataśriye
keśavāya namastubhyaṃ namaste pītavāsase
24.36
tvaṃ sarvavaradaḥ puṃsāṃ vareṇya varadarṣaṃbha
ataste śreyase dhīrāḥ pādareṇumupāsate
24.37
anvavartanta yaṃ devāḥ śrīśca yatpādapadmayoḥ
spṛhayanta ivā''modaṃ bhagavānme prasīdatām
24.38
etairmantrai rhaṣīkeśamāvāhanapuraskṛtam
arcayecchraddhayā yuktaḥ pādyopasparśanādibhiḥ
24.39
arcayitvā gandhamālyaiḥ payasā snāpayedvibhum
vastropavītābharaṇapādyopasparśanaistataḥ
gandhadhūpādibhiścā'rcat dvādaśākṣaravidyayā
24.40
śṛtaṃ payasi naivedyaṃ śālyannaṃ vibhave sati
sasarpissaguḍhaṃ dattvā juhuyānmūlavidyayā
24.36-2
he vareṇya ! anena gāyatrīpratipādyatvaṃ sūcitam| he varadaśreṣṭha ! tvameva yataḥ sarvavaradaḥ tataḥ tavaiva
pādareṇumiṣṭaprāptaye dhīrā upāste sevante
24.37-2
śrīrlakṣmīḥ devāḥ brahmādayaśca yatpādapadmayorāmodaṃ spṛhayantaḥ kāmayamānā iva yamanusṛtavantaḥ sa bhagavān
pūrṇaṣāḍgupyo vāsudevo mahyaṃ prasīdatām
24.37-2.p1
ityetairmantrairāvāhanena puraskṛtaṃ sannidhāpitaṃ hṛṣīkeśaṃ pādyopasparśanaṃ pādyasamarpaṇaṃ tadādiyaiṣāṃ taiḥ āsanādyai | ādiśabdena grāhyo pāṭhakramastvavivakṣitaḥ āsanādyairpādyairarcayedityarthaḥ || 38
Linked texts (2)
- Bhāgavatamāhātmya — Kṛṣṇacandra, Sanskrit
- Vāsudevarasānanda (Śivaśarman Sūri) — Śivaśarman Sūri, Sanskrit