Pramāṇa · Search · About · API

Ashtamaskandha 25: Aditipayovratakathanam

Aṣṭamaskandha 25

Language
Sanskrit

Contents

Aditipayovratakathanam

25.39

evaṃ etairarcitvā gandhamālyaiḥ gandhapuṣpaissaha payasā gandhādisahitena kṣīreṇa śuddhajalena ca vibhuṃ vāsudevaṃ
snāpayedityarthaḥ | tato vastrādibhirabhyarcya gandhādibhirarcet | ādiśabdena dīpamadhuparkācamanāni grāhyāṇi
dvādaśākṣaravidyayeti pūrvottarānvayi āsanādyupacārāścā'nayaiva kāryāḥ

25.41

niveditaṃ tadbhaktāya dadyāt bhuñjīta vā svayam
dattvā''camanamarcitvā tāmbūlañca nivedayet

25.42

japedaṣṭāttaraśataṃ stuvīta stutibhiḥ prabhum
kṛtvā pradakṣiṇaṃ bhūmau praṇameddaṇḍavanmudā

25.43

kṛtvā śirasi taccheṣaṃ devamudvāsayettataḥ
dvayavarānbhojayedviprān pāyasena yathocitam

25.44

bhuñjīta tairanujñātaḥ śeṣaṃ snehaḥ sabhājitaiḥ
brahmacāryatha tadrātryāṃ śvo bhūte prathame'hani

25.45

snātaḥ śuciryathoktena vidhinā susamāhitaḥ
payasā snāpayitvā'rcaṃt yāvadvratasamāpanam

25.46

payobhakṣavratamidaṃ caredviṣṇāvarcanāhṛtaḥ
pūrvevajjuhuyādagniṃ brāhmaṇāṃścā'pi bhojayet

25.47

evanvaharahaḥ kuryāt dvādaśāhaṃ payovratam
harerārādhanaṃ homamahaṃṇaṃ dvijatarpaṇam

25.48

pratipaddinamārabhya yāvacchuklatrayodaśī
brahmacaryamadhaḥ svapnaṃ snānaṃ triṣavaṇaṃ caret

25.49

varjayedasadālāpaṃ bhogāṃścāvacāṃstathā
ahiṃstrassarvabhūtānāṃ vāsudevaparāyaṇaḥ

25.50

trayodaśyāmatho viṣṇoḥ snapanaṃ pañcakairvibhoḥ
kārayecchāstradṛṣṭena vidhinā vidhikovidaiḥ

25.51

pūjāñca mahatīṃ kuryā dvittaśāṭhyavivarjitaḥ
caruṃ nirūpya payasi śipiviṣṭāya viṣṇave

25.52

sūktena tena puruṣaṃ yajeta susamāhitaḥ
naivedyañcā'dhiguṇavat dadyātpuruṣatuṣṭidam

25.53

ācāryaṃ jñānasampannaṃ vastrarābharaṇadhenubhiḥ
toṣayehṛtvijaścaiva taddhi hyārādhanaṃ hareḥ

25.54

bhojayettān guṇavatā sadannena śucismite
anyāṃśca brāhmaṇānyuktān ye ca tatra samāgatāḥ

25.55

dakṣiṇāṃ gurave dadyādṛttvigbhyaśca yathārhataḥ
annādyenāśvapākebhyaḥ prīṇayetsamupāgatān

25.56

bhuktavatsvatha sarveṣu dīnāndhakṛpaṇādiṣu
viṣṇostatprīṇanaṃ vidvānbhuñjīta saha bandhubhiḥ

25.57

nṛttavāditragītaiśca stutibhiḥ svastivācakaiḥ
kārayettatkathābhiśca pūjāṃ bhagavatonvaham

25.58

etatpayovrataṃ nāma puruṣārādhanaṃ param
pitāmahenā'bhihitaṃ mayā te samudāhṛtam

25.59

tvaṅgā'nena mahābhāge samyagarcaya keśavam
ātmanā śuddhabhāvena niyatātmā bhajāvyayam

25.60

ayaṃ vai sarvayajñākhyaḥ sarvavratamiti smṛtam
tapassāramidaṃ bhadre ! dānañceśvaratarpaṇam

25.61

ta eva niyamāssākṣātta eva ca kratūttamāḥ
tapodānaṃ vrataṃ yajño yena tuṣyatyadhokṣajaḥ

25.62

tasmādetadvrataṃ bhadre ! prayatā śraddhayā yaja
bhagavānparituṣṭaste varamāśu vidhāsyati

25.62.p1

iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīvabrahmavidyāyāṃ pāramahaṃsyāṃ saṃhitāyāṃ aṣṭamaskandhe aditipayovratakathanaṃ nāma ṣoḍaśo'dhyāyaḥ

Linked texts (2)