Pramāṇa · Search · About · API

Ashtamaskandha 3

Aṣṭamaskandha 3

Language
Sanskrit

Contents

3.1

śrīśuka uvāca
āsīdgirivaro rājan trikūṭa iti viśrutaḥ
kṣīrodenāvṛtaḥ śrīmān yojanāyuta mucchritaḥ

3.2

tāvatā vistṛtaḥ paryak tribhiḥ śṛṅgaiḥ payonidhim
diśaśca rocayannāste raupyāyasahiraṇmayaiḥ

3.3

anyaiśca kakubhassarvā ratnadhātuvicitritaiḥ
nānādrumalatāgulmaiḥ nirghoṣairnirjharāmbhasām

3.4

sa cāvanirjyamānāṅghriḥ samantātpaya ūrmibhiḥ
karoti śyāmalāṃ bhūmiṃ harinmarakatāśmabhiḥ

3.5

sidhdacāraṇagandharvaiḥ vidyādhara mahoragaiḥ
kinnarairapsarobhiśca krīḍadbhi rjuṣṭakandaraḥ

3.6

yatra saṅgītasannādaiḥ rnadadguhamamarṣayā
abhigarjanti harayaḥ ślāghinaḥ paraśaṅkayā

3.7

nānāraṇya paśuvrāta saṅkuladroṇyalaṅkṛtaḥ
citradrumasurodyānakalakaṇṭhavihaṅgamaḥ

3.8

saritsarobhi racyodaiḥ pulinairmaṇivālukaiḥ
devastrīmajjanāmoda saurabhotthānirle yutaḥ

3.9

tasya droṇyāṃ bhagavato varuṇasya mahātmanaḥ
udyānamṛtumannāma sākrīḍaṃ surayoṣitām

3.10

sarvato'laṅkṛtaṃ divyaiḥ nityapuṣpaphaladrumaiḥ
mandāraiḥ pārijātaiśca pāṭalāśokacampakaiḥ

3.11

cūtaiḥ priyālaiḥ panasai rāmrai rāmrātakai rapi
kramukai rnālikeraiśca kharjūraiḥ bījapūrakaiḥ

3.12

madhukai ssālatā laiśca tamālai rasanārjunaiḥ
ariṣṭā dumbaraplakṣai rvaṭaiḥ kiṃśuka candanaiḥ

3.13

picumandaiḥ kovidāraiḥ saralai ssuradārubhiḥ
drākṣārambhājambīrairbhallātakairabhayāmalaiḥ

3.14

bilvaiḥ kapitthai rjambīrai vṛtāṃbhallātakai rapi
tasmin sarassu vipulaṃlasatkāñcanapaṅkajam

3.15

kumudotpalakahlāra śatapatra śriyārjitam
mattaṣaṭpadanighṛṣṭaṃ śakuntaiḥ kalanisvanaiḥ

3.16

haṃsakāraṇḍavākīrṇaṃ cakrāhvai ssārasai rapi
jalakukkuṭakoyaṣṭi dātyūhakulakūjitam

3.17

matsyakacchapasañcāra calatpadmarajaḥ payaḥ
kadambavetasa nalanīpavañjulakevṛtam

3.18

kundaiḥ kurabakāśokaiḥ śirīṣaiḥ kuṭajaṅgadaiḥ
kubjakaiḥ svarṇayūthībhirnāgapunnāgajātibhiḥ

3.19

mallikāśatapatraiśca mādhavījālakādibhiḥ
śobhitaṃ tīrajaiścānyai nityartubhi ralaṃ drumaiḥ

3.20

tatraikadā tadgirikānanāśrayaḥ kareṇubhirvāraṇayūthapaścaran
sakaṇṭakaṃ kīcakaveṇuvetrava dvihālagulmaṃ prarujanvanaspatīn

3.21

yadgandhamātrāddharayo gajendrā vyāghrādayo vyālamṛgā ssakhaṅgāḥ
mahoragāścāpi bhayāddravanti sagorakṛṣṇā śarabhāścamaryaḥ

3.22

vṛkā varāhā mahiṣarkṣaśalyā gopucchasālāvṛkamarkaṭāśca
anyatra kṣudrā hariṇā śaśādaya śvarantyabhītā yadanugraheṇa

3.23

sagharmataptaḥ karibhiḥ kareṇubhiḥ vṛto madacyutkalabhai rgabhaddrutaḥ
giriṃ garimṇā paritaḥ prakampan niṣavyamāṇo'likulermadāśanaiḥ

3.24

saro'nilaṃ paṅkajareṇurūṣitaṃ jighranvidūrāt madavihvalekṣaṇaḥ
vṛtaḥ svayūthena tṛṣārditena tat sarovarābhyāśamathā'gamaddrutam

3.25

vigāhya tasminnamṛtāmbu nirmalaṃ hemāravindotpalarareṇuvāsitam
papau nikāmaṃ nijapuṣkaroddhataṃ hyātmāna marṅgaḥ snapayanātakramaḥ

3.26

svapuṣkaraṇādṛta śīkarāmbubhiḥ niṣāyayansaṃprapayanvyathā gṛhī
ghṛṇī kareṇuḥ kalabhāṃśca durmado nā'caṣṭakṛcchraṃkṛpaṇo'jamāyayā

3.27

taṃ tatra kaścinnṛpa ! daivacodito grāho balīyāṃścaraṇe ruṣā'grahīt
yadṛcchayaivaṃ vyasanaṃ gato gajo yathābalaṃ so'tibalo vicakrame

3.28

tathā''taraṃ yūthapati kareṇavo vikṛṣyamāṇaṃ tarasā balīyasā
vicukruśu dīrnadhiyo'para gajāḥ pārṣṇigrahā stārayituṃ na cāśakan

3.29

niyudhyato reva mibhendranakrayo vikarṣato rantarato bahirmithaḥ
samāssahasraṃ vyagaman mahīpate sa prāṇayo ścitra mayaṃsatāmarāḥ

3.30

tato gajendrasya manobalaujasāṃ kālena dīrgheṇa mahānabhūtkṣayaḥ
vikṛṣyamāṇasya jale'vasīdato viparyayo'bhūtsakalaṃ jalokasaḥ

3.31

itthaṃ gajendraḥ sa yadā''pa saṅkaṭaṃ prāṇasya dehī vivaśo yadṛcchayā
apārayannātmavimokṣaṇe ciraṃ dadhyāvimāṃ buddhimathābhyapadyata

3.32

na mā mime jñātaya āturaṃ gajāḥ kutaḥ kariṇyaḥ prabhavanti mocitum
grāheṇa pāśena vidhātu rāvṛtto 'haṅkṛ taṃ yāmi paraṃ parāyaṇam

3.33

yaḥ kaścaneśo balino'ntakoragāt pracaṇḍavegā dabhidhāvato bhṛśam
bhītaṃ prapannaṃ paripāti yadbhayāt mṛtyuḥ pradhāvatyaraṇaṃ tamīmahi

3.33.p1

iti śrīmadbhāgavate mahāpurāṇe śrīvaiyāsikyā aṣṭādaśasāhasryāṃ śrīhayagrīvabrahmavidyāyāṃ pāramahaṃsyā saṃhitāyāṃ aṣṭamaskandhe manvantarānuvarṇane gajendropākhyāne dvitīyā'dhyāyaḥ

Linked texts (3)