Pramāṇa · Search · About · API

Ashtamaskandha 32

Aṣṭamaskandha 32

Language
Sanskrit

Contents

32.1

dvāviṃśo'dhyāyaḥ
śrīśuka uvāca
evaṃ viprakṛto rājan ! balirbhagavatā'suraḥ
bhidyamāno'pyabhinnātmā pratyāhā'viklavaṃ vacaḥ

32.2

baliruvāca
yadyuttamaśloka ! bhavānmameritaṃ vaco 'līkaṃ suravarya ! manyate
karomyṛtaṃ tanna bhavetpralambhanaṃ padaṃ tṛtīyaṃ kuru śīrṣiṇa me nijam

32.3

bibhemi nāhaṃ nirayātpadacyuto na pāśabandhādvyasanādduratyayāt
naivārthakṛcchrādbhavato vinigrahāt asādhuvādādbhṛśamudvije yathā

32.4

puṃsāṃ ślāghyamahaṃ manye daṇḍamarhattamā'rpitam
yaṃ na mātā pitā bhrātā suhṛdaścā''diśanti hi

32.5

tvaṃ nūnamasurāṇāṃ naḥ pārokṣyaḥ paramo guruḥ
yo no'nekamadāndhānāṃ vibhraṃśaṃ cakṣurādiśat

32.6

yasmin vairānubandhena rūḍhena vibudhettarāḥ
bahavo lebhire siddhiṃ yāmuhaikāntayoginaḥ

32.7

tenā'haṃ nigṛhīto'smi bhavatā bhūrikarmaṇā
baddhaśca vāruṇaiḥ pāśaiḥ nātubīḍe na ca vyathe

32.8

pitāmaho me bhavadīyasammataḥ prāhlāda āviṣkṛtasādhuvādaḥ
bhavadvipakṣeṇa vicitravaiśasaṃ samprāpitastvatparamaḥ svapitrā

32.9

kimātmanā''nena jahāti yo'ntataḥ kiṃ rikthahāraiḥ svajanākhyadasyubhiḥ
kiṃ jāyayā saṃsṛtihetubhūtayā martyasya gehaiḥ kimihāyuṣo vyayaḥ

32.10

itthaṃ sa niścitya pitāmaho mahānagādhabodho bhavataḥ padāmbujam
dhruvaṃ prapede hyakutobhayaṃ janāt bhītaḥ svapakṣakṣapaṇasya sattamaḥ

32.19

athāmahampyātmaripostvāntikaṃ daivena nītaḥ prasabhāṃ tyājitaśrīḥ
idaṃ kṛtāntāntikavartti jīvitaṃ yathā'dhruvaṃ stabdhamatirna budhyate

32.12

śrīśuka uvāca
tasyetthaṃ bhāṣamāṇasya prahlādo bhagavatpriyaḥ
ājagāma kuruśreṣṭha ! rākāpatirivotthitaḥ

32.13

tamindrasenaḥ svapitāmahaṃ śriyā virājamānāṃ nalināyatekṣaṇam
prāṃśuṃ piśaṅgāmbaramañjanatviṣaṃ pralambabāhuṃ subhagaṃ samīkṣata

32.14

tasmai balirvāruṇapāśayantritaḥ samarhaṇaṃ nopajahāra pūrvavat
nanāma mūrdhnā'śruvilomalocanaḥ sabrīḍanīcīnamukho babhūva ha

32.15

sa tatra hā''sīnamudīkṣya satpatiṃ hariṃ sunandādyanugerupāsitam
upetya bhūmau śirasā mahamanā nanāma mūrdhnā pulakāśruviklabaḥ

32.16

prahlāda uvāca
tvayaiva dattaṃ padamaindramūrjitaṃ hṛtaṃ tadevā'dya tathaiva śobhanam
manye mahānasya kṛto hyanugraho vibhraṃśito yacchriya ātmamohanāt

32.17

yayā hi vidvānapi muhyate yata̍ḥ tatko² vicaṣṭe gatimātmano yathā
tasmai namaste jagadīśvarāya vai nārāyaṇāya'khila³karmasākṣiṇe

32.18

śrīśuka uvāca
tasyā'nuśṛṇvato rājan prahlādasya kṛtāñjaleḥ
hiraṇyagarbho bhagavān uvāca madhusūdanam

32.19-2

baddhaṃ vīkṣya patiṃ sādhvī tatpatnī bhayavihvalā
prāñjaliḥ praṇatopendraṃ babhāṣe'śrumukhī nṛpa

32.20

vindhyāvaliruvāca
krīḍārthamātmana idaṃ trijagatkṛtaṃ te svāmyaṃ tu tatra kudhiyo'para īśa kuryuḥ
kartuḥ prabhostava kimasyata āvahanti tyaktahriyastvadavaropitakartṛvādāḥ

32.21

brahmovāca
bhūtabhāvana ! bhūteśa ! devadeva jaganmaya !
muñcainaṃ hṛtasarvasvaṃ nāyamarhati nigraham

32.22

kṛtsnā'nena tu dattā bhūrlokāḥ karmārjitāśca ye
niveditañca sarvasvamātmā'vikalayā dhiyā

32.23

yatpādayoracaladhīḥ salilaṃ pradāya dūrvāṅkurairapi vidhāya satī saparyām
apyuttamāṃ gatimasau bhajate trilokīṃ dāśvānaviklabamanāḥ kathamārtimṛcchet

32.24

śrīvāmana uvāca
brahman ! yamanugṛhṇāmi tadvittaṃ vidhunomyaham
yanmadaḥ puruṣaḥ stabdho lokaṃ māṃ cā'vamanyate

32.25

yadā kadācijjīvātmā saṃsaran nijakarmabhiḥ
nānāyoniśvanīśo'yaṃ pauruṣīṃ gatimāvrajet

32.26

janmakarmavayo rūpavidyaiśvaryadhanādibhiḥ
yadyasya na bhavet stambhastatrāyaṃ madanugrahaḥ

32.27

mānastambhanimittānāṃ janmādīnāṃ samantataḥ
sarvaśreyaḥ pratīpānāṃ hanta ! muhyenna matparaḥ

32.28

eṣa dānavadaityānāmagraṇīḥ kīrtivardhanaḥ
ajaiṣīdajayāṃ māyāṃ sīdannapi na muhyati

32.29

kṣīṇarikthaścyutaḥ sthānāt kṣipto baddhaśca raśmibhiḥ
jñātibhiśca parityakto yātanāmanvuyāpitaḥ

32.30

guruṇā bhartsitaḥ śapto jahau satyaṃ na suvrataḥ
chalairūkto mayā dharmo nāyaṃ tyajati satyatham

32.31

aiṣa me prāpitaṃ sthānaṃ duṣprāpamamarairapi
sāvarṇerantarasyāyaṃ bhavitendro madāśrayaḥ

32.32

tāvat sutalamadhyāstāṃ viśvakarmavinirmitam
yaṃnnā''dhayo vyādhayaśca klamastandrī parābhavaḥ
nopasargā nivasataṃā sambhavanti mamekṣayā

32.33

indrasena mahārāja yāhi bho bhadramastu te
sutalaṃ svargibhiḥprārthyaṃ jñātibhiḥ parivāritaḥ

32.34

na tvāmabhibhaviṣyanti lokeśāḥ kimutā'pare
tvacchāsanātigān daityāṃścakraṃ me sūdayiṣyati

32.35

rakṣiṣye sarvato'haṃ tvāṃ sānugaṃ saparicchadam
sadā sannihitaṃ vīra tatra māṃ drakṣyate bhavān

32.36

tatra dānavadaityānāṃ saṅgātte bhāva āsuraḥ
dṛṣṭvā memānubhāvaṃ vai sadyaḥ kuṇṭho vinaṅkṣyati

32.36.p1

iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīvabrahmavidyāyāṃ pāramahaṃsyāṃ saṃhitāyāṃ aṣṭamaskandhe balinigraho nāma dvāviṃśo'dhyāyaḥ

Linked texts (3)