Ashtamaskandha 33
Aṣṭamaskandha 33
- Language
- Sanskrit
Contents
- 33.31 — 1 part
33.1
śrīśuka uvāca
ityuktavantaṃ puruṣaṃ purātanaṃ mahānubhāvo'khilasādhusammataḥ
baddhāñjalirbāṣpakalākulekṣaṇo bhaktyudgalo gadgadayā girā'bravīt
33.2
baliruvāca
aho praṇāmasya kṛtaḥ samudyamaḥ prapannabhaktārthavidhau samāhitaḥ
yallokapālaistvadanugraho'marairalabdhapūrvo'paśade'sure'rpitaḥ
33.3
śrīśuka uvāca
ityuktvā harimānamya brahmāṇaṃ sabhavaṃ tataḥ
viveśa sutalaṃ prīto balirmuktaḥ sahānugaiḥ
33.4
evamindrāya bhagavān pratyānīya triviṣṭapam
pūrayitvā'diteḥ kāmamaśāsatsakalaṃ jagat
33.5
labdhaprasādaṃ nirmuktaṃ pautraṃ vaṃśadharaṃ balim
niśāmya bhaktipravaṇaḥ prahrāda idamabravīt
33.6
śrīvijayadhvajatīrthakṛtā padaratnāvalī
prahlāda uvāca
nemaṃ viriñco labhate prasādaṃ na śrīrna śarvaḥ kimutāpare ye
yanno'surāṇāmasi durgapālo bibhrābhibhandyairapi vanditāṅghriḥ
33.7
yatpādapadmamakarandaniṣevaṇena brahmādayaḥ śaraṇadāśruvate vibhūtim
kasmādvayaṃ kusṛtayaḥ khalayonayaste dākṣiṇyadṛṣṭipadavīṃ bhavataḥ praṇītāḥ
33.8
citraṃ tavehitamaho'mitayogamāyā līlāvisṛṣṭabhuvanasya viśāradasya
sarvātmanaḥ samadṛśo viṣamasvabhāvo bhaktapriyo yadasi kalpatarusvabhāvaḥ
33.9
śrībhagavānuvāca
vatsa prahlāda bhadraṃ te prayāhi sutalaṃ''layam
modamānaḥ svapautreṇa jñātīnāṃ sukhamāvaha
33.10
nityaṃ draṣṭāsi māṃ tatra gadāpāṇimavasthitam
maddarśanamahāhlādadhvastakarmanibandhanaḥ
33.11
śrīśuka uvāca
ājñāṃ bhagavato rājan prahlādo balinā saha
bāḍhamityamalaprajño mūrdhnādhāya kṛtāñjaliḥ
33.12
parikramyā''dipuruṣaṃ sarvāsuracamūpatiḥ
praṇatastadanujñātaḥ praviveśa mahābilam
33.13
athā³hośanasaṃ rājan! harinārāyaṇo'ntike
āsīnamṛtvijāṃ madhye sadasi brahmavādinām
33.14
brahmansantanu śiṣyasya karma chidraṃ vitanvataḥ
yattatkarmasu vaiṣamyaṃ brahmadṛṣṭaṃ samaṃ bhavet
33.15
śuka uvāca
kutastatkarma vaiṣamyaṃ yasya karmeśvaro bhavān
yajñeśo yajñapuruṣaḥ sarvabhāvena pūjitaḥ
33.16
mantratastantrataśchidraṃ deśakālārhavastutaḥ
sarvaṃ karoti niśchidramanusaṅkīrtanaṃ tava
33.17
tathāpi vadato bhūman kariṣyāmyanuśāsanam
etacchreyaḥ paraṃ puṃsāṃ yattavājñā'nupālanam
33.18
śrīśuka uvāca
pratinandya harerājñāmuśanā bhagavāniti
yajñacchidraṃ samādhatta balerviprarṣibhissaha
33.19
evaṃ balermahīṃ rājan! bhikṣitvā vāmano hariḥ
dadau bhrātre mahendrāya tridivaṃ yatparerhṛtam
33.20
prajāpatipatirbrahmā devarṣirmanubhṛmipaiḥ
dakṣabhṛgvaṅgiromukhyaiḥ kumāreṇa bhavena ca
33.21
kaśyapasyāditeḥ prītyai sarvabhūtabhavāya ca
lokānāṃ lokapālānāmakarādvāmanaṃ patim
33.22
vedānāṃ sarvadevānāṃ dharmasya tapasaḥ śriyaḥ
maṅgalānāṃ vratānāṃ ca kalpaṃ svargāpavargayoḥ
33.23
upendraṃ kalpayāñcakre patiṃ sarvavibhūtaye
tadā sarvāṇi bhūtāni bhṛśaṃ mumudire nṛpa
33.24
tatastvindraḥ puraskṛtya devayānena vāmanam
lokapālairdivaṃ ninye brahmaṇā cānumoditaḥ
33.25
prāpya tribhuvanaṃ cendra upendrabhujapālitam
śriyā paramayā juṣṭo mumude gatasādhvasaḥ
33.26
brahmā śarvaḥ kumāraśca bhṛgvādyā munayo nṛpa !
pitaraḥ sarvabhūtāni siddhā vaimānikāśca ye
33.27
sumahatkarma tadviṣṇorgāyantaḥ paramādbhutam
dhiṣṇyāni svāni te jagmuraditiñca śaśaṃsire
33.28
sarvametanmayā''khyātaṃ bhavataḥ kulandana !
urukramasya caritaṃ śrotṝṇāmaghamocanam
33.29
pāraṃ mahimna uru vikramato gṛṇāno yaḥ pārthivāni vimame sa rajāṃsi martyaḥ
kiṃ jāyamāna uta jāta upaiti martya ityāha mantradṛgṛṣiḥ puruṣasya yasya
33.30
ya idaṃ devadevasya hareradbhutakarmaṇaḥ
avatāranucharitaṃ śṛṇvan yāti parāṃ gatim ।।30।।
avatārānucaritaṃ śṛṇvan yāti parāṃ gatim
33.31
kriyamāṇe karmaṇīdaṃ daive pitrye'tha mānuṣe
yatra yatrānukīrtyeta tatteṣāṃ sukṛtaṃ viduḥ
33.31.p1
iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīvabrahmavidyāyāṃ pāramahaṃsyāṃ saṃhitāyāṃ aṣṭamaskandhe trayoviṃśo'dhyāyaḥ
Linked texts (5)
- Bhāgavatapurāṇa — Vyāsa, Sanskrit
- Anvitārthaprakāśikā — Gaṅgāsahāya Śarman, Sanskrit
- Bhāgavatamāhātmya — Kṛṣṇacandra, Sanskrit
- Muktāphala — Vopadeva, Sanskrit
- Prītisaṃdarbha — Rūpa Gosvāmin, Sanskrit